ياعرايس مدن رجليكن اليمين وسمن بالله وادخلن مجلس العرايس شاركونا سوالفكن

فراشة سديراويه

10-06-2022 - 06:07 am

السلام عليكم<<حيا الله بناتي <<<جدتكم على غفله ههه
من زمان ودي اعزمكم يالعرايس بس مافيه فرصه قلت اليوم لازم اضف البيت واكنس عشان تتجمعون عندي..
المهم تو مانور المجلس طبعا هذي ثاني مشاركاتي<<<لازم اضيفكم واقهويكم احلى سوالف وفضفضه في احلى مجلس بالفراشه<<<حياكن الله<<مصدقه عمرها عجوزكم
اولا مبروك لي ولكم وقولن امين يزوج البنات اللي ما انخطبوا ..
يالله عاد ابيكم تشعلون همتكم وتشجعون بعض في هالمجلس وكل وحده تعرف بنفسها وايش شعورها وكم عمرها وايش افكارها بالملكه والزواج وسوالف بخاطرك ودك تقولينها عادي كل وحده تاخذ راحتها معنا كلنا اخوات وحبايب ..
انا الله يطول بعمري على طاعته مخطوبه صار لي3شهور<<بس مابعد صار شيء
ومابعد استعديت لاي شيء لاخلطات ولاغيره ومالي خلق لاي شيء نفسيه زفت عقب الخطوبه>>>صايره حساسه
وخصوصا شايله هم الزواج بشكل كبير وكل شيء مهمومه حيل <<بس احاول اطنش بس ترجع لي افكاري مره ثانيه

التعليقات (10)

فراشة سديراويه

10-06-2022 - 08:55 am

تراي استناكم ابغى سوالف بنات وسعن صدوركن
بسرعه لايبرد الشاي والقهوه خصوصا الحلى اللي بيصير ذايب من حلاوة سوالفكن

فراشة سديراويه

10-06-2022 - 09:56 am

وينكم ياعسلات
مايصير استناكم عند الباب ومافي احد يلبي عزيمتي

أخاف أحبك

10-06-2022 - 10:57 am

هلا فيك اختي الف مبروك على الخطوبه والله يتمملك على خير وعادي حبيبتي انه تكون حالتك النفسيه تعبانه بس انتي لا تفكري كثير وعيشي حياتك وتمتعي في فترة خطوبتك والله يوفقك

محال الحب

10-06-2022 - 11:58 am

موضوعك روعه
هيا ياعرايس تعالو

الليل الازرق

10-06-2022 - 12:59 pm

موضوعك حلو وانا مثلك شايله هم الملكة الزواج ولا في راسي مكان للخلطات والشغلات ذي كلها.. حنا نبي شي سريع ما فينا طولة البال لان الخلطات يبغالها روقان وطولة بال ووقت كافي..الله يعيننا ويسهل امرنا ويوفقنا..

الحالمة ..

10-06-2022 - 02:00 pm

كيفكم ياقماري أنا صارلي مخطوبة 6 شهور والله شايلة هم الملكة مرة وهم التحليل
والخلطات أهو ماشية فيها وان شاء الله ربي يسهل

حبيبي كل دنيتي

10-06-2022 - 03:01 pm

اناجيت لا تكون القهوه والحلى خلصو ياويلكم ترى<<<<مدمنة قهوه وحلى ههه
والله يابنات لو اقولكم من اليوم الى بكره انو ايام الملكه روعه مااوفيها حقها حلوه
مره لا تشيلو همها خبره انا<<<مملكه ليه تقريبا 8 شهور
واذا عالخلطات والله مع البرد وقفت كل شي مره ماني قادره استمر البرد يكسل

المختبصه 1-3

10-06-2022 - 04:02 pm

وانا نفستي زفت الزفت زواجي باقي عليه اقل من شهرين وشعري احترق :(
وش اسوي تكفوون ..
حسبي الله ونعم الوكيل .

حبيبي كل دنيتي

10-06-2022 - 05:03 pm

كيف احترق باايش يعني من استشوار -صبغات ايش تقصدي؟؟؟

دلوعة خطيبها

10-06-2022 - 06:04 pm

مساء الخير يا حلوات
كيف الحال ان شاء تمام اما بنسبة الى نفسية عجم مافي احلى من نفسيتي لاني بتزوج واسافر واهل خطيبي بيعملو حفل زفاف تاني عندهم يعني الله وكليكم عرسين في بلدي محلوله امي موجوده وتساعدني اما لما اسافر مافي الاخالتي ام زوجي وانا بستحي منها وما بحب اغلبها وفي اختلاف في عادات بينا وخطيبي ياحرام بحاول يشرحلي بس هو ما كتير بيعرف بقصص نسوان يقبر قلبي
اما تجهيز مابقدر اجهز كثير لاني بنتقل من بلد لبلد يمكن حكيت كثير سامحوني

منقول لعيون الفراشات←
عرايس القصيم حياكم عاجل→