يامتزوجات ياجعل ربي يخليلها اغلى ماعندها اللي تفيدنا وتعالو ياعرايس اسفيدو معي

انا مثلك بضبط وقاعده احاول ابحث عن الاشياء الي لازم ما اسويها
عموما بنقل لك موضوع كنت اقراه من شوي يمكن يكون فيه فايده
أولا : الثقة :-
عندما يكون موقف المرأة انفتاحياً وتقبلياً نحو الرجل يشعر بأنه موثوق به ، والثقة عند الرجل تعني الاعتقاد بأنه يبذل أقصى جهد لرعاية المرأة ، وعندما
يكشف رد فعل المرأة الإيجابي في قدرات رجلها ونياته تكون أولى حاجات الحب الأولية قد أشبعت ويكون اكثر رعاية وانتباها لمشاعر زوجته وحاجاتها.
ثأنياً : التقبل :-
عندما تتلقى وتستقبل المرأة الرجل بكل حب واستحسان دون أن تحاول تغييره يشعر بأنه متقبل وهذا لا يعني أن الرجل كامل وليس لديه أخطاء ولكن يشير أنها
لا تحاول تحسينه وأنها تثق بقيامه بالتحسينات المتعلقة به ، فعندما يشعر بأنه متقبل يكون من السهل عليه أن ينصت إلى المرأة ويمنحها التفهم الذي تحتاج إليه وتستحقه.
ثالثاً : التقدير :-
حين يُقدر الرجل يشعر بأن جهده لم يذهب سُدى وبالتالي يكون متمكناً أن يعطي اكثر وبصورة آلية محفزاً إلى احترام شريكته اكثر .
رابعا ً: الإعجاب :-
مثلما تحتاج المرأة إلى تفاني الرجل فالرجل يحتاج أن يشعر بإعجاب المرأة والإعجاب الذي يريده الرجل من المرأة هو أن تنظر إليه بإكبار وابتهاج واستحسان سار
وأن تكون مسرورة من خصائصه الفريدة ومواهبه والتي يمكن أن تتضمن الفكاهة والقوة والإصرار والاستقامة والأمانة والغرام واللطف والحب والتفهم والتفوق والنجاح
والكرم والشهامة والتفاني في رعاية الأسرة وغيرها من الفضائل وحين يشعر الرجل بأن المرأة معجبة به يشعر بالأمن إلى درجة تجعله ينذر نفسه لأسرته وزوجته ويهيم بها .
خامسا : الاستحسان :-
كل رجل يريد في أعماقه أن يكون بطل امرأته أو فارسها في درع لامع ودلالة أنه نجح في اختباراتها هو استحسانها وموقف المرأة الإستحساني يعترف بالطيبة في الرجل ويعبر
عن الرضا الشامل به ( ويجب التذكر بأن بذل الاستحسان للرجل لا يعني موافقته دائماً ) و الموقف الاستحساني يركز على المواقف ونوايا الخيرة والإيجابية في أعمال الرجل وعندما يتلقى الرجل
الاستحسان يكون من السهل عليه أن يصادق على مشاعر المرأة .
سادساً : التشجيع :-
يحتاج الرجل إلى التشجيع من المرأة والتشجيع يعني التعبير عن الثقة بقدراته وشخصيته وهذا يعطي الأمل والشجاعة للرجل ، ويشجع على إظهار كل إمكانياته ، أن التشجيع الدائم من
المرأة للرجل يحفزه إلى أن يقدم اطمئناناً لطيف هي بحاجة إليه .
( قاعدة هامة )
يظهر الخير والحب في الرجل عندما تشبع حاجات الحب الست الأولية لديه ولكن حين لا تعرف المرأة ماذا يحتاج إليه الرجل أساساً وتعطي حب رعاية بدل من حب ثقة ،
يمكن دون علم أن تخرب علاقتهما .

هلا وغلا يالغاليه ..
أتمنى افيدك مع اني ماتزوجت لسه لكن عندي كم فكره يمكن تستفيدين منها
وعلى الله التوفيق يالغلا ..
اول شي لاتتصنعين شي مو من طبعك ابد لانه بيخرب من شكلك بقوة
مثل ماقلتي حاولي تكونين عفويه بس على غنج شوي >>احم احم خ
ولاتكوني مستغله لزوجك خصوصا في بداية زواجك لانه بيتشاؤم من البدايه
بالعكس بيني له انك عون له وتخافين عليه .
احذري اختي تبينين صفات مو حلوة عنده او ماضي مو حلو وانتي عند اهلك يعني ابوي عاقبني أمي هاوشتني , اتطاق انا واخوي .
بالعكس حاولي تقولين انك محبوبه وان اهلك مايردون لك طلب وانك عنصر اساسي عن اهلك
حتى علاقتك مع صديقاتك وضحيها بالايجاب.
طلبات الاسواق والاحتياج حااولي قدر المستطاع ماتطلبينها اول كم شهر من زواجك..
وضحي حبك لاهله وخواته وانتبهي تسبنهم عنده مهما كان هذولي اهله ومايحب احد يتكلم فيهم ..
لاتكثرين اسئله اذا رجع البيت او عن خصوصياته في بداية زواجكم لانه بيطفش من البدايه ...
وش بعد ام ؟
اهتمي لمواعيده ومواعيد استيقاظه للدوام ووضحي له انه اصبح جزء من حياتك الاساسيه ..
هذا اللي عندي واللي اعرفه وتعلمته في حياتي
اتمنى اكون افدتك لو بالقليل ..
دعواتك يالغلا ..

فيه وحده متزوجه قالت لي لاتكثرين التيلفونات وهو فيه وكمان قالت لي لما يسألك عن النيت خليك هبلا كأنو ماتفهمي شي فيه
وبعد قالت لي امسكي لسانك وكثري الدلع
هذي نصايحها فديتها
يالله يامتزوجات ننطركم تكملون لنا ونستفيد منكم

ههه ياحبي لنصايح البنات ولا القص التقليل من شانها وشانهم لا والله بس انا وحده جربت 14سنه زواج والله ثم والله ثم والله صدق المثل اللي يقول زوجك على ماعودتيه وابنك على ماربيتيه
اتمنى تفهمي قصدي زين يالغالية والله يوفقك ويرزقك ويهنيك......

الانسه سوسي تسلمين يالغاليه وبما انك مثلي صدقيني صدقيني كلام الكتب والله ماينفع يالغاليه اقسم بالله فيه حريم اعرفهن شايلات رجالهن فوق الرياح ومع ذالك مع نفع وكثيرر يقولن اتركي كلام الكتب لان التجارب غير
مملوحه تسلمين يالغاليه عز الله ان كلامك عين العقل تسلمين والله عز الله انك فزعه
احلى احلامي تسلمين ياقلبي ماقصرتي وفعلا صديقتك صادقه والله كثير قالن انتبهي تقولين انك تعرفين للنت لانه شباب الوقت مو هينين حتى لو كان فري ومثقف بس اول شي سوي نفسك ماتعرفين
لولاليتا تسلمين يالغاليه الله يجزاك خير ومثلك هذا دايم جدتي تقوله تقول عوديه على كل شي من اول مره لاتنازلين اذا كان لك حق فيه
يالله يابنات ننتظركم

لولاليتا
ياحبي لها ماشاء الله تبارك الرحمن عليك 14 سنه ماحامت كبدك منه خ امزح
ابي اعرف وشلون زوجك على ماتعودينه وولدك على ماتربينه فهميني احس كلها واحد

وبعد قالت لي امسكي لسانك
أكيد وبالذات في الكلام اللي ماله داعي مثل قالت فلانه وقالت علانه حتى لوصار الكلام فيك...
وأسرار عائلته حافظي عليها كأنها أسرار عائلتك....
وهذي نصيحه في بالي اتمنى أستفيد منها وتستفيدون...

حلاها بدلعها هلا وغلا انا بقولك شلون بس ان شاء الله تاصل الصوره
يعني مثلا وحده اعرفها اول ماتزوجت واول طلعه كانت لابسه بنطلون رفض زوجها بالمرره وقال اشلحيه لاكنها اقنعته باسلوبها حتى التنوره القصيره كان رافض بس هي ذكيه ماشلحت ولبست غيره واستسلمت لا بالعكس والحين اقسم بالله وش ماتلبس مستحيل يقولها شي خلاص تعود من اول الزواج درسته
عكس وحده نفس الحكايه في اول زواجها كانو بيطلعون وكانت لابسه بنطلون قالها شلحيه قامت اشلحته والحين مافيه امل تلبس شي او تسوي شي بدون لايقولها
فكره ثانيه مثلا تجي وحده تقوله بقص شعري ويرفض وهذي نشوفها كثير وخلاص مافيه امل تقصه عكس وحده تقص شعرها وتصبغ وتجي تفاجئه يبي يقولها ليش وماليش ويتفلسف وليش ماعلمتيني بس تقوله باسلوب انه من حقها تغير بشكلها
وكثير تصير مشاكل على كذا فيه حريم يقولن احنا ماعودناهم اول العرس يرضخن وبعدين ينكب
<<<<< تعبت عشان توصل الفكره
بس عساها وصلت ههه

شوفي أختي اناا مثلك مقبلة على زوآج بعد كم شهر ..
بس نصيحة زميلتي لي قآلت لي :
صيري خآتم في صبعه بعدين هو يصير خآتم في صبعك بعدين
ولآتكثرين الآلآلآلآلآءآآت يمل منهآ الرجآل
واذا قآلك تروحين لأهله روحي بس لآتتشكين منهم قدآمه
ومهمآ ضآيقك أحد من أهله سوي نفسك مآسمعت
وخلي مكآلمآتك لمن يكون بآلدوآم أو برآ البيت
اهتمي بلبسه وكل شي يخصه .. خليه يحس انك مهتمه فيه
وعلى فكرة ترى الرجآل على ايش مآعودتيه ببدآية زوآجك يتعوود بعدين يعني مثلا مثل مآقآلت وحده من الأخوآت في لبس البنطلون انه اعترض بس عودته انه خلآص يوآفق
ودلعيه بكل شي وعلى فكرة في كتب حلوة انا قريت منهآ كتآب يتعلق بالرومنسية بالحياة الزوجية الكتاب جزأين:
الجزء الأول للمرأة والثآني للرجل أنتي أهديله الثآني
وبس هذا اللي اتذكره
ولوو فيه شي رح أضيفه