ياناس تعبت اتفائل بالخير واللي من حولي يضيعون علي الفرصه كل مافرجت الى متى طيب ادعولي

السلام عليكم
كيف الحال يابنات ان شاء الله الجميع بخير وسلام يارب
ماراح اطول عليكم بالكلام وبكتب لكم القصه كامله وانتوا احكموا معي حق ازعل ولالا
انا بنت ولله الحمد عايشه حياتي الحمد لله بروح تفائل باذن الله وراضيه بحكم ربي على كل الاحوال
كنت اتمنى اتزوج بدري مع كل البنات اللي بعمري بس رضيت بان هالشيء يتاجل لحكمه مايعلم فيها
الا رب العباد ومازلت مقتنعه ان كل تاخيره وفيها خيره وان ربي مااخر نصيبي الا انه يبي لي الاحسن
ونقول ان شاء الله ( آمين )
بس الشيء اللي قاهرني احيانا تجيني فرص وتطير مني بلمح البصر ابقولكم وش صار معي
طبعا قبل مااحكي لكم بقولكم عن وضعي باختصار ومن بعدها اقول الموقف وتحملوني لاهنتوا
انا وحده لااطلع ولا اروح ولا اجي حدي في هالبيت جالسه عاطله باطله لااهل ولا ناس ولا صديقات
ولا شي والاهل بالمره مايدلون درب الجمعه والوناسه وحتى وان جات لحد عندهم رفضوها
الموقف اللي بقوله من كم يوم جاتنا عزيمه وماصدقت خبر وطرت من فرحتي وقلت بس جاب الله مطر
وبترجع تجدد الفرحه فيني ويمكن لارحت يجيب لي الله الرزق مع العلم يابنات مو حاطه في بالي اروح
وانخطب لاني عارفه يمكن ربي يكتب لي نصيب ويمكن لا على كل الاحوال انا اقول ممكن ليه لا
يعني ابضرب عصفورين بحجر اروح اوسع صدري ومادري لعل الله يكتب لي رزق وافرح فيه ان شاء الله
وش صار اللي صار ان الاهل عارضوا فكرة انهم يروحون وويجبون خلق الله انا هنا انقهرت ليه طيب
حرام يعني ياحبسه وقعده في البيت وبس هذي طيب مافكرتوا فيني بجد احيانا اقول لالالا اهلي مايفكرون
فيني امي ماجا على بالها اني ودي افرح بنفسي وهي تفرح فيني ولا كيف ابي افهم وش تفكر الوالده فيه
استغفر الله يارب لاتواخذني
وجاتنا عزيمه ثانيه واتوقع رفضها من الحين لان محد جاب لها طاري ابد بالمره منسيه وش السواة ياخلق الله
يعني محد يراضاها على نفسه كذا مره تجي الفرحه لحد عندي وتطير مني ياربي ماطلبت غير اني اشوف
نفسي عروس وحلم اتمناه ويارب يتحقق ويكون واقع نفسي يكون لي بيت واسره واستقر واقدر اخذ قراري
بيدي من غير قيود
نجي للمشكله الثانيه غير ان اهلي ماشاء الله مسكرين علي غير انهم يتشرطون ونبي من حمولتنا ونبي
من اهلنا ونبي ناس اوكي طيب واذا ماجا اجلس احط يدي على خدي واقول ايه بيجي يعني
حرام والله ,,
يضيع عمري وانا كذا يابنات اتمنى محد يفهم كلامي غلط ويقول اني متذمره من عيشتي لا والله ابدا مو
كذا بس انا حبيت افضغض شوي وراضيه باللي ربي كاتبه لي وصابره بس لما اشوف حظي كذا انقهر
ولاشفت برود اهلي انقهر زود احيانا يمر وقت ابكي وابكي وابكي لعله يخفف عن اللي بقلبي من كتمان
بنات بسالكم في احد مثلي ولا بس انا ؟؟
وبسالكم هل تتوقعون الرزق يجي من غير روحه وجيه وقعده بالبيت ؟؟
وكيف اتخلص من مشكلتي مع اهلي من هالناحيه ؟؟
كمان انا مو من النوع اللي افضفض عشان كذا مالي قدره اواجه اهلي واقولهم عن اللي بخاطري ؟؟
بنات املي بالله كبير انه بيجي يوم وبيرزقني وبفرح ويارب يكون هاليوم قريب ان شاء الله بس تكفون دعواتكم
لي وعسى ربي يغفر لي ويغفر لكم ويرزقنا من حيث لانحتسب والسموحه اذا طولت عليكم دعواتكم حبايبي
ولكم بالمثل ان شاء الله
ارجوا الدعاء لي ولصديقة عمري ولبنات المنتدى ولبنات المسلمين اجمعين ان شاء الله