يعني لازم أقص الأطراف

هلابك حبيبتي
انا مايهمني طول الشعر كثر مايهمني حياويته وشكله
هم يقولون قصي اطرافه عشان الشعر التعبان يروح
واذا ماقصيتيه التلف يطلع لفوق
سبحان الله قص الاطراف مفيد
اختي بعد كل دوره تقص شعرها اطراف قليله وما شاء الله شعرها ماشي

طيب اذا اصلا تبغي الخلطات يستفيد منها شعرك لازم تقصي اطرافه معروف هذا الشي ..
واصلا اذا تقولي تالف يعني اكيد الاطراف عندك تعبانه محروقه ولمن تستشوري شعرك يصير خشب خ عشان انا كنت كذا قبل ما اقص شعري ..
المهم اصلا الشعر سواء كان تالف ولا موتالف اي شعر على وجه الكره الارضيه لازم تقصي اطرافه كل ثلاثه شهور بالكثير عشان الشعر يتنفس و يتجدد ...
وهو المفروض كل شهر بس انا قلت ثلاثه شهور عشان لا تزعلي ...
واذا تقدري كمان تقصي فوق كمان شويه عن التلف يكون احسن عشان يطول على شعر كويس وصحي ..
حطي عليه جرجير معصور ومركز ممتاز اتعب اقولك ممتاز وحطي معاه زيت اي زيت تحبيه او زيوت مجمعه ان شاء الله يا رب افتدك يا قمر ...

حبيبتي الانيقة الدلوعة الأمورة الحلوة ملكة الجمال ( وي يختي بس خشي في الموضوع ) خ
من فين أجيب الجرجير المعصور المركز؟ هل هو زيت؟؟؟ بليز ردي لي

انا انتبهت لكلامك انك تسألي هل الشعر يتغير لونه بالخلطات او لا ؟؟
والله انا تغير لونه وكل ماحطيت زيت يفتح اكثر ويبهت اللون
ممكن علشان انا شعري مره ناعم وخفيف
ماادري بس اسألي مركز تجميل يعني مثلا
الياذه او مركز العنايه بالشعر

يسلمو مروركم ، و اتمنىالافادة منكم يا فراشاتي

اهلين اختي ...
الجرجير المعصور .. تجيبي الجرجير عادي حقنا مو حقنا يعني مكتوب باسمنا لا...
يعني الجرجير اللي تلاقيه في البقالات والسوبر ماركت والحلقه خ
المهم تغسليه من التراب مضبوط ولا تقطعيه ولا تقصيه ولا تقصي حتى الجذور لانه فايدته في الجذور اوكي ...
وتحطيه في الخلاط الين ما يصير عصير وتصفيه عشان تاخذي المويه حقته..
اذا ما رضي ينعصر معاكي حطي منه شويه شويه في الخلاط لا تحطيه دفعه وحده
واذا كمان ما رضي ينعصر حطي شووية مويه شويه مره او زيت شويه ... بس خليها مويه عشان الخلاط هذا للاكل بعدين مامتك تقتلك ههه ...
وتحطي العصير على شعرك على نفس فروة راسك والباقي على الشعر كله ...
بس ترا الجرجير ينشف الشعر عشان كذا اقولك حطي زيت في شعرك عشان تتطريه ممكن تحطي يوم الجرجير ويوم الزيت انا كنت احط زيت سمسم ..
بس ممكن تحطيهم في نفس اليوم او تخلطيهم مع بعض او يوم ايوه ويوم لا بكيفك انتي سويي جدول لنفسك اللي يناسبك ويناسب يومك مو مشكله
بس المهم انه الموضوع يكون فيه جرجير ... هذا اذا تبغي شعرك يغزر ويطول ..
وترا هذي تجربه شخصيه مني انا ... لمن ملكت صبغت شعري وسويت هايلايت وما عجبتني ..
رحت ثاني يوم وسويت صبغه وهايلايت اتخيلي الكوافيره نصحتني قالتلي حينعدم شعرك قلتلها مو مشكله بس هذي ملكتي والصور .... والخ دوشت راسك
المهم صار شعري من قدام خفيف وكانه بدا يصلع و يرجع على ورا ريوس .. والله خفت ...
سويت الجرجير وبدا الحمدلله يطلعلي شعر صغير وكمان في اماكن ما كان عندي شعر فيها اصلا وفرحت بس انا ما استمريت عليها لاني اتزوجت وحملت واتكاسلت ...
***************
واذا تبغي كمان شي حلو يطول بسرعه وينعم استعملي كريم صانسيلك ..
واذا تبغي معلومات اكثر عنه .. شوفي موضوعي انا منزلته شوفي صفحه رقم 10 انا رديت لوحده عن هذا الكريم بالتفصيل ... وشوفي كمان الموضوع نفسه يمكن يفيدك ...
http://alfrasha.maktoob.com/showthread.php?t=778288
وانا دحين جالسه استعمل خلطة هاجريه كول مره حلوه وتحسيها تغزر الشعر وتطوله ما شاء الله تبارك بسرعه ...
واي سؤال انا حاضره يا قمر ...

حبيبتي أنا أستخدم زيت همتاج حق الهنود صراحه طول شعري الحمد الله بس ما يوقف التساقط هذه تجربتي مع زيت همتاج
الله يشفي شعرك

اختي انا عن تجربه بديت في خلطة الزيوت وكان شعري تالف ويطلع على فوق >>>>>>>>
يعني الناس ينبت لتحت وانا يتكسر ويطلع فوق
واستعملت الزيوت وبعد ماحسيت بشعري يتحسن
اخذت المقص وشذبته بشكل خفيف >>>>>>>
خفت يقصر وشلت بطريقتي الشعر التعبان
وبعده ماعاد قصيت والحين شعري روعه

ام رنو2008
صحيح يا اختي كلامك مليون في الميه ..
اساس الشعر التالف والتساقط ...انه الوحده ما تقص اطراف شعررها ..
فشي طبيعي انه الشعر ينكتم ويتساقط وتدهور حالته ..