ياعروس الفراشة تعالي هنا اذا تبغي تعرفي عن مجموعة العروس من نكتار ونكتارين بالصور

1. (6)

السلام عليكم
كيفكم ياعرايس وكمان الحريم والبنات
انا لاحظت كثير عرايس يسألوا عن مجموعة العروس (برايد) اللي من نكتار فقلت انزل موضوع احسن
اولا ياحبايبي انا اشتريته من نكتار الموجود في عزيز مول بجدة
وانا بأتصفح هنا في المنتدى نبهوني البنات لمحل اسمه نكتارين وقالوا انه هو اللي يقلد نكتار
لذلك رحت شيكت على المجموعة اللي عندي ابغى اشوف ايش مكتوب عليها نكتار ولا نكتارين
ولقيت للأسف للأسف للأسف انه في اشياء مكتوب عليها نكتار وفي اشياء مكتوب عليها نكتارين ، رغم انه كلهم اخذتهم من محل واحد
تعالوا نشوف بالصور ، وعلى فكرة من حظكم لقيت بعض الاسعار ملصقة على بعض العلب من تحت ماشلتها ههه ياللا عشان تعرفوا الاسعار ، بس طبعا مو كلها ، في اشياء شلت السعر منها ونسيت بكم
نبدأ بسم الله
((لا تنسوا كله من محل واحد اوكي؟؟ ))
(1)
هذا بارفام ينحط للمفرش حق السرير والمخدة وللغرفة كمان تبخيه في الجو (هذا سعره ما حصلته عليه ) (مكتوب عليه نكتار)
(2)
ايدي بافرام (عطر) فحصت عيوني فيه كويس مالقيت مكتوب عليه لا نكتار ولا نكتارين ولا حتى مكتوب ايش صناعته ، وبرضو سعره ماحصلته عليه
(3)
هذا مزيل العرق المبيض المشهور بيه نكتار طبعا من نفس المجموعة، هو قالي كل مزيلاتنا مبيضه ، الحمدلله مكتوب عليه نكتار وسعره معليش مو عليه
(4)
هذا الايس كريم اللي ينحط على الجسم /الحمدلله مكتوب عليه نكتار <<<<< جاتها عقدة
وسعره مو عليه اسفة خ
(5)
هذا روج الشفايف والحلمات وكمان ينفع للمناطق الحساسة ((سبق وريته البنات)) وما ادري ليش حطلي هو الرجال مع المجموعة خ ، مكتوب عليه نكتار وسعره مو عليه

(6)

هذه الكورة الذهبية اللي طايحين البنات عليها ، ومطيحة الرجال كمان ههه ، هي زي الدهن ينحط للأماكن الحساسة ، بس من بره مو تدخليه جوه وتقولي زهرة قالتلي ، انتبهوا ، تحطيه على الجبهة وثنايا الفخوذ وفي خط المؤخرة ، حاسة اني مسختها شوي ههه بس خايفة عليكم خ ، وبشرى سارة : لقيت سعرها عليها ما شلته (ب95 ريال)
(7)
وهذا بلسم للشعر مكتوب عليها نكتار ، وسعره محطوط عليه كمان ب60 ريال
الاشياء اللي بعد كدا كلها مكتوب عليها نكتارين وهي التالي :
(8)
الشامبو ، وسعره عليه ب30 ريال ((تخيلوا الشامبو من نكتارين والبلسم من نكتار ، وكله من محل واحد ))
(9)
هذا صابون سائل للإستحمام ، سعره عليه كمان ب35 ريال
(10)
بخاخ للجسم ب65 ريال
(11)
هذا غسول للمنطقة الحساسة ب35 ريال ، للأسف عشانه من نكتارين خايفة استعمله الله يستر
(12)
هذا مرطب شفايف برضو ضمن مجموعة العروسة (مكتوب عليه برايد) وسعره معليش ماحصلته عليه
وبس حبايبي واسفة للإطالة ، وترا في بودرة من نفس المجموعة بس ما اخذتها او يمكن ما لقيتها داك اليوم والله نسيت
سلام