يارب لبعضنا يخلينا

كثر ماراحت الأيام
كثر ماجابت سنيني
يجي عام و يرحل عام وأشوفك تكبر بعينى
كبرنا مادري حنا صغار ؟
ولكن الوله فينا
مدام إحنا نحب ونغار !
أضيق ومآ أطيق الناس
حبيبي لو تغيب شوي
أحس بداخلي إحساس مثل طفل يدور شئ ؟
غلاك أكثر من البارح
ودايم نزعل ولكن ؟! في نفس اليوم نتصالح
أحبك وأعشقك وأهواك كثر ماأحب ذاتي
ومن هالناس والدنيا عليك أخاف وأحاتي
تأكد ( إنك الغالي )
( ولا يوصل غلاك انسان )
ولين اليوم أحس حالي هذاك العاشق الولهان
تعال نعيش يالغالي بدنيا مابها أوهام
بدنيا مشرقه بالحب مافيها كذب وخداع
بدنيا لونقارنها مع الواقع تصير أحلام
وصدقني بماقلته ولا إني بالهوى طماع
أنآ الهايم أنا المشتاق
أنااللي للوصل سوام..
أناالصادق أناالمخلص أناهالعاشق الملتاع..
أنا اللي لالمح طيفك مشى حافي على الأقدام
يبي شوفك يبي قربك
( وفي بعدك أبدمآ طاع )
تصدق بصدري جرح وداويته كفايه بسمتك هذي تنسيني الي عانيته
أنامابي سواك أنت وبعدك بابي رديته
وقلبي اليوم وصيته يظل يوفي لك ويوفي ياأغلى انسان عزيته
تصدق مابي أكثر من اللي فيك لاقيته
حنان و رقه و طيبه و قلب ..( يآ كبر بيته )