ياعسولات محتاجة مشورتكم

1. ساعدوني ايش اسوي؟؟

: سلا ام ياحلوات
كيفكن؟؟
كل سنة وانتو طيبين
يااخواتي عندي مشكلة وبدي مشورتكم
انا متزوجة لي 5 شهور
وانا ادرس واحتاج النت لمن يكون عندي بحوث او بور بوينت لازم اعمله
يعني النت ضروري
وعندنا اخبار الاختبارات وكل شي بالنت
المهم كلمت زوجي ودخلنا نت
طبعا هو بيستخدم الكمبيوتر تبعي
وكانت بداية الحكاية
فجاة لقيته فتح الماسنجر على ايميل مااعرفه ومليان بنات
لمن سألته عن الايميل قال انه ايميل فتحه اخوه قبل 8 او 9 سنين
وطلب مني افتح له ايميل جديد عشان يقفل الايميل القديم
المهم عملتله ايميل جديد
الغريب انه مو مسجل على ايميله الجديد غيري انا واثنين من اخوانه
ومن وقتها بدأ يتغير شوية علي
صار الليل يسهر ويسيبني انام وهو على النت
ومايهتم اذا زعلانه او فرحانه
حتى لو زعلني مايهتم بزعلي
عينه على النت
الصراحه قدامي مايفتح غير الايميل الجديد ومنتدى فريق الكورة
ولكن لمن اصحى الصباح اكتشف ان الماسنجر اللي كان مفتوح بالليل هو ماسنجره القديم
حتى مايهتم اذا ناديته باسمه ساده او دلعته بكلمة حلوة
امس اتفاجات بملف غريب في الكمبيوتر ومستحه
اليوم دخلت وفتشت لقيت الملف مرة ثانيه واكتشفت انه فيه محادثتين
الاولى كانت بينه وبين اخوه اللي اصغر منه والمصيبة ان اخوه حسبي الله ونعم الوكيل منه كان يبغى يرسل لزوجي برنامج هكر بس ولله الحمد كمبيوتري مااستقبل
والثانية كانت بينه وبين شاب
زوجي كان مسوي نفسه بنت ويكلم الشاب
بنات ايش اسوي؟؟ وربي عقلي حينفجر حاسه انه يكلم بنات ومو عارفه ايش اسوي

ساعدوني ايش اسوي؟؟

وربي احاول اقنعه نروح ننام سوا مايرضى وعندنا دوام بس طبعا مايهتم يبغى يسهر الى 4 الفجر الين احيانا من كثر مااحاول اقنعه انام عنده ولا يهتم بي عادي لو نمت بالصالة والجو بارد ( درجة الحرارة صفر وتحت الصفر ) ومايهتم حتى لو مااتغطيت
انا لله وانا اليه راجعون
مو عارفه ايش اسوي
بنات الحقوني بالحلول