يوميآتي مع جنون ال 60 يوم في تخصير ونحت الجسم حيآكم ادعموني ض1

وَسَمْ ~

18-11-2022 - 06:43 pm

بسم الله الرحمن الرحيم
في البدايه حآبه احط بطآقة تعريف عن نفسي
اسمي : وسم
وزني : 60
طولي : 157

راح اضع مقاسات ل جزء جسمي العلوي وانا ماخذه زفير مره

يعني بطني منفوخ على الاخير
" ودايم مقاساتي مابي احطها بفوآصل حتى وزني وزي كذا "
مقاس خصري : 75
مقاس بطني منطقة السره : 86
مقاس بطني تحت السره : 88
مقاس زندي : 27
طبعا رآح ابدأ مع البرنآمج الرآئع الا وهو
insanity
أحلى شي عجبني فيه أنه " بدون آلآت"
وبرضو أعاني من كرش وانا صغيره
+
دايم احس بالتعب على أقل مجهود أسويه
دايم ابي انام
ماتحرك كثير
دايم مصدعه
ف الرياضه مع النظآم الغذائي الكويس رآح يساعدوني للتخلص من هالمشاكل -بأذن الله -الحمدلله ماني سمينه بس عايشه وكأني عجوز
جسمي مافيه لياقه ابد
ل تحركت شوي هاتك ي تعب
بالاضافه ل وزني آحسه مبآلغ فيه ف اليوم وبعد هالهذره الكثيره
رآح اكتب لكم يومياتي مع هالنظام
وهذا رابطه بالموقع
http://alfrasha.maktoob.com/alfrasha19/thread1779295/
ورابط التحميل موجود كمان دعمكم يشجعني

التعليقات (9)

وَسَمْ ~

18-11-2022 - 09:16 pm

اليوم الأول
كآن الفيديو الأول عبارة عن " اختبار لليآقه "
بصرآحه
عرقت كثير
تعبت كثير
في تمرين ماعرفت اسويه ولا مره
وفي تمرين سويته مرتين بس !!
بعد التمرين رجولي قعدت ترتجف بشكل مو طبيعي مو متعوده
طبعا بالبدايه يخليك تسوين أحمآء عشان مايجيك شد عضل مفآجأ
بصرآحه فعلا
لآزم يكون جنبك منشفه + مويه
وبرضو كنت عارضته ب البروجكتر ف صايره الشاشه كبيره وتشرح الصدر
بالنسبه للنظآم الغذائي
( اليوم ماعملت اي نظآم غذائي بسبب بنات عماتي )
كيك
كنتاكي
بس بأذن الله من بكره ابدأها صح
نآويه على نظآم الاتكوتين
لأنه يعتمد على حرق الدهون بالدرجه الاولى
واذا ماقدرت عليه ( لأني ماحب البروتينات الحيوانيه كثير )
ف بمشي على نظآم التخفيف
ويبقى بكره ان شاءالله اقولكم وش صآر معي
+
دعوآتكم

*انفاس ورده*

18-11-2022 - 10:17 pm

بالتوفيق يارب
ان شاءالله توصلي للوزن اللي تتمنينه

سمبتيكه 4

18-11-2022 - 11:18 pm

الله يوفقج

مجنونه فرفوشه

19-11-2022 - 12:19 am

موفقه غاليتي

وَسَمْ ~

19-11-2022 - 01:20 am

::
همسه بااذن كل الرشيقات : اذا لم تقآتل من اجل ماتريده , فلا تبكي اذا خسرته : ) !
* إقتبآس من : ش غ ب هآدئ =)

اعتيازي

19-11-2022 - 02:21 am

الله يوفقك ويقويك ياقلبي
انا البرانامج عندى وسويتو مررا وحده
وبعدها جلست 3 ايام ماامشي مره رجولى تعورني
وانا اساسا خلاص فقدت الامل انى انحف
ومافيه عزيمه وكذا
وصرت حابسه نفسى لااروح ولااجى
وتخنت مرا
من الصدمه بس اكل

وَسَمْ ~

19-11-2022 - 03:22 am

اعتيآزي حبيبتي ترى مثل اللي صار لي حاليا ألم بعضلآتي شديد لدرجه قاعده امشي زي البطريق ومؤخرتي تألمني ماقدر اقعد
بس عشان العضلات متفاجأه بالمجهود هذا
بس بنتظر يروح الالم وبكمل
شرايك تشاركين معي ؟
ونتفق على نظآم الاكل والرياضه
عندي نظام حلو مره وهو اللي بيساعدنا نتخلص من الدهون والكرشه
مع هالرياضه
ي ريت لو عندك بيبي تقولين لي يكون توآصلنا أكبر ^^

وَسَمْ ~

19-11-2022 - 04:23 am

اليوم الثاني
بصرآحه كآن متعب جدا جدا
حتى جاتني تشنجات بأيدي وبرجولي وبطني
ألم فضيع صراحه
تمرين البوش أب ماعرفت اسويه ولا مره
بس قلت يلآلآ ي بطله لآزم تكملين اللي بديتي فيه
والحمدله قدرت اكمل للنهايه
نمت وبعد ماصحيت بدى الالم الحقيقي
للحين في ألم بس اتمنى يروح بسسرعه عشان اكمل تماريني الجميله
بالنسبه للأكل
بقولكم نظآمي اللي انا ماشيه عليه بشكل مختصر - واذا تبوني أسهب فيه مو مشكله -
وتراه مفيد جدا لأزاله الكرش بأذن الله وحرق الدهون وزياده وصول الدم للأعضاء وتقليل الكلسترول الضار
بسم الله نبدأ :
النشويات ممنوعه
الحلويات ممنوعه
الفواكه وعصيرات الفواكه ممنوعه
الليمون والملح ممنوع
الجبن كامل الدسم ممنوع
اللبن أو الروب ما آكله الا مره وحده باليوم
الخضار بجميع انواعها مفتوحه
يسمح بشويه كاتشب ومايونيز
جميع البروتينات الحيوانيه مسموحه ماعدآ المقلي منها مره وحده في الاسبوع او مو لآزم
الببيض اهم شي بنظآمي هذا
الخضار وخصوصا الخضضرا آكلها بكميات مفتوحه
المويه اشرب كثير
نبدأ
الفطور
بيضه مع فلفل أسود + جرجير مع زيت زيتون
الغدآ
دجاج مسلوق مع الصوص + جرجير مع زيت زيتون
العشاء
ماتعشيت

وَسَمْ ~

19-11-2022 - 05:24 am

اليوم الثآلث
صحيت على آلام فضيعه وعدم القدره على المشي بشكل مضبوط - بالمختصر -
مشيتي صارت مشيه بطريق وماعرف اجلس كويس
حاولت اسسوي تمآرين بقدر المستطآع
لكن محاولآتي بآئت بالفشل الذريع
ف اليوم هذا ماكملت
أكلي كان
الفطور
بيضه + جزر وزهره مقطعه مع شويه زبده على النار وفلفل
الغدآ
روب
العشآ
بطآطس ليز مآكس الحار بصراحه ماقدرت اقاوم =(

I need You محتاجتكم أخواتي←
افضل حبوب لسد الشهيه→