يامتزوجات شي روعه لتضييق المهبل

السلام عليكم..............
انا حطيت هالموضوع بالقسم هذا لانه خاص بالمتزوجات وارجوا ان لايتم نقله للاهميه
اكيد سمعتوا عن تحاميل المره المطحونه مع ملح مع عسل ثم توضع بالفريزر وتدخل للمهبل الثلاثه الايام الاخيره من الدوره ..............
تدرون ليش لون بعض الكلمات باللون الاحمر لخطورته
طبعا لان مايصلح يدخل شي جوا الرحم في ايام الدوره او ايام النفاس
تدرون انا جاني التهاب والدكتوره مارضت تعطيني علاج تحاميل قالت انتظرني لين تطهرين !!!مع انه التهاب شي ضروري الوحده تدخل تحاميل علشان على الاقل يخف شوي لكن مارضت
وبعض البنات الله يهديهم يدخلون تحاميل وعليهم الدوره يشترونها من العطار ما يدرون عنها او حتى هم يصلحونها كلها مضره
اقولكم هالكلام بعد تجربتي يوم جاني التهاب من زمان رحت توضيت بملح مع ماء ودخل جوا الرحم تدرون سبب لي الملح التصاقات ومنع الحمل مع اني كنت سليمه وعندي ولد لكن لعبت بنفسي على ماقال شوفو وش صار لي وانا بعد يقال اني خوافه لايمكن ادخل تحاميل شعبيه وخرابيط بس قدر الله وماشاء فعل الدكتوره على طول قالت لي ان الملح الخشن هو اللي يسبب التصاقات اكيد كنتي بتستخدميه
يعني الملح مضر واستخدام الخلطه ايام الدوره بعد مضر
هذا اللي حبيت انوركم فيه
بالنهايه لو الوحده منا تحط عقلها براسها وتفكر كان تقول والله ما اضر نفسي وادخل شي يمكن يطلع له اضرار جانبيه علشان رجل ينبسط لو العكس والله مايسوي شي يمكن يضره علشانك!!!
صح ولا انا غلطانه
بالنهايه حبيت انصحكم وتذكروني بدعوه حلوه ان الله يشفيني
ويجي اخو او اخت لولدي والله مليت من كلام زوجي والناس ومن ولدي نفسه يقول ليش انا ماعندي اخو ألعب معه
انا صدق مليانه لكن خدودي مو مثل ذي تخرع ههه