يستحق المشاهدة يا حلاوة على الإبداع يا حلاوة

السلام عليكم و رحمة الله و بركاته
رجعت لكم مرة ثانية و هذه المرة راح أقدم لكم شغلي في العيد اللي راح و لا أطلب منكم سوى الدعاء لي و لأهلي...
هذه المرة سويت توزيعات بأشياء بسيطة و ما تكلف كل اللي تحتاجه شوية إبداع و حسن إستغلال للأشياء المتوفرة عندك.
بصراحة هذه الفكرة كانت تحوس في بالي من زمان و كنت أأخرها بس الحمد الله إني سويتها و أتمنى إنكم تسووها
و قبل لا أنسى أحب أشكر أخواتي لأنهم ساعدوني ،، صحيح الشغل مو صعب لكن حلو لما يكون في أحد يساعدك خصوصاً في رمضان..
على فكرة .... بصراحة أنا ما صورت كل الأشياء اللي أشتغلت بها لكن راح تشوفوها بباقي الصور..
الأدوات المطلوبة:
كاسات فناجين قهوة ( يفضل اللون البني).
ملاعق بلاستيك.
ورق ملون.
حلويات مشكلة.
أكياس نايلون مقاس صغير.
كرتون بيبسي فارغ (أقصد الكرتون الذي يوجد أسفل علب البيبسي).
ورق كريشة.
هدايا صغيرة. (إذا أردت).
الإسطوانة التي تأتي بداخل مناديل المطبخ (إن وجد).
و بس......
أدري بتقولوا الأغراض كثيرة لكن بتشوفوا بالأخير كيف بيطلع الشغل.
الطريقة:
بسم الله نبدأ..........
أول شي نجيب الحلويات و نفرغها في زبدية كبيرة و نخلطها مع بعض (بس أنتبهي لا تخلطيها بقوة مرة).
ثانياً: نجيب الورق الملون و نقص على شكل بتلات ورد و نجيب الملعقة و نلصق عليها البتلات من داخل الملعقة كما بالصورة . ( أنا خليت أختي ترسم فيسات على الملاعق بس إنتي براحتك).
نجيب الغراء و نلصق طرف الملعقة بالكاسة من الداخل ( للأسف ما صورت هذه النقطة بس أتوقع إنها واضحة).
ثالثاً: نجيب الكاسة و نحط بداخلها كيس النايلون و نحط الحلاوة داخلها تقريباً ملعقة و بعد كده نقفل الكيس.
رابعاً: نأخذ الورق الملون و نقصه على قد فتحة الكاسة و طبعاً حيكون لون الورق اأخضر على أساس إنه الزرع. هع هع .
خامساً: نحضر كرتون البيبسي و نغلف أطرافه بورق الكريشة ( أنا استخدمت اللون الأخضر لكي يشبه الحديقة) و بصراحة من الداخل ما غلفته بس اللي تحب تغلف براحتها. ( نسيت أصور هذه الخطوة).
سادساً: بالنسبة للإسطوانة فالهدف منها صنع الشجرة أنا خليت أختي تلونها باللون البني و سوينا وحدة شجرة و الثانية نخلة بتشوفوها بالصور و الأوراق عملناها بورق الكريشة.
إذا عندك هدايا و حابة تلصقيها يفضل إنك تحطيها خلف الوردة . بالنسبة لنا في هدايا البنات حطينا طوابع لولو كاتي صغيرة و حلوة( إذا ركزتوا في الصورة بتلاحظوها)، و الأولاد أخترنا لهم الريشة (تراه قلم بس على شكل ريشة) يعني لا تستغربوا.
هذه هي الريشة
نجي للخطوة الأخيرة وهي التجميع و هنا راح تحطي الشجرة في أحد الزوايا في الخلف و ترصي الورود قدامها و الصورة كفيلة بالتوضيح
حبايبي لا تنسوا تقولوا ما شاء الله
÷÷÷÷÷÷÷÷÷÷÷÷÷÷÷
÷÷÷÷÷÷÷÷÷
÷÷÷÷÷
÷÷÷
÷÷
÷
8
8
هنا حطيت الهدايا خلف الورود
8
8
هنا لاحظو النخلة و الشجرة
و بس خلص الشغل و الحمد لله و ما يحتاج أقولكم إنه الجميع عجبته الفكرة و عجبه الشغل و الحمد لله و أنا متأكده إنه راح يعجبكم بس باقي تطبقوه
و اللي عندها أي سؤال أو استفسار أنا ما عندي مانع و اللي تحب تنقله لمنتدى ثاني مسموحة لكن بشرط ذكر المصدر
ادعو لي و لأخواتي بالتوفيق
في أمان الله