يوم في حياة زوجه مقهوره

1. لايهمك ابو صالح كلها دقيقتين واجيب الخبز


2. لاتموت ياحمار لما يجيك الربيع

بسم الله الرحمن الرحيم
السلام عليكم ورحمة الله وبركاته
اليوم جايبه لكم يوم من حياة زوجه مقهوره
اترككم معها
يوه اذن الفجر وانا ماعجنت للخبز هالحين يطلع من الصلاة يقول وين الخبز
ايه مافيه الا اني اعجنها بماء حار واحمي الفرن
لين اخلص من الصلاة
الله اكبر بسم يوه ماادري انا حطيت خميره ولالا ,أعوذ بالله من الشيطان نساني الصلاه
ياربي انك ارحم من ابو صالح
السلام عليكم ورحمة الله ,السلام ورحمة الله
هيش هيش ماتسمعين ياملاالصقه
سم سم وش بغيت يابوصالح
وين القهوه وين الخبز
هذاه سم القهوه وابروح اكمل الخبز
ايه الله يرحم امي كانت تخبز قبل تصلي الفجر

لايهمك ابو صالح كلها دقيقتين واجيب الخبز

لاتموت ياحمار لما يجيك الربيع

يالله يابو صالح دوك الخبز ايه جيبيه ولاتنسين تحطين لي بالغداء قرصان ولايصير ني <<هالحين تاكل بالفطور وتفكر بالغداء جعلك للزائده الدوديه وياعل مرارتك تنفقع ترى هالدعا مني مومن زوجته لانها طبعا بريئه ومسالمه
الله يحفظك يابوصالح لاتنسى تجيب علف للبقر
ايه نضفي المجلس ترى ابو علي يبي يجي يتغداء معي , سم سم
ياالله ابروح اكنس المجلس وافرش البساط واحط الحطب بالوجار
ليتك ياالنوري كبيره تساعديني على القرصان
وه كل ذرعاني حروق من هالمقرصه
ياولد ياهيش <<بقره هيش
سم سم اقصري حسك وجع معي رجال >>>عساك للصمم اجل ليش تصوت تقول زوجتك عند الجيران على الصوت الي تقول ثور
يخزياه البلا كان سمعني ابو علي ياربيه ياخزياه من ربي
وين القهوه ؟ حطيته لكم بالمجلس
وين التمر ؟ كل شي حطيته عندكم
طيب جهزي الغداء وحطيه عند الباب وطقي اجي آخذه , سم سم
هلا ابو صالح.. طلع ابو علي؟
ايه وش تبين؟
لاابد عسى الغدا اعجبكم ايه زين.
المسكينه تبيه يعطيها وجه ويمدحها هههاه ايسئ يأم صويلح
جيبي وساده ابنام بهالفي (ظلال)سم سم
ابو صالح قم اذن العصر ايه لااله الاالله
سوي لنا الليله جريش وكثري السمن , سم
هذاني شابه النار بس ابيك تقوم تقولي وش تبي عشاك الله يرحم امي من الظهر تشب على عشاه
ابصلي واتقهوى عند ابو براهيم وبعدين ابروح لسوق الغنم ادور ضحيه وان مالقيت ابذبح البقره
بسم الله على ام العوف كلش ولا حلوة اللبن
اجل نذبحك ونرتاح مره وحده <<<<هذا وهي برائه وكل شي سم اجل لوهي من هالجيل كان و(اذا الموؤدة سئلت ) يعني تدفن وهي حيه
يالله حي ابو صالح هاه عساك لقيت ضحيه
ايه لقيت نعجه مثل وجهك >>>> اموت على الرومانسيه الزائده
تبي القهوه ولاالعشى جيبيهن كلهن ابتقهوى والعشى يبرد >>>> ماعنده وقت حار بحار
الحمد لله روحي حطي فراشي بالسطح وقطعي جحه وحطيها تبرد بالصطح اذا جيت انام آكلها >>>>> حشى ثلاجه الاخ
تعالي ماتبين جحه؟
الاوالله بس ابصك باب البقره لاتطلع واجي
ياحلو هالجحه يابو صالح تقول عسكريمه >>تسمع بالآيسكريم
ياربيه ياصوته وهو ياكل الجح اقوله شوي شوي؟ وش اقول؟أخاف يرجفن ولاي بالحوش
شيلي الصحن وخري بنام >>>انواع الانسجام
الاستفاده من هذه اليوميات
1-ان هذا الرجل حتى وزوجته سم سم على طول
ماسلمت من الانتقادات والمقارنه بمن قبلها
2- لو كنتي مكان هذه السيده كم درجة الضغط عندك وهل حمدتي ربك على الي عندك؟
3- اتوقع بعد جيلنا وجيلكم يابنات يقولون الرجال
الله يرحم امي كانت هي الي تتصل على المطعم وتطلب الغداء ..
وسلامتكم