يستحق التفاعل ماعندك شغاله ادخلي فيدينا واستفيدي موضوع يهمك

انين الخريف

30-10-2022 - 03:44 pm

انا عندي سامسونج مره مرريحه...

مساء الجاردينيا للجميع.......
هذا الموضوع مخصص للي ماعندهم خدامات خلونا نفيد بعض بطرق وحلول تغنينا عنهم ببداية حياتنا ...
نبغى نستغني عنهم بافكار تنظيميه ذكيه وسريعه بزمن السرعه...
ونبغى بنفس الوقت افكار تخليك ماتشتغلين طول اليوم ...ونشتغل شغل نظيف بنفس الوقت مايأثر على اجسامنا ونظارتنا ...
انصح اي وحده ماعندها شغاله بغساله اوتوماتيك>>>

انا عندي سامسونج مره مرريحه...

بالنسبه للمواعين عندي غسالة مواعين مره بعد حلوه ومريحه...اشغلها لمواعين الغداء..والعشا اذا شي بسيط غسلته بيدي واذا كثير اغسله فيها..يعني اشغلها مرتين مافي اشكال>>>
واللي يقولون انها ماتنظف.. 100 % ماعرفو لها...لازم اول شي تكبين كل البقايا اللي عالمواعين بالزباله ..وبعدين تصفينها فيها وتختارين شطف بس بالمويه..وبعد ماتخلص تفتحينها وتحطين صابونتها والسائل الملمع وتشغلينها وتصير المواعين تلق...ومره بالشهر تحطين لها ملح مخصص..ولما تحطينه ماتشغلينها 24 ساعه الين مايذوب داخلها عشان ماتشهب مواعينك...
بالنسبه للكوي فيه نشاف بخار حار يكوي نوعا ما بس ماحبيته لانه يكمش الملابس يخليها تصغرر مره....
عندي هذي مره مريحه>>>وسريعه>>>اكوي فيها حتى الشمغ والثياب الرجاليه...بتبتلشين فيها اول ماتشترينها وبعدين شوي شوي مع الصبر بتتعلمين عليها وبتصيرين حريفه مره عليها...والله ملابسنا كنها جديده دايم منها...
عندي الآله اللي تقلي ماركتها كينوود مرره حلوه وتوفر لك مواعين وبلاوي وقت القلي كل بعد 4 قليات اغير الزيت الا اذا قليت لحوم اغيره على طول>>
هذي الاجهزه انا مجربتها مرريحه وتطيح نص الشغل عن ظهرك....
بالنسبه للنظافه انظف مرره بالاسبوع ماعدا الحمام اللي نستعمله كل يوم او يوم ورا يوم...
طريقتي اغسل كل الحمامات تكرمون مره بالاسبوع واقفلها ..ونستعمل بس واحد...
بالنسبه للكنس بالمكنسه الكهربائيه مره بالاسبوع وبعدها امسح السيراميك بديتول...وباقي الايام بالمكنسه ام عصا طويل تعرفونها ؟؟سهله وعمليه للاشياء البسيطه..
ووحده من العضوات هنا نبهتني لفايدة الفرزنه وانها تفك زنقات ...مثل فرزنة الكشنه...او الخضار تقطعينها حلقات وتحطينها باكياس وللفريزر على طوول....
ووحده بعد هنا الله يجزاها خير قالت عن تغطية الفرن بالقصدير ..عشان بدال ماتحكحكين فيه كل يوم بس تغيرينه وتفتكين مرتين او مره بالاسبوع....ولاتنسين سبحان الله 33 والحمد لله 33 والله اكبر 34 فهي تغني عن الخدم..
بنات اللي عندها افكار حلوه الله يخليها لاتبخل علينا ...ماودي بالشغاله ونا لسه ببداية حياتي وماعندي الا طفلين صغينونين....
بانتظار الحلوات...

التعليقات (9)

لولوسي

30-10-2022 - 06:43 pm

الله يجزاك خير
انا بفكر امشي شغالتي آخر هالشهر وبجلس فترة من غير شغالة ...
مشكورة على الافكار ...جت في وقتها

MEME U

30-10-2022 - 07:44 pm

بصراحه افكار اكثر من رائعه
والخدم ماوراهم الا المصايب بس شنسوي شر لابد منه
والله يعطيك العافيه حبيبتي

انين الخريف

30-10-2022 - 08:45 pm

لولوسي
شكرا" لمرورك يالغاليه

انين الخريف

30-10-2022 - 09:46 pm

MEME U
هلا بمرورك يالغلا...شوفي حبيبتي لو ماانتي موظفه ولسه ببداية حياتك وماعندك اطفال واجد...صدقيني بذكائك تقدري تسيطري عالوضع...باستثناء لو بيتك كبير....لان البيت الكبير مو مثل الصغير بس اللي بشقق والله حرام الشغاله ...مصايبهم كثيره انتي بس اقري قصة السندريللا الاندونيسيه بتكرهينهم من قلب...

*& انوار &*

30-10-2022 - 10:47 pm

ام
حبيت اعلق على الغسالة لاتوماتيكية
اختراع رائع
بس عيبها انها ماتنشر الملابس <<< تستهبل
من جد خطيرة توفر وقت ومريحة
وكم سبق وقلت ليتها تنشر الملابس
بس مشكلتي مااقدر استغني عن الشغالة

انين الخريف

30-10-2022 - 11:48 pm

*& انوار &*
ايه مره حلوه الغساله تستاهل براءة اختراع خ
لتس احلى قلب اخضر

ليان1427

31-10-2022 - 12:49 am

ماشاء الله حلو برنامجك
شكلي بعتمده وامشئ عليه
انا حالياا افكر اشتري غساله مواعين زهقت من المواعين اوف اكره غسلها
بس خبريني وش نوع غسالتك وبكم سعرها؟
اما مشكله الملابس محلوله عندي غساله اتوماتيك ومجفف حراري.
الله يجزاك خير.

انين الخريف

31-10-2022 - 01:50 am

ليان1427
هلا حبيبتي..غسالة المواعين مره حلوه احس اني مااستغني عنها ابد..الي عندي ماركتها thomson من اكسترا .....

كبريآآء آنثى

31-10-2022 - 02:51 am

موفقاات ومتابعتكم فديتكم ...

يستحق التفاعل المطبخ واسراره مع عضوات الفراشه تجارب حلول←
اللي عندها غسالة ملابس اتوماتيك او خبرة فيها تدخل تساعدني ضروري→