الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
هـدوئي
10-12-2022 - 05:27 pm
السلام عليكم ورحمة الله وبركاته
اولا احمد الله حمدا كثيرا ان جعل لروايتي السابقة ( غموض خالد ) اقبال كبير جدا عليها
واشكر كل من شجعني وانتقدني ونبهني
في البداية قد لا تكون روايتي هذه بمستوى روايتي السابقة
لكن هي مجرد افكار وتنبيهات اتمنى ايصالها للقراء
اترككم مع روايتي المتواضعة ( يمسح الدمعة بشكوى )
اولا احمد الله حمدا كثيرا ان جعل لروايتي السابقة ( غموض خالد ) اقبال كبير جدا عليها
واشكر كل من شجعني وانتقدني ونبهني
في البداية قد لا تكون روايتي هذه بمستوى روايتي السابقة
لكن هي مجرد افكار وتنبيهات اتمنى ايصالها للقراء
اترككم مع روايتي المتواضعة ( يمسح الدمعة بشكوى )
التعليقات (9)
أول ماشفت الرواية طار قلبي من الفرح وبسرعة فتحتها ..
البدااية حلوة ومشوقة =] .. لو أنا مكان عمر اكيد في البداية بعارض ^^" ..
في انتظآر البآرت الثاني بحمآس ^___^
البدااية حلوة ومشوقة =] .. لو أنا مكان عمر اكيد في البداية بعارض ^^" ..
في انتظآر البآرت الثاني بحمآس ^___^
* الجزء الثاني *
* رايد *
بعد صلاة العصر رجعت للبيت بسرعة قد ما اقدر ابي اشوف عمي يمكن يرضى يعطيني سيارته اروح فيها للمكتبة
وصلت البيت ووقفت عند باب الشارع اشوف الرايح والجاي وانتظر عمي
شفت عمي من بعيد جاي ومعه واحد ... ام انا الى الحين ماعرف جيراننا زين
اكثر الاحيان اجلس بالملحق ... بسبب العكازات صرت ما اقدر اختلط بالناس اكثر
شفت الرجال اللي مع عمي دخل بيت بعيد عنا شوي
بعد ماوصل عمي عندي وخرت عن الباب شوي عشان يدخل عمي للبيت
ولما صرنا بالحوش
رايد = عمي
التفت لي وهو ساكت
رايد = عمي ابي سيارتك ... بدور مرسلتني للمكتبة عشان اصور لها مذكرة
ابو بندر = مشغول ابروح انا الحين عليها .. ( وعطاني ظهره )
رايد = عمي طيب انت صور المذكرة بطريقك ..
التفت عمي لي وشكله عصب
ابو بندر = وانت وش خانتك هنا ... المكتبة قريبة حذفت حصاه وانت واصل .. رح ماني فاضيلك
وراح
تنهدت ونزلت راسي .. حذفت حصاه ... رجولي تعورني ماقدر امشي واجد .. الله يريحني منكم بس الله يريحني
اخذت المذكرة وطلعت من البيت ... المشكلة ما اقدر اقول لا ... اخاف ...
وماوصلت المكتبة الا وانا منهد حيلي من التعب ... مشيتي صعبه ماتعودت على العكازات حتى اكتافي عورتني منها
لما جابنا عمي عنده اخذت 4 شهور ما اتحرك من سريري بسبب الكسور اللي سببه الحادث
شوي شوي بديت امشي على العكازات والى الحين ماتعودت
ومن المسجد للملحق على طول .. ما اختلط باحد
صورت المذكرة وطلعت وانا شايل هم الرجوع للبيت ... حسبي الله عليك يابدور حسبي الله عليك ... يارب ماتنجحين
فجأة وقفت سيارة بجنبي وانا امشي
= رايد
التفت لصاحب السيارة ولقيت فيها شابين ... اللي يسوق ولد جارنا بس ماعرف اسمه .. اعرف شكله اما اسمه ماعرفه ولا حاولت اتعرف عليه طوال مابديت امشي
اما الشاب الثاني ماعرفه ولا عمري شفته
= انت رايد صح ... وينك يارجال ماتنشاف
سكتت مدري وش اقول
رجع يسألني صاحب السيارة
= تبيني اوصلك ؟
سكتت ومارديت
شفت الشاب الي بمكان الراكب يكلم السواق وهو يشر علي
= وش فيه هذا اطرم ؟
انقهرت منه بس سكتت
طنشه السايق ووجه الكلام لي
= اركب رايد اوصلك
رايد = ابروح للبيت
= ايه وحنا بعد رايحين للحارة ... اركب نوصلك بطريقنا
ركبت ورا بصعوبة وبعد ماعتدلت .. حركوا ..
اختنقت من ريحة السيارة ... كلها ريحة سجاير
وجه السواق كلامه لي
= رايد شكلك ماعرفتني .. لا سلام ولا كلام ؟
انحرجت وسكتت فعلا انا ماعرف اسمه
= انا مشعل بيتنا بجنب المسجد اللي انت تصلي فيه
رايد منحرج = هلا مشعل .. الصراحة دايم اشوفك بالشارع وانا طالع بس ماعرف اسمك
مشعل =- ههه عادي عادي .. معذور حابس نفسك بالبيت ماحد يشوفك
وصلنا الحارة ووقف مشعل بنص الشارع
مشعل = يله رايد انزل
فتحت الباب بس سمعت مشعل يكلم اللي بجنبه
مشعل = عمر وش فيك ... وصلنا بيت جدك ... يله انزل
عمر = شف شف ... هذا خالي جاي من الدمام ... اخ يالقهر وش جابه ذا
التفتت مستغرب للرجال اللي يشر عليه عمر ... وشفت واحد شايب يدخل بيت جارنا ابو فهد
استغربت ليه يقول اخ يالقهر وهو يقول خالي
مشعل = ياخي مافيها شي ... انت بس مكبر الموضوع ( والتفت لي ) رايد الى الحين مانزلت
رايد منحرج = هاه ... ا .. الا ابنزل الحين
نزلت وتوجهت للبيت وقبل ادخل التفتت لسيارة مشعل ولقيت عمر ومشعل يتكلمون وهم بالسيارة وشكل عمر معصب ... اخذوا شوي بالسيارة وراحوا مثل ماجوا بدون ماينزل عمر
الصراحة ماعرفهم بس شكلهم اكبر مني
المغرب صليت بالملحق ... بسبب المشي اللي مشيته صارت تعورني رجولي
وطوال المغرب الين اذن العشاء وانا بالملحق مليت طفشت وانا جالس لحالي بالملحق ... المشكلة ما اقدر ادخل البيت ... بنات عمي يتغطون عني ...
و الاماكن المسموح لي ادخله الملحق .. والمجلس والغرفة اللي بجنب المجلس وحمام المجلس بس
مليت ... ماعندي لا تلفزيون ولا شي ... حتى مريم مدري وينهي
بعد صلاة العشاء
طلعت من المسجد راجع للبيت وانا كارهه ارجع ... كنت امشي بشويش و سرحان ... اف مليت ابي ادرس ... أبي شي يشغلني ... بدل حبسة الملحق ... قهراللي بعمري يدرسون الا انا ... المشكلة مدري وشلون اروح للرياض ... عمي عيا يعطيني سيارته اروح فيها للمكتبة وشلون لو اروح للرياض
= السلام عليكم
انتبهت للي يسلم وكان واحد قليل اشوفه بالحارة ... لابس نظارات وثوب بدون شماغ
رايد = وعليكم السلام
= واضح من مشيتك انك جديد على العكازات .. صح ؟
استغربت كيف عرف
رايد مستغرب = ا ... ايه .. مالي الا 4 شهور
= من وش ... حادث ... والا طيحة والا وش ؟
رايد = ايه حادث
مشى خطوة ومسك كتفي كأنه يقول خلنا نسولف وحنا نمشي
= اها .. ان شاء الله ترجع تمشي مثل قبل بس عليك بالعلاج الطبيعي .. وان شاء الله تصير احسن من قبل
التفتت له بسرعة فرحان ... معقول ارجع امشي بدون عكازات
رايد بفرح = فيه امل ارجع امشي عادي ؟
= ايه ... بالمستشفى يسوون علاج طبيعي ... جلسات فيها تدريب وتدليك لين تتحسن
ضحكت مستانس ماني مصدق
رايد بفرح = احلف ... يعني اقدر امشي
التفت لي وابتسم يوم شاف فرحتي واضحة علي
= ان شاء الله تمشي يابن الحلال ... خل املك بالله قوي .. رح للمستشفى واطلب علاج طبيعي
رايد = أي مستشفى ... انا مادل شي ببريدة
= خل ابوك يوديك
نزلت راسي وقلت بهمس
رايد بحزن = ماعندي اب ... انا ساكن مع عمي ابو بندر
= ابو بندر يصير عمك ؟
هزيت راسي بايه
= جدي جاركم ... جدي ابو فهد تعرفه ؟
رايد = ايه ( والتفتت له ) انت من ؟ ماشوفك بالحارة واجد
= انا مصعب ... من عنيزة وادرس ببريدة .. واجي عند جدي شوي واروح
رايد بترجى = تكفى دلني على مستشفى يسوون علاج طبيعي .. علمني وين اروح ووش اقول لهم
وصلنا عند بيت جده ووقفنا
مصعب = اظن لازم تاخذ تقارير عن حالتك ... قل لعمك
خيبة لازم تقارير واقول لعمي بعد ...
رايد بيأس = عمي ماراح يرضى يوديني .. هو معيي يجيب ملفي عشان اكمل دراسة ... تكفى علمني ... ودي امشي مثل قبل ... تكفى مصعب
مصعب منصدم = وليه معيي تكمل دراستك ان شاء الله .. على كيف ابوه .؟
نزلت راسي وسكتت ليته على الدراسة وبس ... راتب ابوي وبيتنا معيي عليه بعد .. بس سكتت عنه
مصعب وهو يفكر = تدري وشلون .. انا يوم الاحد يصير عندي محاضرة وحدة بس ... واصير فاضي طوال اليوم ... وش رايك نروح انا وانت للمستشفى ونشوف وش يطلع معنا
التفتت له فرحان ماني مصدق
رايد بفرح = صدق ؟ .. ايه يااليت ياليت
مصعب = طيب تقدر تدبر تقارير حالتك ؟
رايد = ابحاول اجيبها ... مشكور مصعب ... عطيتني امل ... كنت اظن ما اقدر امشي مرة ثانية
مصعب بابتسامة = ههه لا ان شاء الله بتمشي مثل قبل واحسن بعد ..
سألته وانا فرحان
رايد بفرح = طيب متى اشوفك واعطيك التقارير ؟
مصعب = ههه وش فيك مستعجل ... توه اليوم الاربعاء ( وسكتت شوي وتنهد ) بكرة بيتزوج ابوي ...
رفعت حواجبي مستغرب وسكتت
توادعنا وكل واحد راح بطريقه ... ابروح اعلم مريم ... ياسلام ... يعني فيه امل استغني عن العكازات ... يارب يارب العلاج اللي قال عليه ينفع
* عمر *
دخلت استراحة الشباب وانا معصب ... هذا وش جابه من الدمام ... لا يكون جاي عشان موضوع امي
اخ يالقهر وش اسوي الحين ... وشلون اتصرف ... خالي جاي يبي يزوج امي .. ماني موافق ماني موافق ليه مو راضين يفهمون
مشعل = ياخي وشفيك معصب ... خل امك تتزوج .. احسن بعد ترتاح منها ... كل شوي وهي متصله عليك ... الحين بتصير منشغله عنك ... وش تبي فيها
الفتت لمشعل معصب
عمر بصراخ = مشعل والله ماني فاضيلك خلني بحالي
مشعل بملل = طيب وشلون الحين ... بترجع معي والا اروح ؟
عمر = رح ابقعد هنا ... ماني راجع البيت
مشعل وهي يشر بيده لي = كيفك
وراح
ياربي وش اسوي ... وشلون بتصير حياتي بعد ماتروح امي ...
اقعد ببيت كبير عريض لحالي ... وشلون امنع امي وشلون
قطع افكاري رنين جوالي .. القيت نظرة عليه ( امي يتصل بك )
عطيتها مشغول ... جايه تتصل الحين ... خل عمي ينفعها
وقعد جوالي يرن وانا مطنش ... قعد اتلفت بعيوني على الاستراحة
الاستراحة هذي متشاركين فيها انا والشباب وندفع اجارها شهريا ... شكلي ابنام اليوم هنا
لحظة .... خالي عند جدي الحين ... يعني بيصير زواج امي بكرة والا وشلون ؟
طلعت الجوال واتصلت على امي شوي وجاني رد
عمر = الوه
امي = هلا عمر وينك ماترد ؟
طنشت سؤالها
عمر = يمه شفت خالي العصر وهو عند جدي ... متى جا خالي من الدمام
سكتت امي شوي وبعدها ردت
امي = خالك عندي الحين .. جاي عشان موضوعي .. بكرة بيجي الشيخ
شهقت منقهر
عمر منصدم = وش ... بكرة ؟ ( وكملت معصب ) طيب يمة طيب .. خلي عمي ينفعك ( وسكرت بوجهها )
عضيت على يدي بقهر ... كذا يمه ... من لي غيرك ... تروحين وتخليني بحالي بهالبيت
مايكفي ابوي تروحين انتي بعد ... مالي احد غيرك ..
حسيت دموعي بتنزل ... شكلي بصير طول عمري وحيد ... لا اب ولا ام ولا اخوان
قعدت على الارض بيأس
ليه يمه ليه
رفعت راسي للسماء .. الله يرحمك يبه ... ليتك موجود
نزلت راسي على ركبي وانا اسمع جوالي يرن بالنغمة المخصصه لامي
بسيطة يمه بسيطة .. خلاص انسي ان لك ولد اسمه عمر
مدري كم مر من وقت وانا على وضعي ..
رفعت راسي واخذت جوالي من الارض واتصلت على معاذ
خلاص مدام ان امي بتتزوج بتتزوج غصب علي ... مافيه الا معاذ ابرد حرتي فيه
امي وخالي وجدي وعمي ما اقدر اشفي غليلي منهم ... ماعندي الا معاذوه
بسيطة ان مابردت كبدي فيك ... ان ماكسرتك ... صبرك علي
شوي وجاني رد
عمر = الوه
معاذ = خير ؟
عمر = وينك فيه .؟
معاذ = وش بغيت ؟
عمر بعصبية = ياخي علمني وينك بعدين اقولك وش ابي
معاذ = بالبيت
عمر = بعنيزة ؟
معاذ = اقولك بالبيت .. يعني وين بيصير
حسافة ... حظه فلت .. اف
عمر = طيب ومصعب وينه .؟
معاذ = مدري ... ليه وش تبي انت ؟
سكرت بوجهه ... خلني اتصل على مصعبوه اشوفه وينه ... وان شاء الله يصير ببريدة ... ماراح ارتاح الا لما اكسر واحد منهم
شوي وجاني صوت مصعب
عمر = الوه
مصعب = هلا
عمر = وينك فيه ؟
مصعب = ببيت جدي .. وش تبي ؟
ابتسمت حلو
عمر = طيب ابيك شوي لا تروح لعنيزة لين اجيك ... زين ؟
مصعب مستغرب = ليه وش تبي ؟
عمر = انت احترني ويصير خير .. مسافة الطريق وانا عندك
مصعب = طيب
سكرت عنه واخذت لموزين ورحت لبيتي واخذت سيارتي بدون مامر على امي وخالي ورحت لحارة جدي
المسافة بين بيتي وبيت جدي تقريبا نص ساعة ... القيت نظرة على الساعة وكانت 10 ونص
صبرك علي مصعبوه ... ان ماكسرت عظامك ماكون عمر ... ان ماحطيت كل حرتي فيك
بس لحظة وشلون استفزه ... وشلون
وطوال الطريق وانا افكر
* مها *
كنت جالسة انا ومصعب بالصالة وابوي نايم بغرفته وامي جالسة بغرفة ثانية وتكلم مرة اخوي عبد العزيز
التفتت لمصعب اللي جالس ويطقطق بالاب توب حقي
مها = معاذ وينه ؟
مصعب = مدري اظنه بعنيزة ؟
مها = بتجون بكرة كلكم ؟
التفت مصعب لي
مصعب = لا ... بس انا وابوي ومعاذ وسعود
مها = وامك والبنات ماهن جيات ؟ زواج ابوهن بكرة
مصعب = ليلى وليان زعلانات ... خاصة ليلى
هزيت راسي بتفهم وسكتت
فجأة دخل علينا عمر
مها = هلا عمر ... غريبة جاينا بهالوقت
عمر = هلا فيك عمه .. وشلونك ؟ ( وجلس )
مها = تمام ... ( وكملت بفرح ) اكيد بتسهرون معي ... امي وابوي ينامون بدري واقعد طوال الليل لحالي ... ابروح اجيب أي شي من المطبخ نسهر عليه
وقمت مستانسة
مصعب = لا مها ... ابروح لعنيزة الحين
التفت عليه بزعل
مها بيأس = ليش مصعب اسهر معنا ملل اسهر لحالي .. تعرفون امي وابوي انتم ينامون بدري ويخلوني
عمر = وانا بعد ماني قاعد بس بغيت مصعب شوي ( والتفت على مصعب )
مها معصبة = هوه ... طيب وشوله جايين عندي .. لأ .. ابروح اسوي شاهي وتشربون الشاهي معي غصب عليكم ... مفهوم
ورحت معصبة للمطبخ وسمعت عمر يكلمني
عمر = غصب هو ؟
بس طنشته ... ماصدقت احد يجي عندي بهالوقت
اخذت شوي وانا بالمطبخ ..
مرت دقايق وفجأة اسمع اصوات عمر ومصعب عالية
استغربت وش فيهم هذولي... بس كملت شغلي مطنشتهم .. متعودة على هواش معاذ وعمر ومصعب ... بالجامعة هم والى الحين يتهاوشون مثل البزارين مدري متى يعقلون ..
صعب تشوف عيال عم ويكرهون بعض بهالشكل
صح عمر عليه اسلوب .. بس شنسوي تعودنا ... ابوي الله يهديه دلع عمر زيادة عن اللزوم
وكان دايم يبديه علينا من يوم كنا صغار ... دايم يقول هذا يتيم وهو اولى منكم
سمعت اصواتهم علت اكثر وخفت يقومون ابوي من النوم وطلعت من المطبخ
وشهقت بخوف ... لقيت عمر ومصعب متشابكين بالايادي .. وضرب وسب
ركضت احاول ابعدهم عن بعض
مها بخوف = هيه هيه ... وشفيكم
شهقت لما شفت عمر طرح مصعب على الارض وركب فوقه ويعطيه من هالكفوف
واصواتهم عالية بالسب والشتم
ركضت بسرعة ادور امي .. بس مالقيتها بالغرفة ... وركضت بسررعة لغرفة امي وابوي
ودخلت عليهم
مها بخوف = يبا الحق مصعب وعمر يتهاوشون
قام ابوي مفزوع من صوتي وبعد ماستوعب
ابو فهد = وش .. يتهاوشون .. ليه ؟
مها بخوف = مدري يبه بسرعة الحق عليهم
قام ابوي بصعوبة بسبب كبر سنه وراح للصاله
ولقيت عمر الى الحين فوق مصعب
وبصرخة من ابوي .. وقفوا والتفتوا لنا
ياسلام من اليوم اصارخ عليهم انا ماحد عبرني
ابو فهد معصب = بزارين انتم بزارين ... قم عن اخوك اشوف
قام عمر واخذ شماغه ومشى بيطلع
ابو فهد بصراخ = عمر تعال
بس عمر طلع مطنش ابوي
التفتت بخوف على مصعب .. ولقيته جالس على الارض وحاط يده على فكه
مها = وشفيكم مصعب .. ليه تهاوشتوا
مصعب بعصبية = انا ادري عنه ... فيه نفسية هذا .. اح كسر فكي ... حتى نظارتي كسرها
وقام معصب ... والتفت على ابوي
مصعب = جدي وقفه عند حده ... داي
ابو فهد بصراخ = بس خلاص .. خلني اشوفكم مرة ثانية تتهاوشون قدامي
مصعب بصراخ = هو اللي بدا
ابو فهد معصب = قلت خلاص
سكت مصعب منقهر من ابوي ... واخذ نظارته من الارض وطلع معصب ..
التفتت لابوي وسكتت ... ابوي دايم يدافع عن عمر مافيه فايدة
رحت على لاب توبي ولقيته مفتوح على الاخر شيكت عليه اتفحصه والحمد الله ماجاه شي من المعركة اللي قبل شوي
* رايد *
بعد صلاة العصر رجعت للبيت بسرعة قد ما اقدر ابي اشوف عمي يمكن يرضى يعطيني سيارته اروح فيها للمكتبة
وصلت البيت ووقفت عند باب الشارع اشوف الرايح والجاي وانتظر عمي
شفت عمي من بعيد جاي ومعه واحد ... ام انا الى الحين ماعرف جيراننا زين
اكثر الاحيان اجلس بالملحق ... بسبب العكازات صرت ما اقدر اختلط بالناس اكثر
شفت الرجال اللي مع عمي دخل بيت بعيد عنا شوي
بعد ماوصل عمي عندي وخرت عن الباب شوي عشان يدخل عمي للبيت
ولما صرنا بالحوش
رايد = عمي
التفت لي وهو ساكت
رايد = عمي ابي سيارتك ... بدور مرسلتني للمكتبة عشان اصور لها مذكرة
ابو بندر = مشغول ابروح انا الحين عليها .. ( وعطاني ظهره )
رايد = عمي طيب انت صور المذكرة بطريقك ..
التفت عمي لي وشكله عصب
ابو بندر = وانت وش خانتك هنا ... المكتبة قريبة حذفت حصاه وانت واصل .. رح ماني فاضيلك
وراح
تنهدت ونزلت راسي .. حذفت حصاه ... رجولي تعورني ماقدر امشي واجد .. الله يريحني منكم بس الله يريحني
اخذت المذكرة وطلعت من البيت ... المشكلة ما اقدر اقول لا ... اخاف ...
وماوصلت المكتبة الا وانا منهد حيلي من التعب ... مشيتي صعبه ماتعودت على العكازات حتى اكتافي عورتني منها
لما جابنا عمي عنده اخذت 4 شهور ما اتحرك من سريري بسبب الكسور اللي سببه الحادث
شوي شوي بديت امشي على العكازات والى الحين ماتعودت
ومن المسجد للملحق على طول .. ما اختلط باحد
صورت المذكرة وطلعت وانا شايل هم الرجوع للبيت ... حسبي الله عليك يابدور حسبي الله عليك ... يارب ماتنجحين
فجأة وقفت سيارة بجنبي وانا امشي
= رايد
التفت لصاحب السيارة ولقيت فيها شابين ... اللي يسوق ولد جارنا بس ماعرف اسمه .. اعرف شكله اما اسمه ماعرفه ولا حاولت اتعرف عليه طوال مابديت امشي
اما الشاب الثاني ماعرفه ولا عمري شفته
= انت رايد صح ... وينك يارجال ماتنشاف
سكتت مدري وش اقول
رجع يسألني صاحب السيارة
= تبيني اوصلك ؟
سكتت ومارديت
شفت الشاب الي بمكان الراكب يكلم السواق وهو يشر علي
= وش فيه هذا اطرم ؟
انقهرت منه بس سكتت
طنشه السايق ووجه الكلام لي
= اركب رايد اوصلك
رايد = ابروح للبيت
= ايه وحنا بعد رايحين للحارة ... اركب نوصلك بطريقنا
ركبت ورا بصعوبة وبعد ماعتدلت .. حركوا ..
اختنقت من ريحة السيارة ... كلها ريحة سجاير
وجه السواق كلامه لي
= رايد شكلك ماعرفتني .. لا سلام ولا كلام ؟
انحرجت وسكتت فعلا انا ماعرف اسمه
= انا مشعل بيتنا بجنب المسجد اللي انت تصلي فيه
رايد منحرج = هلا مشعل .. الصراحة دايم اشوفك بالشارع وانا طالع بس ماعرف اسمك
مشعل =- ههه عادي عادي .. معذور حابس نفسك بالبيت ماحد يشوفك
وصلنا الحارة ووقف مشعل بنص الشارع
مشعل = يله رايد انزل
فتحت الباب بس سمعت مشعل يكلم اللي بجنبه
مشعل = عمر وش فيك ... وصلنا بيت جدك ... يله انزل
عمر = شف شف ... هذا خالي جاي من الدمام ... اخ يالقهر وش جابه ذا
التفتت مستغرب للرجال اللي يشر عليه عمر ... وشفت واحد شايب يدخل بيت جارنا ابو فهد
استغربت ليه يقول اخ يالقهر وهو يقول خالي
مشعل = ياخي مافيها شي ... انت بس مكبر الموضوع ( والتفت لي ) رايد الى الحين مانزلت
رايد منحرج = هاه ... ا .. الا ابنزل الحين
نزلت وتوجهت للبيت وقبل ادخل التفتت لسيارة مشعل ولقيت عمر ومشعل يتكلمون وهم بالسيارة وشكل عمر معصب ... اخذوا شوي بالسيارة وراحوا مثل ماجوا بدون ماينزل عمر
الصراحة ماعرفهم بس شكلهم اكبر مني
المغرب صليت بالملحق ... بسبب المشي اللي مشيته صارت تعورني رجولي
وطوال المغرب الين اذن العشاء وانا بالملحق مليت طفشت وانا جالس لحالي بالملحق ... المشكلة ما اقدر ادخل البيت ... بنات عمي يتغطون عني ...
و الاماكن المسموح لي ادخله الملحق .. والمجلس والغرفة اللي بجنب المجلس وحمام المجلس بس
مليت ... ماعندي لا تلفزيون ولا شي ... حتى مريم مدري وينهي
بعد صلاة العشاء
طلعت من المسجد راجع للبيت وانا كارهه ارجع ... كنت امشي بشويش و سرحان ... اف مليت ابي ادرس ... أبي شي يشغلني ... بدل حبسة الملحق ... قهراللي بعمري يدرسون الا انا ... المشكلة مدري وشلون اروح للرياض ... عمي عيا يعطيني سيارته اروح فيها للمكتبة وشلون لو اروح للرياض
= السلام عليكم
انتبهت للي يسلم وكان واحد قليل اشوفه بالحارة ... لابس نظارات وثوب بدون شماغ
رايد = وعليكم السلام
= واضح من مشيتك انك جديد على العكازات .. صح ؟
استغربت كيف عرف
رايد مستغرب = ا ... ايه .. مالي الا 4 شهور
= من وش ... حادث ... والا طيحة والا وش ؟
رايد = ايه حادث
مشى خطوة ومسك كتفي كأنه يقول خلنا نسولف وحنا نمشي
= اها .. ان شاء الله ترجع تمشي مثل قبل بس عليك بالعلاج الطبيعي .. وان شاء الله تصير احسن من قبل
التفتت له بسرعة فرحان ... معقول ارجع امشي بدون عكازات
رايد بفرح = فيه امل ارجع امشي عادي ؟
= ايه ... بالمستشفى يسوون علاج طبيعي ... جلسات فيها تدريب وتدليك لين تتحسن
ضحكت مستانس ماني مصدق
رايد بفرح = احلف ... يعني اقدر امشي
التفت لي وابتسم يوم شاف فرحتي واضحة علي
= ان شاء الله تمشي يابن الحلال ... خل املك بالله قوي .. رح للمستشفى واطلب علاج طبيعي
رايد = أي مستشفى ... انا مادل شي ببريدة
= خل ابوك يوديك
نزلت راسي وقلت بهمس
رايد بحزن = ماعندي اب ... انا ساكن مع عمي ابو بندر
= ابو بندر يصير عمك ؟
هزيت راسي بايه
= جدي جاركم ... جدي ابو فهد تعرفه ؟
رايد = ايه ( والتفتت له ) انت من ؟ ماشوفك بالحارة واجد
= انا مصعب ... من عنيزة وادرس ببريدة .. واجي عند جدي شوي واروح
رايد بترجى = تكفى دلني على مستشفى يسوون علاج طبيعي .. علمني وين اروح ووش اقول لهم
وصلنا عند بيت جده ووقفنا
مصعب = اظن لازم تاخذ تقارير عن حالتك ... قل لعمك
خيبة لازم تقارير واقول لعمي بعد ...
رايد بيأس = عمي ماراح يرضى يوديني .. هو معيي يجيب ملفي عشان اكمل دراسة ... تكفى علمني ... ودي امشي مثل قبل ... تكفى مصعب
مصعب منصدم = وليه معيي تكمل دراستك ان شاء الله .. على كيف ابوه .؟
نزلت راسي وسكتت ليته على الدراسة وبس ... راتب ابوي وبيتنا معيي عليه بعد .. بس سكتت عنه
مصعب وهو يفكر = تدري وشلون .. انا يوم الاحد يصير عندي محاضرة وحدة بس ... واصير فاضي طوال اليوم ... وش رايك نروح انا وانت للمستشفى ونشوف وش يطلع معنا
التفتت له فرحان ماني مصدق
رايد بفرح = صدق ؟ .. ايه يااليت ياليت
مصعب = طيب تقدر تدبر تقارير حالتك ؟
رايد = ابحاول اجيبها ... مشكور مصعب ... عطيتني امل ... كنت اظن ما اقدر امشي مرة ثانية
مصعب بابتسامة = ههه لا ان شاء الله بتمشي مثل قبل واحسن بعد ..
سألته وانا فرحان
رايد بفرح = طيب متى اشوفك واعطيك التقارير ؟
مصعب = ههه وش فيك مستعجل ... توه اليوم الاربعاء ( وسكتت شوي وتنهد ) بكرة بيتزوج ابوي ...
رفعت حواجبي مستغرب وسكتت
توادعنا وكل واحد راح بطريقه ... ابروح اعلم مريم ... ياسلام ... يعني فيه امل استغني عن العكازات ... يارب يارب العلاج اللي قال عليه ينفع
* عمر *
دخلت استراحة الشباب وانا معصب ... هذا وش جابه من الدمام ... لا يكون جاي عشان موضوع امي
اخ يالقهر وش اسوي الحين ... وشلون اتصرف ... خالي جاي يبي يزوج امي .. ماني موافق ماني موافق ليه مو راضين يفهمون
مشعل = ياخي وشفيك معصب ... خل امك تتزوج .. احسن بعد ترتاح منها ... كل شوي وهي متصله عليك ... الحين بتصير منشغله عنك ... وش تبي فيها
الفتت لمشعل معصب
عمر بصراخ = مشعل والله ماني فاضيلك خلني بحالي
مشعل بملل = طيب وشلون الحين ... بترجع معي والا اروح ؟
عمر = رح ابقعد هنا ... ماني راجع البيت
مشعل وهي يشر بيده لي = كيفك
وراح
ياربي وش اسوي ... وشلون بتصير حياتي بعد ماتروح امي ...
اقعد ببيت كبير عريض لحالي ... وشلون امنع امي وشلون
قطع افكاري رنين جوالي .. القيت نظرة عليه ( امي يتصل بك )
عطيتها مشغول ... جايه تتصل الحين ... خل عمي ينفعها
وقعد جوالي يرن وانا مطنش ... قعد اتلفت بعيوني على الاستراحة
الاستراحة هذي متشاركين فيها انا والشباب وندفع اجارها شهريا ... شكلي ابنام اليوم هنا
لحظة .... خالي عند جدي الحين ... يعني بيصير زواج امي بكرة والا وشلون ؟
طلعت الجوال واتصلت على امي شوي وجاني رد
عمر = الوه
امي = هلا عمر وينك ماترد ؟
طنشت سؤالها
عمر = يمه شفت خالي العصر وهو عند جدي ... متى جا خالي من الدمام
سكتت امي شوي وبعدها ردت
امي = خالك عندي الحين .. جاي عشان موضوعي .. بكرة بيجي الشيخ
شهقت منقهر
عمر منصدم = وش ... بكرة ؟ ( وكملت معصب ) طيب يمة طيب .. خلي عمي ينفعك ( وسكرت بوجهها )
عضيت على يدي بقهر ... كذا يمه ... من لي غيرك ... تروحين وتخليني بحالي بهالبيت
مايكفي ابوي تروحين انتي بعد ... مالي احد غيرك ..
حسيت دموعي بتنزل ... شكلي بصير طول عمري وحيد ... لا اب ولا ام ولا اخوان
قعدت على الارض بيأس
ليه يمه ليه
رفعت راسي للسماء .. الله يرحمك يبه ... ليتك موجود
نزلت راسي على ركبي وانا اسمع جوالي يرن بالنغمة المخصصه لامي
بسيطة يمه بسيطة .. خلاص انسي ان لك ولد اسمه عمر
مدري كم مر من وقت وانا على وضعي ..
رفعت راسي واخذت جوالي من الارض واتصلت على معاذ
خلاص مدام ان امي بتتزوج بتتزوج غصب علي ... مافيه الا معاذ ابرد حرتي فيه
امي وخالي وجدي وعمي ما اقدر اشفي غليلي منهم ... ماعندي الا معاذوه
بسيطة ان مابردت كبدي فيك ... ان ماكسرتك ... صبرك علي
شوي وجاني رد
عمر = الوه
معاذ = خير ؟
عمر = وينك فيه .؟
معاذ = وش بغيت ؟
عمر بعصبية = ياخي علمني وينك بعدين اقولك وش ابي
معاذ = بالبيت
عمر = بعنيزة ؟
معاذ = اقولك بالبيت .. يعني وين بيصير
حسافة ... حظه فلت .. اف
عمر = طيب ومصعب وينه .؟
معاذ = مدري ... ليه وش تبي انت ؟
سكرت بوجهه ... خلني اتصل على مصعبوه اشوفه وينه ... وان شاء الله يصير ببريدة ... ماراح ارتاح الا لما اكسر واحد منهم
شوي وجاني صوت مصعب
عمر = الوه
مصعب = هلا
عمر = وينك فيه ؟
مصعب = ببيت جدي .. وش تبي ؟
ابتسمت حلو
عمر = طيب ابيك شوي لا تروح لعنيزة لين اجيك ... زين ؟
مصعب مستغرب = ليه وش تبي ؟
عمر = انت احترني ويصير خير .. مسافة الطريق وانا عندك
مصعب = طيب
سكرت عنه واخذت لموزين ورحت لبيتي واخذت سيارتي بدون مامر على امي وخالي ورحت لحارة جدي
المسافة بين بيتي وبيت جدي تقريبا نص ساعة ... القيت نظرة على الساعة وكانت 10 ونص
صبرك علي مصعبوه ... ان ماكسرت عظامك ماكون عمر ... ان ماحطيت كل حرتي فيك
بس لحظة وشلون استفزه ... وشلون
وطوال الطريق وانا افكر
* مها *
كنت جالسة انا ومصعب بالصالة وابوي نايم بغرفته وامي جالسة بغرفة ثانية وتكلم مرة اخوي عبد العزيز
التفتت لمصعب اللي جالس ويطقطق بالاب توب حقي
مها = معاذ وينه ؟
مصعب = مدري اظنه بعنيزة ؟
مها = بتجون بكرة كلكم ؟
التفت مصعب لي
مصعب = لا ... بس انا وابوي ومعاذ وسعود
مها = وامك والبنات ماهن جيات ؟ زواج ابوهن بكرة
مصعب = ليلى وليان زعلانات ... خاصة ليلى
هزيت راسي بتفهم وسكتت
فجأة دخل علينا عمر
مها = هلا عمر ... غريبة جاينا بهالوقت
عمر = هلا فيك عمه .. وشلونك ؟ ( وجلس )
مها = تمام ... ( وكملت بفرح ) اكيد بتسهرون معي ... امي وابوي ينامون بدري واقعد طوال الليل لحالي ... ابروح اجيب أي شي من المطبخ نسهر عليه
وقمت مستانسة
مصعب = لا مها ... ابروح لعنيزة الحين
التفت عليه بزعل
مها بيأس = ليش مصعب اسهر معنا ملل اسهر لحالي .. تعرفون امي وابوي انتم ينامون بدري ويخلوني
عمر = وانا بعد ماني قاعد بس بغيت مصعب شوي ( والتفت على مصعب )
مها معصبة = هوه ... طيب وشوله جايين عندي .. لأ .. ابروح اسوي شاهي وتشربون الشاهي معي غصب عليكم ... مفهوم
ورحت معصبة للمطبخ وسمعت عمر يكلمني
عمر = غصب هو ؟
بس طنشته ... ماصدقت احد يجي عندي بهالوقت
اخذت شوي وانا بالمطبخ ..
مرت دقايق وفجأة اسمع اصوات عمر ومصعب عالية
استغربت وش فيهم هذولي... بس كملت شغلي مطنشتهم .. متعودة على هواش معاذ وعمر ومصعب ... بالجامعة هم والى الحين يتهاوشون مثل البزارين مدري متى يعقلون ..
صعب تشوف عيال عم ويكرهون بعض بهالشكل
صح عمر عليه اسلوب .. بس شنسوي تعودنا ... ابوي الله يهديه دلع عمر زيادة عن اللزوم
وكان دايم يبديه علينا من يوم كنا صغار ... دايم يقول هذا يتيم وهو اولى منكم
سمعت اصواتهم علت اكثر وخفت يقومون ابوي من النوم وطلعت من المطبخ
وشهقت بخوف ... لقيت عمر ومصعب متشابكين بالايادي .. وضرب وسب
ركضت احاول ابعدهم عن بعض
مها بخوف = هيه هيه ... وشفيكم
شهقت لما شفت عمر طرح مصعب على الارض وركب فوقه ويعطيه من هالكفوف
واصواتهم عالية بالسب والشتم
ركضت بسرعة ادور امي .. بس مالقيتها بالغرفة ... وركضت بسررعة لغرفة امي وابوي
ودخلت عليهم
مها بخوف = يبا الحق مصعب وعمر يتهاوشون
قام ابوي مفزوع من صوتي وبعد ماستوعب
ابو فهد = وش .. يتهاوشون .. ليه ؟
مها بخوف = مدري يبه بسرعة الحق عليهم
قام ابوي بصعوبة بسبب كبر سنه وراح للصاله
ولقيت عمر الى الحين فوق مصعب
وبصرخة من ابوي .. وقفوا والتفتوا لنا
ياسلام من اليوم اصارخ عليهم انا ماحد عبرني
ابو فهد معصب = بزارين انتم بزارين ... قم عن اخوك اشوف
قام عمر واخذ شماغه ومشى بيطلع
ابو فهد بصراخ = عمر تعال
بس عمر طلع مطنش ابوي
التفتت بخوف على مصعب .. ولقيته جالس على الارض وحاط يده على فكه
مها = وشفيكم مصعب .. ليه تهاوشتوا
مصعب بعصبية = انا ادري عنه ... فيه نفسية هذا .. اح كسر فكي ... حتى نظارتي كسرها
وقام معصب ... والتفت على ابوي
مصعب = جدي وقفه عند حده ... داي
ابو فهد بصراخ = بس خلاص .. خلني اشوفكم مرة ثانية تتهاوشون قدامي
مصعب بصراخ = هو اللي بدا
ابو فهد معصب = قلت خلاص
سكت مصعب منقهر من ابوي ... واخذ نظارته من الارض وطلع معصب ..
التفتت لابوي وسكتت ... ابوي دايم يدافع عن عمر مافيه فايدة
رحت على لاب توبي ولقيته مفتوح على الاخر شيكت عليه اتفحصه والحمد الله ماجاه شي من المعركة اللي قبل شوي
رواية غموض خالد ..آلمتني كثيرا .. لدي بعض النقد إن سمحتي لي ولكن لاأريده على العام
بآرت حلو وخطير =] ..
تعليقي على البارت :
رايد بصراحة كسر خاطري وقسم >_< إنشالله يلقى التقارير ويروح يتعالج ..وخواته الله يعينهم ..
عمر بصراحة هذا في دلع شوي ^^" .. بس يحق له يسوي كذا عشان امه ..
مصعب : شكل حتى هو مو راضي على زواج أبوه ! .. وهو أكلهامن عمر بدل معاذ ..
إم وبس هذا اللي عندي الحين ^_^ ..
استمري يامبدعة =]
تعليقي على البارت :
رايد بصراحة كسر خاطري وقسم >_< إنشالله يلقى التقارير ويروح يتعالج ..وخواته الله يعينهم ..
عمر بصراحة هذا في دلع شوي ^^" .. بس يحق له يسوي كذا عشان امه ..
مصعب : شكل حتى هو مو راضي على زواج أبوه ! .. وهو أكلهامن عمر بدل معاذ ..
إم وبس هذا اللي عندي الحين ^_^ ..
استمري يامبدعة =]
سكون
اتقبل واسعد كثيرا بالانتقادات
طيب ارسلي ع الخاص اذا ماعليك امر
او علي ايميلي الموجود باحد الردود هنا
ط§ظ„ط®ظ€ظ€ظ€ط§ظ„ط¯ط§ظ†.mp3 - 4shared.com - online file sharing and storage - download
رواية غموض وخالد مأثرة على الرواية هذي
الناس مانسوا رواية غموض خالد مع ان لها سنة تقريبا
واشوفهم مطنشين روايتي هذي : (
اتقبل واسعد كثيرا بالانتقادات
طيب ارسلي ع الخاص اذا ماعليك امر
او علي ايميلي الموجود باحد الردود هنا
ط§ظ„ط®ظ€ظ€ظ€ط§ظ„ط¯ط§ظ†.mp3 - 4shared.com - online file sharing and storage - download
رواية غموض وخالد مأثرة على الرواية هذي
الناس مانسوا رواية غموض خالد مع ان لها سنة تقريبا
واشوفهم مطنشين روايتي هذي : (
نقآء
تسلمين على التعليق
ان شاء الله تستمرين بالمتابعة معي
واسعد بالانتقاد
تسلمين على التعليق
ان شاء الله تستمرين بالمتابعة معي
واسعد بالانتقاد
شوفي هدوئي...تصرف عمر ماعجبني أبد وشو كذا!!يصارخ على لأمه ويطنشه...لا ماحبيت تصرفك ياعمر........
رائد...الله يشفيك حالتك تكسر الخاطر...بس الله مايضيع أحد..
هدوئي...إنتي لك أيام محدده بالبارتات ياليت تحددينيوم معين علشان مو كل شوي نشيك...
سلميلي على خالد أخو خلود..........
ألف شكر لك ياغالية
رائد...الله يشفيك حالتك تكسر الخاطر...بس الله مايضيع أحد..
هدوئي...إنتي لك أيام محدده بالبارتات ياليت تحددينيوم معين علشان مو كل شوي نشيك...
سلميلي على خالد أخو خلود..........
ألف شكر لك ياغالية
يارب تدوم أيامنا سوى خياليه بقلمي→
= أمي ؟ جدي انت تكلم جد ؟
ابو فهد = وهذي فيها مزح
مطير عيوني بوجه جدي وفاتح فمي من الصدمة .. اكيد جدي خرّف
أمي انا .. لا يمكن .. لو يطير ويوقع لايمكن اوافق
ابو فهد = هاه وش قلت .؟
= وش تبيني اقول .؟ متصل علي من الصبح اذا خلصت محاضراتك تعال ابيك بموضوع مهم واخر شي تقولي كلام مايدخل العقل ..
ابو فهد = وش فيك عمر .. امك من حقها تتزوج ومحتاجه رجال يسندها وعمك بعد يب
قمت معصب وقطعت كلام جدي
عمر بعصبية = من يوم طلعت على الدنيا وامي ارمله .. توك تنتبهون انت وعمي ان امي تحتاج لرجال يسندها .؟
جدي = وحنا ماقصرنا عليك وعلى امك بشي .. بس الحين عمك ابو معاذ يبي يتزوج حرمة ثانية وانا اشوف امك اكثر وحدة تصلح له ..
صارخت بصوت عالي منقهر
عمر بصراخ = ومالقيتوا الا امي ... ماكثر الله الا من العجر يروح يدور وحدة غير امي تقبل بشيبه مثله
صارخ علي جدي معصب لأني اسأت لامي وعمي
ابو فهد بصراخ = عمر .. وبعدين معك ... مالك حق على امك .. انا اعطيك علم بس .. الشور الاول والاخير لها ماهو لك .. الى متى بتصير امك على هالحال بدون رجل
عمر بصراخ = وانا وين رحت .؟ وقل لعمي ماني موافق وخله يبلط البحر
ومشيت معصب وطلعت من بيت جدي .. انا مالي اخوان ولا خوات ومافيه بالبيت الا انا وامي
يبون يزوجون امي ليه .. ليه يبون ياخذون مني الانسانه الوحيدة اللي عايشه معي في البيت .. ليه يبون يزيدون من وحدتي .. يكفي ان مالي اخوان .. اذا تزوجت امي .. من يرد علي الصوت بالبيت ... من .؟ من يبقى معي بالبيت .. من .؟
* ابو فهد *
تنهدت متضايق من حال هالحفيد ... مات ولدي سعود وعمر ببطن امه
ومن يوم طلع عمر على الدنيا وانا متكفل به واشوف سعود فيه ( وابتسمت برضى ) عمر اغلى احفادي .. لي عشر احفاد بس عمر اغلاهم .. احفادي الباقين كل واحد عنده امه وابوه وماهم محتاجين لشي .. عمر هو الوحيد من احفادي اللي يتيم
ومن يوم تكفلت فيه وبتربيته وانا اشوف البركة بمالي واوقاتي .. ماعندي الا معاشي التقاعدي و اصرف على بيتين .. على بنتي وامها وعلى عمر وامه وفوق هذا معاشي مكفيهم وزود .. دايم استغرب كيف يكفيهم على قله
بس اذا تذكرت عمر اليتيم اقول اكيد بركة هالمال من احساني على هاليتيم احمد الله واشكره اني ماتخليت عنه وعن امه المسكينة مع ان لها اخوان واي واحد بمكاني فاقد ولده اخذ حفيده وخلى الام تروح لبيت اهلها من حيث ما جت .هذا اذا ماتخلى عن الحفيد ومصاريفه
قطع تفكيري صوت أذان صلاة الظهر
قمت وطلعت من المجلس
= هاه يبه بشر وش قال عمر .؟
التفتت على بنتي مها اللي مدري من وين طلعتلي
ابو فهد = طلع من البيت معصب
مها = هو خلقة عصبي ماهي اول مرة يعصب .. المهم ماقال شي .؟
ابو فهد بتنهيدة = قال ماهو موافق
مها = ليه .. وش فيه اخوي ابو معاذ .. هالغبي هذا عمه اخو ابوه .. كيف ماهو موافق .. لا لا ابتصل عليه اشوف شغلي معه
وعطتني ظهرها بتروح
ابو فهد = لا تتصلين الحين خليه .. وبعدين انتي وامك قلتوا ان ام عمر موافقه .. يعني ان شاء الله يتم كل شي على خير .. انتم بس خلوا عمر بحاله .. خلوه علي .. مالكم دخل فيه
سكتت مها وماردت علي
طلعت من البيت وشفت جارنا ابو بندر .. الله يهديه هالجار مبهذل عيال اخوه ياما نصحناه انا والجيران بس مافيه فايده .. الله يصلح الحال بس .. الشيطان مايخلي احد بحاله .. نسى هالجار حديث الرسول صلى الله عليه وسلم (خير بيت في المسلمين بيت فيه يتيم يحسن إليه ، وشر بيت في المسلمين بيت فيه يتيم يساء إليه )
والمشكلة مانقدر نتدخل .. ما اقول الا الله يحفظ عيال اخوه رايد واخواته
* رايد *
جلست ورا الملحق مابي اشوف احد تعبت من معاملة عمي وزوجته
حرمة عمي دايم تسبني وتضربني وتشتمني .. واكثر الاحيان انام وانا جوعان
بس انا ارحم بكثير من مريم اختي .. مريم مايخلونها بحالها .. تطبخ وتغسل و اكثر من مرة اشوف حرمة عمي تضربها
مريم اكبر مني والمفروض باولى كلية
انا بعد المفروض هالسنة باولى ثانوي .. بس عمي جابنا هنا ببيته من سبع شهور ( ونزلت دمعتي غصب عني لما تذكرت امي وابوي واخواني والحادث المشؤوم )
سبع شهور مر على الحادث .. سبع شهور ماشفت ابوي سبع شهور ماشفت امي سبع شهور وعمي يضربني سبع شهور ومريم خدامة عند حرمة عمي
قبل سبع شهور كنا مسافرين انا وامي وابوي ومريم وغادة وريان و مهند ودانه .. رايحين الطايف يقالنا نتمشى .. يقالنا نستانس
من اخذنا طريق الهدا صار الحادث وراحوا .. كلهم راحوا
الا انا ومريم ودانه
ليتني مت .. ليتني رحت معهم ( نزلت راسي على ركبي وبكيت بقوة )
= رايد ... رايد
رفعت راسي لما سمعت صوت بدور بنت عمي تناديني
بدور اكبر مني واكبر من مريم ومثل البقية ماقدر اقول لها لا ... اذا قلت لا .. انجلد
بدور تدرس بثاني كليه
اخذت عكازي وقمت واقف بصعوبة ... صرت ما امشي الا بعكازين من بعد الحادث .. شفت بدور عليها الجلال ماشوف منها شي واقفه عند الملحق (غرفتي ) تدورني .. ورحت لها
رايد = هاه
التفتت لي
بدور = وين رحت انت ... ( وقربت عندي ومدت علي مذكرة ) العصر ابيك تروح للمكتبة تصور المذكرة هذي ..
طيرت عيوني
رايد = بس المكتبة بعيدة شوي وانا على عكازات صعب اروح مشي قولي لعمي يعطيني سيارته
بدور = ياخي امش على شوي شوي لين توصل ... عندك العصر كله.. رح بس ( ومدت علي الفلوس ) خذ .. صور المذكرة صورتين لي ولخويتي
وراحت
طالعتها منقهر .. مذكراتها هي انا وش علي اروح .. يكفي عمي ماهو راضي يجيب ملفاتنا انا ومريم من الرياض ونكمل دراستنا .. تخرجت من المتوسطة وابي ادخل الثانوي حالي حال غيري
اصلا من يوم جينا من الرياض وانا ماحس الا بالقهر والغبن .. حتى خوالي حارمنا منهم .. يقول يجون يسلمون عليكم ايه بس تروحون معهم لا .. الناس بتاكل وجهي
جعل النار تاكل وجهك ياعمي مب الناس وبس
دخلت الملحق ابي انام .. ادري ماراح يجيبون لي غدا .. انام من الحين احسن .. والعصر اللي يعيني اروح للمكتبة
* عمر *
دخلت البيت منقهر ومعصب
سمعت حركة بالمطبخ .. اكيد هذي امي .. مابي اشوفها الحين .. اعرف نفسي اذا كنت معصب ما اقدر امسك نفسي عن اصارخ على امي
طلعت فوق ودخلت غرفتي وقفلت على نفسي
وشلون اتصرف الحين .. على كيفهم يزوجون امي .. وش قال قال عمك ابو معاذ يبي يتزوج حرمة ثانية
يتزوج بدل الحرمة عشر .. بس مايتزوج امي .. يدور أي عجوز تناسبه
قعدت بغرفتي ساعة كاملة احاول اهدي نفسي وافكر بالهبال اللي قاله جدي
فكر ياعمر فكر
وشلون اتصرف الحين
شهقت لما تذكرت شي ( و قمت واقف )... صح وشلون نسيت شي مهم مثل هذا
انا الولي الحين على امي ... وماراح تتزوج امي الا بموافقة وليها ... اللي هو انا
ههه صح صح .. صدق اني خبل ... منقهر ومعصب وحالتي حاله واخر شي ماراح يصير شي الا بموافقتي ( وأشرت على نفسي بغرور ) ههه
على وش اعصب اجل ؟ ههه
بدلت ملابسي .. خلوني انزل بلا زواج بلا هم خ وخل عمي وجدي يلحسون السماء
نزلت تحت وانا مستانس و لقيت امي عند غرفة التلفزيون .. اول ماشافتني امي التفتت لي مستغربة
امي مستغربة = عمر !!! متى جيت من الجامعة .؟ ماحسيت فيك وانت تدخل
رديت عليها وانا اجلس
عمر بابتسامة = لي ساعة جاي .. كنت عند جدي .. كان يبيني بموضوع ( والتفتت لامي )
طالعتني امي شوي
امي بارتباك = و وش كان يبي منك جدك .. ا .. يعطيك المصروف مثل العادة ؟
رفعت حاجب واحد بسخرية = يقالك ماتدرين يمه ؟
التفتت امي للتلفزيون وسكتت
ابتسمت بسخرية .. هه من ارتباكها واضح انها عارفة
عمر = جدي شكله خرف .. تصدقين يقول ان عمي ابو معاذ يبي يتزوج و جدي شكله اقترحك عليه
ساكته .. الصراحة عصبت وانا اشوفها مرتبكة وتلعب باطراف شيلتها مستحية
على وش مستحية بالله ... مصدقة نفسها انها بتتزوج
سألت امي وانا احاول امسك نفسي
عمر = مارديتي علي يمه .. وش رايك بكلام جدي .؟
ارتبكت اكثر بس بالاخير ردت علي والتفتت لي
امي = شوف ياعمر .. عمك ابو معاذ رجال صاين اهله و متدين و ..
قاطعت امي بصراخ
عمر بعصبية = انا ماني موافق لو تمدحينه من هنا لبكرا
وقمت معصب
عمر بعصبية = تفهمين انا ماني موافق واصلا ماراح يصير شي الا بموافقتي .. انا وليك وماني موافق .. و كذا مزاج ( واشرت على راسي )
ولأني عارف نفسي طلعت لغرفتي مرة ثانية .. اذا بقيت معها راح اعصب اكثر والصراحة مابي اصارخ على امي
بلا غدا بلا هم ... بعد تمدح عمي قدامي شكلها فرحانه احد خطبها بعد هالعمر
انسدحت على سريري وانا اجاهد دمعتي
امي تبي تتزوج وتخليني لحالي بهالبيت .. ياليت عندي اخوان ياليت
ماتخيل امي تتزوج .. ماتخيل اصير وحيد بهالبيت
وظليت افكر لين نمت
* مريم *
سرقت شوي من الغدا اللي سويته لاهل عمي ... ابي لين تغفل مرة عمي وبدور واوديه لرايد
اكيد جوعان ... انا 24 ساعة بالمطبخ واكل أي شي من هنا ومن هنا ودانه دايم معي واعطيها أي شي القاه بالمطبخ
بس ياعمري يا رايد مرة عمي ماتخلي لي فرصه اوصل لرايد شي ياكله
مرة عمي دايم تشغلني .. اغسل هذا واكوي هذا واكنس هذا ومافيه فرصه اشوف رايد وش يحتاج
نزلت راسي لما تذكرت الحال اللي وصلنا له انا واخواني
ياليتني مت بالحادث ياليت ...
مليت .. مليت من حياتي .. منعني عمي من اكمل دراسي قلت معليش اكثر البنات معاهن شهادة الثانوي ولا كملن ...
خلوني مثل الخدامة عندهم قلت معليش فقدت اللي اغلى من كرامتي وراحتي
اما يمنعون رايد يكمل دراسته وهو توه صغير ... وحنا بهالزمن اللي مامعه شهادة ثانوي مايعيش
ياما وياما طلبت عمي يجيب على الاقل ملف رايد بس مافيه فايدة
الحمد الله ان دانه عمرها اربع سنين .. وان شاء الله ينصلح حالنا قبل تكبر ومايمر عليها اللي مر على رايد
راتب ابوي حقي وحق اخواني حارمنا عمي منه و ياكله هو وبناته وزوجته ومافيه من ينصفنا منه ومن ظلمه
حتى بيتنا الملك اللي بالرياض مدري وش صار عليه .. عندي احساس انه باعه
مصيبة اذا باعه مصيبه
اذا باعه يعني مافيه امل نطلع من عنده ... والمشكلة مادري وشلون اتأكد
ياربي وش اسوي ... رايد بعده صغير ابيه يكمل دراسته ...
مسحت دموعي بيدي وطلعت من المطبخ اتلفت خايفة مرة عمي والا بدور يشوفوني
عمي ماله الا بنات وولد واحد عمره عشر سنين
بدور بثاني كليه ونوف باولى ثانوي وشهد بثالث ابتدائي وبندر برابع ابتدائي
لازم اوصل الاكل لرايد بسرعة قبل يخلصون من الغدا ويتفرقون
ركضت بالحوش عشان اوصل للملحق بسرعة وارجع للمطبخ اخاف تناديني مرة عمي وابتلش
دخلت الملحق ولقيت رايد منسدح على سريره وشكله نايم
مديت يدي وهزيته
مريم = رايد رايد .. قم جبت لك غدا
جلس رايد يوم شافني
رايد = مريم ( ونزل نظره على الصحن اللي معي وخطفه مني ) جوعان .. ماكلت شي من عشا امس ( ورفع نظره لي ) بس هذا الغدا شوي
مريم بحزن = معليش رايد ما اقدر اطول لازم ارجع للمطبخ ... شف اذا خلصوا من غداهم راح اجيب لك من اللي يبقى ... انت كل هذا الحين
رايد وهو يجاهد الدمعه = مريم مليت ابي اطلع من هنا ... رجولي تعورني وبدور مرسلتني للمكتبة .. ماقد امشي واجد
نزلت راسي وسكتت .. حسبي الله ونعم الوكيل
رجعت لباب الملحق ابي اطلع ولما وصلت عند الباب التفتت على رايد
مريم بحزن = رايد انت أملي الحين ... راح نطلع من هنا ان شاء الله بس كيف مدري ... اهم شي يارايد تدخل الثانوي
رايد = وشلون ... ملفاتنا بالرياض
مريم = ادري ... الحين بدت المدارس لها شهر وماراح يقبلونك تسجل .. رح يارايد للرياض وهات ملفاتنا ... راح نحتاج الملفات لو وظيفة لين تبدأ المدارس السنة الجاية
رايد بفرح = يعني راح اكمل ثانوي .. ( وسكتت يفكر شوي ) بس مريم وشلون اجيب ملفاتنا ماعندي سيارة وماعندي فلوس
مريم بحزن = يحلها الله ... انا مثلك يارايد مليت سبع شهور وانا عندهم وماني قاردة اتحمل اكثر ... اهم شي تجيب ملفاتنا يارايد يمكن يتصلح شوي من حالنا
رايد وهو شوي ويبكي = وشلون والله ماعندي ولا ريال وشلون تبيني اروح للرياض
سمعت صوت مرة عمي تناديني وطلعت اركض للمطبخ وخليت رايد
وصلت المطبخ وانا اضرب خدي من الخوف
* عمر *
العصر قمت من النوم .. طبعا الصلاة الصراحة ما اهتم فيها .. متى ماقمت من النوم صليت
صليت العصر واخذت اغراضي ونزلت تحت وتفاجأت بعمتي مها عندنا
طالعة من المطبخ واول ماشافتني
مها = عمر !!! شكلك طالع ؟
عمر = ايه .. عمه وش جايبك بهالوقت ... بالعادة ماتجين عندنا الا بالليل .. ( وكملت بمزح ) تقولين بومة مانشوفك الا بالليل
مها = وين رايح .؟
استغربت وش فيها هذي ... بالعادة ترد المزح وتعلق هالمرة مطنشة مزحتي
حركت اكتافي بلا مبالاة
عمر = ابروح لخوياي ... ليه تبين شي .؟
مها = ومتى بتجي ؟
رفعت حواجبي مستغرب .. وش عندها اليوم
عمر = مدري ... ليه وش فيك مها .. تبين شي
مها = يعني ماراح تجي الا اخر الليل مثل كل مرة .. صح ؟
عمر = ايه يمكن
مها = وتلوم امك اذا بغت تتزوج ( وحطت يدها على خواصرها )
اها وانا اقول الزيارة هذي ماهي لله
عمر بعصبية = انتي الحين وش تبين ؟
مها بصراخ = منك انت مابي شي ... اصلا الشور مب عندك ... امك وموافقة وش نبي منك اصلا .. احمد ربك اننا نشاورك
صارخت باعلى صوتي معصب
عمر = كولي تبين وانطمي ... انا الولي عليها وماراح يصير شي الا بموافقتي
سكت مها شوي وبعدها انفجرت بالضحك ...
طيرت عيوني فيها ... انهبلت هذي
مها وهي تضحك = وش قلت ههه انت الولي عليها ؟ ههه ليه وين راحوا خوالك ههه
شهقت ... صح نسيت ان امي لها اخوان وشيبان بعد ... لا بالله تزوجت امي
عضيت على شفايفي منقهر وطلعت معصب من البيت
* مها *
تنهدت يوم طلع ... اف الله يهديه ... اناني بشكل
= ليش يامها
التفتت على ام عمر اللي واقفة عند باب الصالة
مها = ماعليك منه ... هذا اناني شوفيه يطلع اول النهار ومايرجع الا اخر الليل
ام عمر بحزن = بس هو ماهو راضي ... واهم شي وليدي مابيه يزعل
مها = يام عمر انتي مانتي كبيرة مرة وعندك فرصة ان شاء الله تجيبين عيال ... ماتبين تجيبين لعمر اخوان ؟
ام عمر = الا والله ابي ... ( وبكت ) قلبي يتقطع عليه يوم اشوف ماعنده اخو يصير سند له بهالدنيا
مها = وانتي مانتي كبيرة عمرك الحين 43 تقريبا يعني فيه امل ان شاء الله تجيبين لعمر اخو والا اخت ... وبعدين لا تنسين عمر بيتزوج وماندري وشلون اخلاق حرمته ... الدنيا مافيها امان يام عمر
نزلت ام عمر راسها وراحت فوق
لا حول ولا قوة الا بالله ... الله يهديك ياعمر
اتصلت على معاذ يجي يرجعني لبيتنا
مها = الو ... معاذوه تعال جيبيني
معاذ مستغرب = طالع .. توني منزلك
مها بمزح = مثل ماجبتني ترجعني ... يالله معاذ لا تتأخر ( وسكرت بوجهه )
معاذ ومصعب عيال اخوي عبد العزيز توأم .. وضرابه مع عمر ... صح كلهم بالجامعه بس ثلاثتهم العقل ماش ... انا الصراحة و بدون مدح اعقلهم
اخوي عبد العزيز هو اللي ان شاء الله بيتزوج ام عمر ... الله يتمم هالزواج على خير
قرر عبد العزيز يتزوج بعد ماراضى زوجته ام معاذ صح زعلت بس يعني اخر شي رضت بقسمة الله وش بتسوي يعني ... هم كذا الرجال مافيهم امان يوم م
لحظة وش قاعدة اخربط انا ... توني اقنع ام عمر توافق .. والحين كاسرة خاطري ام معاذ مو انا لي يد بالهزواجه
وبعدين ام معاذ الحمد الله لها معاذ ومصعب وليلى و ليان وسعود
وام عمر ياحول مالها الا عمر
واخوي فهد اكبر اخواني بجده وله سامي وسلمى وسميه وعمار
رجعت للبيت مع معاذ ورحت لغرفتي ما ستغني عن الاب توب
حياتي النت وعيال اخواني وشوي صديقات ... وصل عمري 33 سنه والى الحين ماتزوجت ... وبدوا الناس يقولون عني عانس بس الحمد الله راضيه بنصيبي
وش يبوني اسوي يعني ... امشي بالشارع واقول ياناس ياعالم مين يتزوجني
اخذت الاب توب ونزلت تحت عند امي وابوي
هم يسولفون وانا اطقطق واهز راسي بأيه لامي وابوي و اقول لهم ايه .. صح .. وبالي مع هالمنتديات والماسنجر