ياليت اني ماتزوجت الثانية قصة مضحكة

تزوجت بنت خالي قمة في الاخلاق وماشية اموري معها خصوصا انها قنوعة ماتطلب الا القليل واللي يمشي امورها حليوه
والله مافيها شي جمال وادب ونظافة
بس مشكلتي معها الجنس تقول ماحبه
ولاتكثر علي ترى اكرهه
وماتشبع رغباتي الجنسية خصوصا اني متفتح على هذا الشي وعندي مخزون ثقافي كبير
وجبنا العيال وصار البيت كأنه حضانة معاد اقدر انام او اكل او اكلم او اسوي اي شي
صرت اتضايق بس والله انها ماتقصر معي تتعذر وتصرف بعض العيال عند اهلها احيانا
وتسوي لي ليلة رومانسية يعني بالونات وشمعات بس لا جاء ذاك قالت لا خلنا نعيش الرومانسية
ثم اطفي شمعاتها واقول بس طلعي بالوناتك لاتتفقع وتقومني وانا نايم وتزعل وتخنفس ولاعاد تكلمني وتقول انت خربت الليلة ورا منتب مثل الرجال واقولها ان بلكي منتيب مثل الحريم تسنعي ولا اعرست والله ولاكأني قلت لها شي
يعني هددت وروحت ناس يقولون تراه خاطب
ونصحتها وقلت اتقي الله فيني
وارسلتها لها بالجوال وش تسوي بالتفصيل بدل هالليالي اللي ماادري من اللي معلمها بها واذا قلت تسنعي قالت انا اتعب واسوي لك ليالي رومانسية
يعني تحب السخافات والمضمون ماتهتم به
بتحسبون عندنا 10 لا
ولد و2 تؤام
يعني المجموع عندنا 3 عيال
بس والله اني صغير وابغى اتمتع بحياتي
بس الحمد لله اقول ان شاء الله في الجنة

المهم مرت الايام وانا لست مرتاح
واذا شكيت لاحد قالوا خذ الثانية والله ان تسنع وتجي احسن من باميلا اندرسون
وزيادة ان الثانية بتجي اشوريا
بصراحة اني صدقت !!!!
ولا عاد عطيت مرتي وجهه تسنعي لنفسك والا بصرك انطقي مناب على حاجتك
بدات رحلة البحث عن عروس
اول شي جيت امي وقلتها الا في نفسي وقالت لي احمد ربك انها صابرة عليك ماتخاف ربك تظلمها!!!!
المهم حاولت مع امي قالت والله اني خايفة ان مريتك تدري عني ثمن توريني شغلي والله مانيب مكلوفة
قلت لها بس اذكري لي وانا بروح اخطب
رفضتي امي وياليتني صدقتها

كملي ياعسل ..

رحت لأختي جعله اتلا
فتحت الباب وقالت اطلع لا يسمعك رجلي ثم يتزوج علي
وقطعت الصلة بيننا
والله الا اليوم مابعد شفتها ورجلها جايه تهديد مايكلمني ولا يرد علي
يارب انه يأخذ عليها ثلاث
رحت لثانيه والله لا يوريكم قامت تمدح مرتي وتقول منتب لقي احسن منها بس اشوي انها عاقلة
ماقطعت الصلة الله يوفقها ويسخر لها زوجها
رحت لثالثة وكلمتها وكان رايها احسن تكفى خذ عليها اجل وشو له شايفة نفسها علينا
بس والله مااعرف احد بس ابسألك
وطلعت وقلت ليتني جايك من زمان
مع العلم ان لي 10 اخوات بس انا مارحت الى للعقال

المهم كلمتني اختي وسالتني وش شروطك قلت ابي اشوريا قالت شغالة خالتي الهندية نسخه منها
المهم قلت والله ماعندي شروط بس ابغاه ماتستحي يعني جريئة واجتماعية وتكون حليوه ماعليها مااشرط جميلة اخف تشوف نفسها
رحنا نخطب وانا شايف نفسي على ام العيال ويوم درت اني ابروح اخطب تمسكت في رجليني وقالت والله لاتعدل انت بس وش تبي بس اصبر علي شوي كلمت اختي وقلت لها كنسلي الخطبة ابشرك بتسنع مرتي قالت كيفك
صبرت احسب الليلة بتسنع قلت يمكن يبيلها كم يوم ومرت الايام والاسابيع والاشهر وهي مثل ماهي
كلمت اختي قلت يلاه نروح نخطب قالت خلاص مرني رحنا وخطبنا وفي ظرف اسبوع تزوجت الثانية

والله رحت لبيتي يقال لي ابهدي مرتي عجزت ماوقفت الدموع والكلام اللي ماله سنع
وكلمت امي تجي تكلمها وتهديها قالت امي ابد اطلع عنها وهي بتهدا من نفسها
قلبت البيت مناحة حتى الاولاد يصحون واذا سألتهم وش فيكم قالوا ماكلنا وانا احسب انهم يصحون عشان امهم
اثرها مقفلة على نفسها وياويل من جاءها
وجيت من العمل تعبان ولقيتها ضافه شناطها ورايحه لاهلها قلت ابركها من ساعة
خليني ارتاح
وبعد اسبوع مسجات فقدنك وراك تاخذ علي جب مصروف لعيالك ووحشتني
شفتوا كل يوم لها سالفة

المهم تزوجت ورحت شهر عسل والله ماتهنيت كل شوي داقة انا احبك
وبعد مارجعت بديت اعدل والله اني عادل بس المشكلة انهم كل شوي مطلعين لي شغلة ليش تسوي لها كذا وانا لا
احترت معاد اعرف الصح من الغلط
وصرت اطلع من البيت اريح لي
بس الحق والله اني طولت ماحصلت على اللي ابغاها من الثانية
بس والله كل وحدة اذا جيت عندها تريحيني اخر شي بس لو رحت عنها يبدا الازعاج
بس والله مبسوط مره
هذي مسجات الغرام شغالة موب عشان عندنا شهر من الرسائل المجان الا طوال العام

انتهت القصة
حبيبات قلبي لاتنسونا الردود

ياليت احد يقول يسمح لي وضع رابط القصة الحقيقي
لان عليه ردود هبال ومناقشات تموت من الضحك