يلا اقرو قصة حملي واستفيدوا الله يرزقكم من واسع فضلو بالتوأم السليم اللي تتمنوه

كيفكم يابنات
وايش عاملين
وكيف الاجازة معاكم ؟؟
حابه اليوم اقلكم اسباب خلتني احمل بعد مشيئة ربنا طبعا (لك الحمد ولك الشكر يارب كما ينبغي لجلال وجهك وعظيم سلطانك)
اول شي حاحكيكم بالتفصيل .. << الفاضي يعمل قاضي خ
لاوالله بجد احكيلكم بالتفصيل عشان حنخرج بتلاتة اسباب بإذن الله ..
اول شي انتو عارفين طبعا انو الشهر اللي قبل اخر دورة ليا اتاخرت دورتي اسبوعين وطلع انو في اكياس دم .. سببها تغير هرمونات ...
تصدقوا صحبتي بالخامس وصار معاها نفس الشي قبل ماتحمل والشهر اللي بعدو على طول حملت ..<<سبحان الله يمكن عشان بيتهيأ الجسم للحمل ..
وطبعا خلصت دورتي وجا وقت الاختبارات << على فكرة ناجحه بنسبة 87% <<قولوا ماشاء الله خ
وكان فرق بسيط يعني باقي على بداية الاختبارات 3 ايام انا وقتها خلصت دورتي..
المهم فطبعا ديك الفترة فقرت زوجي رحت السوبر ماركت واشتري كل شي نفس فيه 3 شيبسات حجم كبير وجلكسي ومية فليك خ <<حبيبي هدا
وماخليت شي الا واشتريتو .. <<لانو وزني نحيف والدكتور قالي لو تبغي تحملي اتخني ههه
ومن ضمن المشتريات >>>>>>>>>>>>> عصير اناناس
قلت كتر كلام الناس عن فوايدو .. قلت يابنت جربي ...
المهم وهاتك ايام ااختبارات مزاكرة واكل ونوم ...
وشربت عصير الاناناس ... مكن بس مرتين او تلات مرات متفرقة يعني كل اسبوع مره وفي اليوم ال14 من الدورة شربت كاسة ..<< بالعافيه عليا (((قولو)))<<زودتها مو ههه
الموهم .. وجا اليوم ال26 للدورة يعني قبل دورتي باربعه ايام ...
يجيني داك الالم اللي في مبايضي ... قاعد يلعب معايا يمين وشويه يتعب يروح اليسار يمين ويتعب ويروح يسار يمين ويتعب ويروح يسار خ
الموهم .. << هاتي الزبده من اول تقولي الموهم خ
لا خلاص حاخلص ...
يوم بعد يوم صرت احس بألم الدورة والالم اللي فوق المبايض ..
وصدري بدا يعورني وماشاء الله يكبر ..<<ماصدقت ..
المهم وانا ناسيه موضوع الحمل والله يبنات انو مابدأت افكر في الموضوع غير بعد ماانتهت الاختبارات يعني كمان لما بدأت احس بالآلاآآآآآآآآم ....
ووالله انو ابدن ماجا على بالي حمل ..
تخيلو اللي اتجننت لماجاتها الدورة صارت عايدي لو جاتها الدورة << اللي هيا انا <<بس انا احلى من هدي ههه
والين رحت للدكتور بعد تاخر الدورة ب3 ايام ويقلي والله مافي سبب لتأخر الدورة ...ولاباين ازا في حمل ..
تدرو ايش عملت ... مو زي المرة اللي قبلها قعدت ابكي لالالالالالا
قلت لزوجي الحمدلله ...
وخرجت وانا تاركتها لربنا وراضيه بقضاؤو وقدرو ...
المهم واتاخرت الدورة ستة ايام وانا اقول لزوجي صدقني مو حامل صدقني ...
وهوا يقلي يعني متأكده اقلو ايواا..
المهم وقررت وقتها اجيب تحليل المنزل وحللت ... تخيلو دوبي صاحيه من النوم في هداك الصباح المشرق خ
المهم وزوجي اخد التحليل مني وحطو فوق مراية الحمام الله يكرمكم وانا مااعرف ايش جا ؟؟
بس مسطله واقلو عايدي ترا لو ماحملت عايدي وهوا يطالع كل شويه في التحليل وانا اقلو خلاص سيبو ... وقمت اشوفو الا حط يدو وانا امسك يدو واقلو خلاص قلتلك عايدي والله محابكي وفجأتن
1 1
خطين
لالا مو مصدقه ... وصرت اطالع فيه وهوا يطالع فيه الصراحه موقف اتمنى كل وحده بإذن الله الواحد الاحد انها تجربو ...
وعاد انا يلا يلا نروح نعمل دم ويقلي خلاص مو لازم استني كمان واقلو لالالا يلا نعمل وهاتك دحلسه واحبك وياحبيبي واخيرن قلي يلا ....
وانا رايحه لعمل تحليل دم الا واتصل عالدكتور واقلو عاللي صار قلي مبروك مبروك خلاص لاتعملو دم مدام طلع خطين خلاص ميلزمش ...ههه
ورحتلو تاني يوم وطلعت حامل ماشاء الله في الاول ...
وشفت الكيس ..الحمد لله
ادعولي انو الله يثبتو وانو اشوف الجنين كامل الخلقه لازياده فيه ولانقصان ...
والاسباب التلاته اللي جعلتني احمل هيا ...
1/ اولا مشيئة الله طبعاً
2/عصير الاناناس
3/عدم التفكير في الحمل ابدن
اشغلو نفسكم ...
وطبعا لاانسى دعواتكم ووقفاتكم ..
وحابه اشكر كل وحده دعتلي الله يرزقها الله يرزقها الله يرزقها من واسع فضلو هدي السنة يارب
يلا تشاو
استنو هدي هدية لكل وحده قريت القصه
عسكريم خ