يقول لي شكلك كذا أجمل

صبايا أنا محتارة في أمري..
أنا مشهورة بشياكتي كثير و جمال ذوقي وملابسي..
انا مالي كم شهر متزوجة..
و اشتريت جهاز من اجمل وارقى مايكون..
طبعا لبسي منوع مابين قصير وطويل يعني نوعت و شكلت و كل شي جبته..
طبعا تعرفون (القميص) انا كنت البسه عند اهلي قبل زواجي لانه ساتر و طبعا قلت لا يمكن البسه اذا تزووجت لانه صراحة احس شكلي فيه كاني مهملة ..
مرة رحت عند اهلي وفتحت دولابي ولبست قميص من اقمصتي القديمة و يوم جا زوجي ياخذني نسيت ماابدله..
المهم زوجي انهبل..
يقول ارمي جهازك كله حتى اقمصة النوم الي من نعومي ولاسنزا و روحي الهرم واشتري من ذا الاقمصة!!!!!!!
انا قلت يمكن عشان اول مرة يشوفني فيه!!
لكن والله يا بنات صار مايمدح لبسي يقول البسي قميص..رحت اخذت اربع قمصان قديمة من دولابي قبل مااتزوج..
تخيلوا لي اسبوعين جالسة بالقمصان و هو طاير فيني مدح و غزل و يقول من جد اكلمك بدلي لبسك كله اتجنن عليك كذا..
المشكلة اني لا يكمن اقبل شكلي يكون كذا دائما كل يوم..
ممكن احيانا لكن كل يوم صعب!!!
اش رايكم بمزاج زوجي!! ههه
أنا صراحة مصدومة
لا و اذا حطيت كحل و روج يمسحه يقول خليك كذا ..
مع ان شكلي بالماكياج الخفيف يجن بشهادة الجميع..
يقول ماابغى ابدا ولا نقطة روج!!!
و الله محتارة بقوة..
أحد يشور علي!!
أحس انه اهمال ..
بنات لا تقولون نوعي ..
انا انوع والبس لبس احيان طويل وساتر واحيانا غيره..
عشان مايمل..
لكن مافي فايدة ..
طبعا القميص هو الي مثل الجلابية او الدراعة.