ياعرايس الي تملكت تدخل تفيدنا ونكون شاكرين

اسيرة الآمال

20-10-2022 - 07:40 am

السلام عليكم ياحلوات.....
كل وحده تدخل وتملكت ياليت تفيدنا
عن الفحص الطبي
وين سوته...اي مستشفى وخصوصا بالرياض وين بالضبط
كم اخذ لما طلعت نتيجته..كم يوم بالضبط
ووش طلبوا هل طلبوا بطاقة العائله..ولازم يكون اخوك او ابوك معك
طيب في وحده طلبوا منها ترجع ياخذون منها عينه..عشان يتاكدون من شيء لان وحده كذا طلبوا منها عينه..عشان تسوي زرع.ويعرفون وش السالفه .وطلع عندها التهاب عادي...عطوها مضاد وبس..
ياليت تفيدونا ياحلوات...
واكون شاكره يارب يوفقنا ويتمم امرنا ويرزق كل وحده تبي الزواج ويسعدها وويتمم كل عروسه فرحها بالخير
اسيرة الامال

التعليقات (9)

ضي العين 2007*

20-10-2022 - 10:29 am

اهلين ياحلوه انا صلحته في الشميسي كنت انا وامي رايحين بتكسي اول ماقلنالهم تحليل الزواج قالوا روحو لمبنى مقابلهم اسمه بنك الدم لاخذ العينات بس تكون معك بطاقة العائله هذ كان في شهر 7 بس مدري ان كان تغيرو الحين والعينه تطلع بعد 10 ايام بالضبط ويستلمها ابوك اواخوك حتى نتيجة ابو الشباب انتم اللي تستلمونها
دعواتك لي ياقلبي

ضي العين 2007*

20-10-2022 - 11:30 am

حكيتلك القصه من طقطق لسلام عليكم
اعجبك صح ههه

**الدانه**

20-10-2022 - 12:31 pm

انا رحت مع ابوي لسلمان بس عطوني موعد يسحبون دمي بعد اسبوعين ورحنا لدكتور نعرفه قال مااقدر اتوسط لكم بموعد سحب الدم بس اقدر اطلع لكم النتيجه بيوم بس المحروس ماصبر اسبوعين طويله الصراحه ... راح للشميسي وعلطول سحبوا منه الدم لا مواعيد ولا خرابيط واتصل علينا ورحت انا وابوي وسحبوا دمي وخذت معي بطاقة العائله .. وطلعت بعد 3 ايام بس انا بواسطه ..
انا اختي يوم تحلل لزواجها طلبوا منها عيينه ثانيه عشان عندها فقر دم حاد بس زوجها جاب واسطه برضوا ومشووها بس هذا الكلام من 3 سنين ..
المووهم انصحك تروحين للشميسي والبسي كوتش لانك بتمشين مسافه بين مبنى اللي بياخذون منك البيانات ومبنى بنك الدم واشتري عصير ومويه ..
والله يتمم لك ع خير

اسيرة الآمال

20-10-2022 - 01:32 pm

ضي العين حبيبتي ماقصرتي كفيتي ووفيتي..الله يتمم امروك بالخير
الدانه..مشكوره حبيتي الله يوفقك ويتمم امرك..

اسيرة الآمال

20-10-2022 - 02:33 pm

يلا افيدونا اكثر بتجاربكم...

نوف-الموف

20-10-2022 - 03:34 pm

انا حللت عاادي وطلع بعد اسبوع وحتى هو حلل بنفس المستشفى اللي حللت فيه وش وماطلبو مني شي
بس انا حللت برا الرياض اسرع عن الزحمه

اسيرة الآمال

20-10-2022 - 04:35 pm

مشكوره حبيبتي انا ماتوقع يحلل بنفس المستشفى..
لانه من برى الرياض وانا حدي الرياض واليمامه بعد...

ملك روحي A

20-10-2022 - 05:36 pm

هلا فيك
اختي بالنسبه للتحاليل انا حللت بمستشفى وهو عشان في منطقه ثانيه حلل عندهم بس تاخرت التحاليل خصوصا تحاليله هو لان وقت عيد وماكان في مركز مفتوح بس طبعا لازم نتيجته تجي عنك بالمستشفى عشان يسوون تطابق ..
بالتوفيق

^سلطان كل حياتي^

20-10-2022 - 06:37 pm

اسيرة الآمال
حياك حبيبتي00والله يسمع منك00

افضل محل تصوير بالرياض←
طلبت مساعدة بس ما حد ساعدني جد انا زعلانه→