ياضي قلبي وعيني اتمنى ارائكم

ياضي قلبي وعيني
تدري اني حيل مشتاقة
ودي منك بهمسه بلمسه
ترحم قلبي من أشواقه
يا كثر شوقي ولهفتي
وحتى عيني
تصرخ في محجرها
يآآآه شكثر واحشني عناقه
يا ضي قلبي وعيني
ناظر سماك
واتبع خطاك
واسهر مساك
وتكفى
على كثر هالنجوم ابغاك تِذكِرْني
ومع كل خطاويك اَذكِرني
وفي مساك في جفونك نيمني
ياضي قلبي وعيني
مرت ليله وليلتين
ولحقوهم شهر وشهرين
ويا كثر عذاب هالعين
بس تكفى خبرها
واروي بنظراتك عطشها
وقلها متى بترد
اليوم
بكره
ولا حتى بعد يومين
ويمكن تشوفك بالسنه مرتين
ياضي قلبي وعيني
البارحة
جلست وحيده
على كثر خلاني مابيهم
ابتسم بس عشان أرضيهم
ولا قلبي
في دنياك ساكن بلا عنوان
وحده بدون خلان وجيران
هجرني ورحل
مع اول كلمه
احبك
من شفاتك
ناديته
وناجيته
وترجيته
أثقل شوي
لاتروح الحين
خلي سفرتك لبعدين
تجاهلني
وارتمى بأحضانك
وأعطيته من حنانك
واحتمى بأمانك
حتى منه غارت شفاتي
ونطقت ب
احبك
يانور حياتي
أودك
ويا كثر ما أغليك
وحتى خفوقي مفتخر فيك
وفرحتي وبسمتي أعطيك
وقلبي بدون تردد أهديك
بس تكفى
عطني بس وفاك
واحرمني من هجرك وجفاك
يا ضي قلبي وعيني
تدري !!
امس استرجعت أيامك
كل همساتك وكلماتك
وحتى أمانيك وأحلامك
وعرفت
شكثر محظوظه بيك
وقد ايش أبيك واموت فيك
بس أرجوك
في دنيتي خليك
وارسي سفنك في موانيك
وخليني
مع ظلام ليلي أناجيك
وفي كل أوقاتي ألاقيك
ومع كل فرحه
وبعد كل دمعه
اقولك احبك
وهالروح والله والله
تفديك
من كتاباتي