يافرحتي فيكم

السلام عليكم
كيفكم يااحلى فراشات
بنات كلكم بدون استثناء سواء ماتزوجتوا او مطلقات او ارامل بقولكم سالفة تهمكم
بس اول شيء
بسألكم ليه مافي موضوع خاص لكم يعني اللي تتزوج فيكم تبلغنا بنفس الموضوع انها تزوجت
عشان نبارك لها وندعي لها بالتوفيق
ماادري اذا فيه موضوع كذا اذا فيه خلاص واذا مافيه هذا الموضوع يكفي ان شاءالله
الحين بقولكم السولافة
هذا الله يسلمكم من 4 سنوات وانا امنيتي اخذ عمرة احس اني بنهبل لو مااخذتها وابكي وحالتي حالة وخاصة برمضان انقهر ..نفسي فيها كل سنة اكلم زوجي ويقولي
انا اخذت كثير شوفي احد من اخوانك ياخذك يعني دبري لك محرم وروحي .. يمكن لو اقول لإخواني مايقصروا انا جربت اقولهم
بس تعرفون اللي يبي وعنده ظروف وعيال واللي مايبي وانا عاذرتهم لأن عندي زوجي وهو المفروض ياخذني
بنات كنت ابكي غصب عني وانا اصلي بأي صلاة ماكانت تفرق معاي ظهر او فجر او عصر
كنت اقول يارب حقق امنيتي قبل اموت بزيارة بيتك لأخذ العمرة
صدق احيانا انسى ادعي بس كل مايقرب رمضان اشتاق لشوفة الحرم اكثر
مع اني ماقد رحت لمكة ابد وماني بصغيرة بالعمر
سبحان ربي يابنات مرة وانا طالعة من عند اهل زوجي بالليل وكنت اقول لأخته السالفة ومحترق قلبي
هذا الكلام كان قبل رمضان هذا بأسبوع المهم اقولها ودي اروح بس اخوك رافض يقول دبري محرم وروحي قالت خذي ولدك ..المشكلة ولدي بعده صغير
قالت عادي قولي له انك بتاخذي ولدك برمضان وتعتمري وهو محرم لي مع انه صغير بس ودي اروح
امنيتي ادخل الحرم
والله طلعت من عندهم وانا بالسيارة قلت مابقى شيء على رمضان تكفى طلبتك بروح انا وولدي اخذ عمرة قام قال وليه يروح معاك ؟؟؟؟ نروح انا وانتي !!!!!!!!!!!!! بنات مااقدر اوصف شعوري من جد
وربي كأنه سحر وش غير رأيه!!!!!!!!! وبهالسهولة
يارب لك الحمد
المهم يوميا كنت ادعي الله يسهلها علينا سبحان الله قبل موعد الاقلاع بيوم صارت شوية شوشرة بالعمل
عند زوجي انه لازم يداوم بكرة !!!!!!!!!!! عاد ناظر فيني وقبل مايتكلم قلت له عادي يابن الحلال مانقدر ناخذها الحين ناخذها بعدين ماصار شيء اكيد انها خيرة
وسبحان ربي كلمه واحد من زملائه في العمل وقاله خلاص لا تداوم انحلت المشكلة
وطرنا للعمرة الفجر يالله شعور مااقدر اوصفه اول ماشفت الكعبة جلست ابكي ماادري ليه
المهم وهذا اهم شيء حبيت اقولكم عليه اني دعيت لكم كلكم كلكم كلكم بالازواج الصالحين
يارب افرح فيكم وتبشروني ان ربي استجاب دعواتي لكم
بنات ماكنت ادعي بدعاء معين بس اكثر من الدعاء بسجودي وبين الاذان والاقامة واستغفر ربي
يالله بنات فرحوني وخليكم واثقين برب العالمين ماابي اشوف ناس متحطمة واليأس غالب عليها
قال الله تعالى في الحديث القدسي " أنا عند ظن عبدي بي فليظن بي ما يشاء"
أحسنوا الظن بالله وخليكم واثقين بالله ان امنياتكم بتتحقق
ولا تنسوا تقولوا ( لاحول ولا قوة الا بالله
ولا منجى من الله الا اليه )