يازعلة ماتمت TOP10 part2

هأبدأ بنفسي بآخر موقف حصل لي خلال هذه الفترة ..
لأسباب متفرقة تدهورت نفسية زوجي بشكل كبير يمكن لأول مرة حتى الآن من بداية زواجي
و حسيته يدوّر أي شيء لأجل يبدأ مشادّة من نوع ما ،، ورغم إن هذا مش طبعه وأنا حاسة إنه بسبب الضغط ،،
وعلى حظي صار ماسكلي اياها بشغل البيت رغم إني لي نظامي
رايحين ننام يقول لي ليه ماغسلتي الصحون ؟ مع انه عارف إني اغسل حقت العشا أول ماأصحى ،،
مالاحظتي إن في أثواب بسلة الغسيل ؟ وأنا عارفة انه في ثوب كنت منتظرة يحط الثاني حتى أغسلهم سوا .!
حاسس الصالة كلها غبار ، متى ناوية انشالله ؟ وانا عارفة لكن كنت ارتب البيت مكان مكان ولسة ماوصلتلها .!
أشياء ماله علاقة فيها ولا كان يتدخل فيها أصلاً سابقاً ،، وماهي بالسوء اللي هو يخاطبني فيها إنه لازم حالاً أسويها ،،
صراحة جوايا كنت مقهورة لأني أكره شيء إن الرجل يتدخل بشغل البيت ،
كل وحدة تعرف تنظم وقتها وأولوياتها ،، وأحياناً الواحدة ماتكون له مزاج وتأجل شيء لوقت لاحق ،،
ماتطير الدنيا ،،
كان ممكن أتنرفز وأقوله انا عارفة شغلي ،
أو طيب خلاص أنا هرتبها وقت ماأفضى أو أو أو !
أي رد يفتعل مشادة ،،
لكن كل اللي سويته قلتله طيب إنشالله ،،
كلما يقولي شيء أقوله طيب وأسكت ،،
بنفس اليوم بعد ماهو نام أنا سهرت وسويت كل الأشياء اللي كان مركز عليها
ومع اني تعبت بس قلت خل افتك من السالفة بدون مشاكل يكفي الضغوط .!
ومن بكرة كل البيت يلق وبس ،،
وانتهى الموضوع من غير مشادة ولا نقاش ،،
واليوم الثاني كان جاي رايق من الشغل وأصلاً مانفتحت السالفة بأي شكل ،،
وبعد وقت باليوم الثاني اخترعت نقاش وفتحت فيه الموضوع اللي فات وقلتله شفت البيت كله يلق
قالي يعطيكِ العافية وكذا ، قلتله على فكرة أنا ماسويته لأني تو انتبهت يوم كلمتني
أنا كنت عارفة وحاطته ببالي
لكني عجلت فيه عشانك ، لكن انا أموري مرتبتها وعارفة متى أسوي كل شيء
وأحيانا مالي مزاج واسويه بوقت ثاني وعادي المفروض ماتدقق بهالشكل ، هالشيء يضايقني .!
زي ماانت ممكن اطلب منك طلب تروح تجيبه وتقولي مالي مزاج خليه بكرة ، نفس الشيء ،
واتفهم رأيي وقدّر انه سويت هالاشياء
والمضحك المبكي انه قال لي بس والله ماكان له لزمة تسهري تسويها ؟!
ههه
يعني والله احترنا بالرجال ،
بس الله يصبرنا ويعيننا انه ماتدخل بيوتنا المشاكل ع توافه الأمور ،،
و
الحمدلله ، صافي يالبن ،
~ ولي عودة لما افتكر أشياء مع مداخلاتكم = ) ،

ياريت اشراف القسم تعدلوا عنوان الموضوع
ل || يازعلة ماتمّت .! =) ،، TOP10ٍٍٍ ] part2 ] ||

موضوع روعه أستحق شعار
تم تعديل العنوان أختي ورد..

السلام عليكم :-
ههه أمازوجك تحففه الشيطان لعب براسه حتئ سلة الغسيل
شافها بس عجبني حلك وصبرك أحس لوأنا كان قلت قوم طلع حرتك بثيابك غسلها
ربي يرزقني الصبر
,,
لازم تحصل مناقرات بين الزوجين بس لازم واحد يشد والثاني يرخي ,,
يعني مصيبه اذاكانوا الأثنين عصبيين ومن النوع اللي مايتنازل عن كلمته::
,,
بس الزوجه الذكيه اللي تعرف متص غضب زوجها..
كمان الزوج عليه واجب يتفهم الضغوط
اللي تمرفيها زوجته من شغل البيت والأولاد
وأهله والعمل أذاكانت عامله..والزوجه تقدر بعدضغوط زوجها..
,,
بس أحنا العكس بصراحه أعترف أني من النوع الزعول مره بس
زوجي بكلمه وحده لوتضايق مني يرضئ لكن أنا أطولهاوهي قصيره ,,
يعني المفروض اطلع برا الموضوع خ
بس من تجارب اللي حولي لاحظت لكل وحده أسلوب بأمتصاص
غضب زوجها يعني وحده من قريباتي اذاعصب زوجها تضحك
وتقلبها مزح وينسئ الزعل ويضحك ووحده تطنشش تخليه يتكلم
لين ينتفخ راسه ههه ويروح ,,
,,
لكل رجال مفتاح يعني حسب شخصية
الزوج ممكن ينفع معه التطنيش أوالرد بذوق وأحراجه
أو تغيير السالفه ..
,,
كل مرأه ذكيه تقدرتحول الزعل لشي عادي جدآ بذكائها..
يعني لاحظت أمي أذاتناقشت هي وأبوي وتناقروا بعد شوي تجهز
القهوه وتجلس معه ويسولفون ولاكأنه
صار شي <<كنت أحيان أخبص أقول موكنتوا
متخاصمين ويطنشوني ههه
,,
بس لوصاربيني وبين زوجي شي لاسمح الله أذاكنت غلطانه بحاول مايطول
الموضوع عشان مايدخل الشيطان بيننا وأتفادئ أن المشكله تكبر ,,
موضوعك روعه لاتحرمينا أبداعك
موفقه

بالنسبة لي أنا من النوع الزعول والعصبي والحساس >> حلّوها >> آآآوت.. ومن أي كلمة كنت أزعل .. وأطول أستنى سبع البرومبه يراضيني >> ما حولي أحد خ
بداية الزواج كانت المشادات كثيرة نسبيا بسبب اختلاف الطباع أكيد ..
بس بالفترة الأخيرة الحمد لله صرت أحاول أتغاضى عن أشياء كثير .. وصرت أحس هالشي متبادل حتى من زوجي ..
مو قالوا "تسعة أعشار حسن الخلق في التغافل "
صرت أول ما أحس إن النقاش أحتد بيننا أحاول أنهي الحوار وأسكت ..
ولما نهدى وتنام بنوتي ويصفى الجو .. أرجع أفتح معاه الموضوع ونحله بكل هدوء >> وتوته توته خلصت الحتوته >> كف
الرجال لو تعاملنا معاهم زي ما نتعامل مع بعض احنا الحريم راح نوصل لطريق مسدود ..
يعني يبغالهم شوية صبر + حكمه + تطنيش + حيلة ومسكنة

واي يا ورد جيتي ع مووضوع مهم جدا جدا وتطبيقه اصعب ما يكون صح مافي اسهل من الكلام بس والله وقت الزعل تنسي كل الي قريته وتعلمتيه وما تشووفي الا ذنب الشيطان رازه قدام عيونك ههه
يعني انا مأنكر اني انسانه ما اتعلم الا من اغلاطي يعني مهما سمعت نصايح بس ما اتعلم الا من شي جربته وشفته
انا بداية زوجي كنت فارده عضلاتي ههه وكنت ع اي شي اسووي مشكله وعصب وادق البوز
اتذكر بداية زوجي لي يمقن اقل من شهر تزعلانا ع ايش ههه <<< ع اتجاها القبله في بيتنا هو يقولي كذا وانا اقول كذا ههه <<< والمشكله هو ادرى لانه راح شاف قبلة المسجد بس انا احب اعانده ههه الله يسامحني
بس الحين كبرت وعقلت وصرت ما ازعل ابد الحين ورضاي مافيه اسهل منه ارضى من حالي <<< شفتوا وش حلاتي
والله في موقف صار قبل شوي
كنت جايه من برى وع طول لما جيت نزلت شنطتي في الصاله ودخلت المطبخ اصلح العشاء الا وما اسمع غير زووجي مره معصب وناديني
لما جيب لقيت بنتي الصغنونه الملقوفه <<< الله يصلحها
فاكه الشنطه وجالسه تحلي وتاكل وتبلع من مزيل العرق وكريم يد
زوجي قام عصب وقالي ليه تاركه الشنطه بيد البنت >>>> طيب انا وش دراني انها بتفتحها ويصير الي صار
عاد انا وقتها اشتط غضبا وبغيت اسكه با المللعقه الي بيدي بس قلت يا بنت لا تكبري السالفه والشيطان شاطر
رحت وانا ساكته لميت الاغراض واخذت بنتي وشربتها حليب بارد << عشان التسمم
ورحت كملت عشاي وسوت له عصر ليمون وديته له وبست راسه وقلت اسفه واشرب العصير عشان ترووق
وبس روق والحمد الله عدت السالفه ولا صارت مشكله ولاشي
يعني انا اعرف نفسي وزوجي لو رديت عليه وهو معصب كانت كبرت السالفه وحط الحق علي صح
وتوته توته خلصت الحتوته

امم انا في بداية زواجي كنا اذا تجادلنا واحتد النقاش الدمعه اول تعبير يصدر مني ,, سواء كنت غلطانه عليه او هو غلطان علي ,,لكن الحياه مع الزوج مايبي لها الا """" الصبر"""
واللي يهدم العلاقه بين اثنين العناد,,كل شيء فكري فيه الا انك تعاندي أبو الشباب
وبس

بصراحة الرجال احيانا عليهم تصرفات تفقع المراره وتجيب الذبحة وشلل الاطفال والمشكله انهم ما يعترفوا بخطأهم ابدا
عشان كده انا اشوف احد اسباب المشاكل مش بس العناد المجادلة الكثيره في موضوع ما يستاهل انا زوجي من النوع المجادل بصوره خرافيه اول الزواج كنت ازعل واحتد واحيانا احس انه يعرف اني على حق بس ما عايز يعترف وصار يجيني لوز منه عشان كده لما يكون الموضوع مش مهم اقول رايي واخليه وما اجادل كثير واشتري دماغي مصيره حيعرف الصح عشان كده نصيحة مني كثرة الكلام مع الزوج وخوض نقاشات كثيره حتى لو في السياسه يخلق مشاكل من مافي
احسن شي السكوت + ابتسامة رضا + كلمتين مدح مره مره + تخفيف النقاشات حتى لو غالطك في اسم امك وابوك
واشكر صاحبة الموضوع على اموضوع المميز

موضوع رائع
بصراحة مشكلتي انسى فصعب اذكر موقف بعينه لكن اغلب زعلاتي اذا ما كان كلها احاول قدر الامكان اتحاشى ننام الليل من غير ما اراضيه او اناقشه ولو كنت انا لي الحق لانه البادرة لازم تظهر وبعدها كل واحد يرضى ويحكي للتاني وجهة نظره وخلاص وبالمقابل كتير ايام هو يبادر ويصالح
زوجي من النوع المتفهم الحمدلله لكن هذا لا يمنع انه رجل وهو قالها لي بعظمة لسانه انه الرجل ما يحب ينهزم وبالذات من زوجته وامام الناس يعني لو في نقاش حتى لو هو غلط ما يحب زوجته تجادله وتقول الصح امام الناس بالذات هالشي يحرجه بشكل فظيع وقالي طبعا هالطبع غلط لكن هيك احنا الرجال طبعا هو فتح الموضوع بعد ما صارت مشكله بين زوجين من اقاربه امامنا وطبعا بتحسي الشي سخيف ومو مستاهل خلاص مو ضروري احرج زوجي عنقاش تافه وكمان لو كان لي الحق بيظهر بعدين وهو بقرارة نفسه بعرف غلطه يعني اعطيه الحبل وهو لو صح خلاص كسبنا قراره الصح ولو غلط بيعرف انه غلط وهاد يكفي وطبعا هالشي بالقرارات الل غير مصيريه او النقاشات بامور مالها دخل بحياتنا متل الشمس كم حرارتها مثلا طبعا اعطي مثال مو معناته ناقشت هالموضوع ههه
اما القرارات المصيريه وقتها نتناقش مرة واتنين وتلاته وممكن اتخذ اساليب التلميح وهيك حتى نوصل لحل يرضينا سوا
وتسلم الانامل عالموضوع المميز وردوش