يامتزوجاات اتقوا الله

السلام عليكم ورحمة الله وبركاته
من البداية بدخل ع الموضوع مباشرة ، أنا لي فترة أدخل وأتصفح دون مشاركة ، لكن الوضع زي مايقولون زاد عن حده ، وقلت لازم إني أنزل الموضوع وأناقشكم في بعض الأمور اللي أولها :
بعض المتزوجات اللي يشتكون من خالاتهم أو من اهتمام أزواجهم بأهلهم ، واللي منزلة موضوع متضايقة عشان زوجها حضر حفل أخوه اليتيم ، وطوف موعد أسنانها!!
بنات أسألكم بالله حطوا نفسكم مكان أهل الزوج قبل لاتححكمون ع ازواجكم وترفضون تصرفاتهم
ترى مب كثيرة لاعطا الرجال أمه مبلغ كل شهر ، أو لا احتاجت شيء جابه له ، ولا هي كثيرة لاخدم خواته ، أنتِ بدالك عشرة لكن الأخت لا راحت ماشيء يجي مكانها ويكفي انهم طالعين من بطن واحد !!
ومب كثيرة لا صار يوديهم حتى لو عندهم عيال غيره ..بالله عليك إنتِ حاسدة زوجك الأجر؟!!
للعلم ترا ماقام بزوجك من ولد حتى تزوجك إلا أمه وخواته ، فالواجب عليه يرد جزء من فضلهم عليه ولا أنتِ ماخذتيه إلا لما دفع لك مهر وتوظف ، وأتحدى وحده تجي تقول أنا تزوجت بليا مهر!!
\\
ثاني شيء : الحديث عن العلاقة الخاصة بين الزوجين ، ترى مايجوز إنك تحكين عنها وفي أدلة من السنة تدل ع هالشيء ، فليه متساهلين فيه؟!
أنتم أحيانًا تثيرون شهوة بنات دخلون للقسم بكلامكم ، فماله داعي من الأساس تحكين عنها سواء تضمنت موقف محرج ولا لا
وااللي منزلة موضوع تقول اني استحيت لما زوجة اخوي طقت الباب وكنت ........
بنات لاتستحون منا استحوا من ربكم قبل كل شيء
\\
ثالث شيء:اللي تنزل موضوع عن خيانة زوجها وتدعي ع البنت وتشتمها ، يعني الحين زوجها طاهر والبنت اغتالت طهره وبراءته؟
بسألكم : من اللي تحكمه العاطفة أكثر الرجل لا المرة؟!
أكيد المرة ، طيب ليه ماتسبين زوجك ، يمكن هو اللي بدا بالعلاقة ولعب ع البنت ؟!
بعض البنات مغفلات ، وبعض الرجال من تحت لتحت أنا ما أبي أشككم برجالكم أو ابتليهم بشيء بس لاتسبون ببنات خلق الله وتنزهون رجالكم
\\
آسفه اذا كان اسلوبي في الخطاب حاد لكن بلغ السيل الزبى
سبحانك اللهم وبحمدك اشهد ان لا اله الا انت استغفرك واتوب اليك