يلا كل وحده تدخل وتصورلنا مكياجهاونستفيد من بعض

وهنا عضوه ثانيه كمان
السلام عليكم و رحمه الله و بركاته ،،
اشحالكم خواتي ؟؟ عساكم طيبات ،،
امس كنت يالسه ارتب مكياجي ،، و انا ارتب خطرت في بالي فكره ،، قلت ليش ما اصور و اعرض صورت مكياجي الأكثر استخداما ،، يعني اللي ارتحت له ،،
واللي يمكن أفيد فيه غيري و ياخوون منه و يدعولي ^^
وبخليكم و يا الصوور و شرح بسيط تحت كل صووره
ف البدايه برمس عن البودره و اللي هيه بودره جيفنشي اللوس باودر ،،
الصراحه فضيعه و اطلعج طبيعيه 100% و شي منها لونين اللي هوو درجات الوردي اللي نفس مالي و اللون الثاني هوو تدرجات البيج ،،
طبعا ني حق البلاشر ،، مثل اللي ف الصوره انا استعملت وايد ماركات بس اللي والمني هوو جيفنشي اللي ايي بأربع ألوان مب لون واحد ،،
والبلاشر الثاني ماركه كالفن كلاين ،، هالبلاشر لونه وردي مات بدون لمعه ،، الصراحه انا ما استغني عن هاللون لانه وايد فضيع يظهر مع البشره البيضا ،،
والعلبه اللي مكتوب عليها حرف p ماركه بوت Pout ،، هيه عباره عن لمعه ذهبيه ،،
يعني لمسات نهائيه للويه ^^ فضيع حق اللوك البرونزي او حق الميكآب البني ،،
والحين نتجه للعيوون ،،
انا امبووني ما احب الآي شادو ،،
أستعمل أحلى و أضبط مسكره واللي هيه من ماركه HR طبعا غنيه عن التعريف،،
هالمسكره وايد حلووه تقريبا احلى مسكره استعمليتها ،،
اتخلي الرمووش ولا احلى ،،
وبالنسبه للجحال الأسود ،، استعمل ماركه MAC بالفعل فضيع ،،
اسود فحمي مايسيح ،، و ووتر برووف بعد ،،
وبالنسبه لي انا احب اللون الأزرق وايد ،، ف أكثر جحال ملون يعيبني ،،
Make-up-forever الدرجه اللي اتشوفونها ف الصور ،،
هم عندهم ألوان وايده و صدقووني لو استعملتوو هالاقلام من هالماركه ما بتندموون ،،
أبد ما يسيح و ألوانهم خاصه حق خارج العين و حق داخل العين ،،
المهم نكمل مسيرتنا ،،
والحين انيي حق الشفايف ،،
شفتوو الكميه اللي استعملها اتحسوون انها اشوي يمكن او اتحسون انها تقريبا نفس الألوان ،، لان تقريبا بالمجمل البشره البيضا يلبقلها تقريبا كل تدرجات الوردي و الأحمر و البنفسجي و البني و البيج ،، وانا احب هالماركات لانها احسن عن غيرها ،،
بس الوحده اللي اتحب اللوك البسيط و الخفيفه و اللي يطلعها كيووت و سمبل تبعد عن البني و درجاته ،، اتخليها على الوردي ،،
انا اكثر لونين حبيتهم من ديور كانو الوردي و الاحمر من هالكوليكشن اللي ف الصوره
الوردي روعه و ناعم و الأحمر حلوو ومب فاقع لالا بالعكس يخليها حمرا كأنج ماكله حلاوه حمرا يعني احمر غلوسي نعوومي،،
،،
ومن جيفنشي اللون البنفسجي الفاتح جريب الليلكي و اللون الوردي المايل على الفوشي و فيه لمعه وهذا من الكوليكشن اليديد ليمتد اديشن ^^
،،
طبعا ايف سان لوران أحلى درجه خذت و فيها لمعه و وايد احلى على الشفايف يخليها كيووت بدون تحديد ولاحتى بيس ،،
ومن غيرلاين لون وردي مايل للفوشي بس خفيف تقريبا هوو مب غلوسي ،، يعني شرات الليب ستيك بس سائل ،، وايد احبه و يثبت على الشفايف ،،
،،
ومن شانيل لون اتحسوونه بين البيج و الوردي و البني يعني مكس ،، احط منه يوم البس مثلا بيج او عشبي او أورانج ،، شي فيه لمعه بسيطه و وايد مريح على الشفايف ،،
،،
تيووب كيتي من H&M بس للأسف مب موجود اهنيه لان ماخذينه من ألمانيا ،، بس وايد حلوو وخفيف حق الظهرات السريعه ،،
،،
تيوب كالفن كلاين ،، بعد للأسف مب موجود ف البلاد منه ،، الصراحه هذا انا وايد اعشقه ،، خطير انتي اتشوفين لونه احمر من التيوب بس يوم اتحطينه يعطي تورد حق الشفايف وحمره خفيفه ،، وريحته فرووتس وطعمه بعد لوولز ،،
وبالنسبه لليب ستيك انا استعمله ك بيس للغلووس يعني يثبتلي اياه ،، من ماركه شيسيدوو ،، لونه روعه و مات حتى لو احطه برووحه بدون غلوس ولا حتى تحديد لونه ناجورال على الشفايف يعطيها مظهر حيوي ،،
وبعد هالباليته من ديوور Dior ألوانها روعه و امحددين لج على المرايه كل واحد حق شوو يعني الأول Base والثاني Matte و الثالث Satin و الرابع shine و الخامس Top Coat
ألوانه فضيعه و على الشفايف روعه أهم شي عندي انه يكون خفيف على الشفايف ،، لان ساعات اتحطين غلووس اتحسين شفايفج ثجيله ،،
لالا انا ما احب هالنوعيه ،،
في الأخير هالموضوع عباره عن نصايح يعني للبنات اللي اتحس انها بشرتها بيضا و هيه من النوع اللي استايلها سمبل او حتى حق اللي ما يعرفون للميكآب ،،
وحتى حق اللي تبا اتغير من استايلها ،، لان انا استايلي خفيف بدون آي شادوو و بدون باودر ولا حتى كونسيلر ،،
يعني استايل البنات الخفيف ،، و بعد حبيت أنوه ان هالماركات فيها سوالف زينه و خفيفه لان ساعات الواحد يوم يسير ما يعرف شو يلبق عليه و لا حتى شو اللي يناسبه و ما يعرف اللي خذاه زين عليه او لا ،،
وبس يعني نصايح فقط لا غير ،،
عاد اتمنى منكم دعوه حلوه حتى لو ما استفدتو من موضوعي بس حبيتلكم الاستفاده ^^
وبعد لاني تعبت على الموضوع من تصوير و كتابه ^^
تحيتي لكم

فكره حلوة
تسلمين

معقوله مافي مشاركه ولا حماس

موضوع حلو ياليت يلقى تفاعل

\\\\\\\\\\\\\\\\\\

والله روعه ماشاء الله عليك وياليت اعرف اصور مكياجي بس ماينفع اتكلم وادور صور من النت

حلوه الفكره تسلمين