يابنات تكفون شعري كل ماله يتساقط أكثر

قطوف عمري

26-03-2022 - 07:11 am

السلام عليكم ورحمة الله وبركاته
يابنات طلبتكم تكفون
عطوني طريقه توقف تساقط الشعر
مدري شفي شعري كل ماله يتساقط
ويطيح أكثر وأكثر
أنا بس ابي شي يوقف هالتساقط
مابي شيء يكثر
شي يوقف وبس
تكفون
والله العظيم إذا جيت أمشطه ان دموعي بعيوني
من العيد وانا حالتي الله المستعان
مع العلم كان قبل حلو وماعمره تساقط كذا
اذكر اخر مره تساقط فيها مره ايام الثانوي
وللعلم ان شعري جاف وناعم ومتوسط طوله
تكفوون أعراس اقاربي بالعطله
اللي عنده حل أكيد ومضمون لاتقصر
لانه مابي اتهور ب أي شيء
تكفون

التعليقات (9)

سارة كل الدنيا

26-03-2022 - 10:36 am

اول شيء اذا انتي جالسه تمرين بضغوط نفسيه وتعب نفسي ماراح ينفع اي علاج معك لزم اول شيء تعدين نفسيتك لان التساقط الكثيف يكون عادة من الحالة النفسية السيئة
ثانيا سوء التغذيه حاولي يكون عندك توازن بتغذيتك كثري من الخضروات والفواكه والخس والجرجير لانها تحتوي على لحديد
اشربي يوميا كاسة عصير جزر يفضل الصبح
تناولي حبوب زيت السمك متوفره بالصيديات +حبوي ملتي فيتمين متوفره نوعيات كثيره منها بالصيدليات
وقفي كل انواع الزيوت
بعد الاستحمام استخدمي امبولات ايفا بالصبار ومكتوب عليها طريقة الاستخدام
واي استفسر راسليني

حلوه ورابطه قرنين

26-03-2022 - 11:37 am

ولله نفس حالتك
بس انا الحمدلله ماعندي ضغوط نفسيه غيير
شايله هم الدراسه
وبس
يعني بيقعد طوول السنه يتساقط ..!!
و مشكوره يالغلا " الملكه " ع النصائح
وان شاء الله بطبقها وان شاء الله تنفع معااي
الله يسعدك ويهنيك ياقلبي ..

غريبه اطباع

26-03-2022 - 12:38 pm

اخذي لك امبولات انتر بيول توقف التساقط وزيت خروع مع زيت الجرجير اخلطيهم مع بعض وحطي منهم
واذا كان يتساقط بغزاره اشتري كمان فيتامينات للشعر من الصيدليه واكليها بعد الفطور ع طول

وسن الروح **

26-03-2022 - 01:39 pm

جربي تستعملين الحنا تخفف التساقط
ويمكن عشان النفسيه تأثر كثير

قطريه بالرياض

26-03-2022 - 02:40 pm

زيت زيتون 0 زيت السمسم0 زيت الجرجير0 زيت دابر ابو ريحه
زيت الخروع0 وحلبه نقعيها بهالخلطه
انا صبغت شعري وطاح
واستخدمت هالخلطه والحمدلله

ميرا مور

26-03-2022 - 03:41 pm

الله يكون بعونك حبيبتي
انا كنت مثلك بس لما جربت وصفة الدكتور الصفدي تغير شعري بقوه
افتي رابط موضوعي وجربي
http://alfrasha.maktoob.com/showthread.php?t=832239

قطوف عمري

26-03-2022 - 04:42 pm

الملكة
والله نفسيتي ماعليها وكل شي تمام
ومن ناحية سوء التغذيه ممكن يكون كلامك صحيح فعلاً
وراح امشي على كلامك
وحبوب السمك انا مستمره عليهم
وحبوب ملتي فيتمين مدري والله بس أنا أخذ حبوب فيتامينات اللي هم :
stresstsbs و centrum
ضنك ينفعون
ومن ناحية الزيوت فيه وحده اعرفها تنصحني
احط ثوم وجرجير في الخلاص واحطهم على فروة راسي
واستمر على زيت السمسم بعدها
قوليلي تكفين ينفع ولا ؟؟
ومن ناحية الامبولات قوليلي كم اسعارهم ولو تذكرين لي بالاسم يفضل حبيبتي
ومشكوره وماقصرتي ياقلبي

قطوف عمري

26-03-2022 - 05:43 pm

حلوه ورابطه قرنين
الله يسعدك عيوني
غريبه اطباع
ماقصرتي يالغلا
والله يجزاك خير
وسن الروح *
أنا شعري جاف واحس ماينفع معه الحنا
لانه حاطته قبل اسبوع والله جف شعري كثير منه
وتساقط :(
ع العموم الله يجزاك خير ياقلبي
قطريه بالرياض
إن شاء الله بشوف ومن ناحية زيت دابر انا مستمره عليه
تكفين ادعي لي
ميرا مور
تشكراتي حبيبة قلبي
ودخلت ع الرابط وبشوف ردك ان شاء الله

ترف نجد

26-03-2022 - 06:44 pm

انا مريت بنفس معاناتك ورحت لااخصائيه جلديه
وكتبت لي حمض الفوليك +شامبو توسيكانا لنمو الشعر سعرة 60
ومحلول توسكانا ب160 ريال
ويبراي اسمه ريجن 2% سعرة 76 تقريبا والحمد لله بعد 3 شهور من المداومه النتيجه الحمد لله وقف التساقط ونبت لي شعر صعنون اتمنى تجربتي تفيدك واي استفسار لايردك الا كيبوردك ههه

ايش رايكم في دا الكلام صح ولا غلط←
الزيت في الدورة→