ياحساس ياحساس قصيدة من كتابات شماليه

السلام للفراشات المبدعات الذويقات حبيت اقدملكم بعض الاسطر من كتاباتي المتواضعه لمعرفة رايكم فيها وإذا كنت انفع اكون كاتب وشاعره...............
.انا عمري 20 سنه وبديت أكتب وعمري 12 سنه قولول رأيكم بكل صراحه.
انا اتقبل النقد بكل روح رياضيه بس برضوه ماحب المجاملات او المبالغات.
بس ترى هذي الاسطر تحتاج رواق وهدوء عشان تفهمينها.OK?
ترى الوقت بدى ينقص وأنا آسف إذا أقولك حظورك صار يشبه غيابك ...
صحيح قالوا للعيون رموز وحروف مايقدرها إلا من هو فهمها ...
ولاكن أقولك شئ حطه في ضميرك زين ...
ترى أنا مو لعبه ولا فرجه زين...
انا تقدر تقول عني شئ من إثنين "ياحساس ياحساس" ... زين؟1
وتعرف أنت وش الحساس أنا ضني مايحتاج أقول ؟!
ايش؟!
ماتعرف !
طيب ’ تعال اقولك
الحساس إذا حب يحب بجنون وخبال وتقدر تقول بعد إهبال ...
يعطي مايقولك هات
تغلط أنت ويقول أنا آسف
وإذا قلت له أحبك يقول إنه ملك الكون
تبكي يموت الكون ولا يحيا إلا بضحكة شفاهك .. زين ؟!
قول زين
الحساس يابابا
إذا دست على طرفه يقوم الكون
وإذا خنته في يوم , فخطيته ؟ راح تنخان كل يوم
وإذا بكيته قول عن نفسك المرحوم إفلان
والحساس إذا أهملته أو حسسته بشيء مو زين
ترى ابشر بهمال ماعرفه ولاراح يعرفه أصلا بشر في يوم
أهماله تدري وش يشبه ؟!
يشبه نبته ماتنبت غير من مطر الغيث في ارض عرف عنها البشر بضيم.
أهماله تدري وش يسوي ؟
مثل باب بيت طاحت كل جدرانه ومابقى غير الباب وعمدانه تهزه هبات الهواء هبه وراء هبه وصوته يقطع قلب صار داخل صخور نامت جمب عمدانه....
عرفت وش انا أقصد"بياحساس ياحساس"؟!