ي عروس الكون ي ضي العيون

1. شروط التجمع :


2. وين مارحتي وجيتي ادعي لهم و لنفسك .

بسم الله الرحمن الرحيم
ماشاء الله عدد المشاركات زاد
ففيه صعوبه اني احصي الجميع خصوصا اني نزلت من بيستمر و للأسف ما قرأه الا مجموعه بسيطه
والباقي شارك بدون مايرجع للردود السابقه فطبيعي ماتدري وش صار على البنات .
راح اترك التجمع مفتوح بدون اسماء محدده . اللي حابه تشارك حياها ربي والشروط قبل كل شيء
مدة التجمع الجديد :
بإذن الله 30 يوم . .
من 20 / 5 / 1432 هجري . 24 / 4 / 2011 م
إلى 20 / 6 / 1432 هجري . 24 / 5 / 2011 م
برنامج التجمع :

• الارتباط القوي بكتاب الله سواء ب الختمه او الحفظ او مداومة القرءه

( اختاري اللي ودك فيه ودك تختمين القران اختميه ودك تقرأين البقره أقريها ودك تحفظين من السور احفظي اهم شيء امسكي القرآن يوميا )

• الدعاء لنفسك وبنات مجموعتك و شباب و بنات المسلمين ( لا تنسين الشباب لازم تدعين لهم )
• الاكثار من الاستغفار في كل وقت وكل حال
• التفائل × التفائل × التفائل × التفائل × التفائل × التفائل × التفائل
• العنايه ب الجسم ( سواء ب الاقنعه او كريمات او الزيوت اهتمي بمضهرك بكره بتكوني عروس اختاري برنامج عنايه يناسبك وطبقيه )
• المشاركه في المواضيع المطروحه ( راح تكون فيه مواضيع سواء كانت مني او من احد العرايس لابد من مشاركتك لا تطنشين وتخلينا نزعل منك )

شروط التجمع :

• الإلتزام ب الحظور و متابعة البرنامج .
• مشاركة العرايس والرد عليهم ( مهم ) لآ تخلينها تكلم نفسها ردي عليها مثل ماتبينها ترد عليك .
• مشاركة العرايس في المواضيع المطروحه والتفاعل معها .
• الالتزام ب النقاشات المفيده و المثريه للموضوع والبعد قدر الامكان عن النقاشات عديمة الفائده .
• عندك موضوع والا فكره وحابه تطرحينها لآ تترددين .
• لا تتهاوني ب الدعاء لمجموعتك او تقصري فيه اجتمعنا هنا ل توحيد الدعاء بإذن الله . إنتي التزمتي وانتي مسائله امام الله.
• اللي عندها ظرف تعلمنا حبيباتي عشان نعذرها .
• سجلي اسماء مجموعتك الجدد وحطيه تحت مخدتك وكل مادعيتي لنفسك ادعي لهم واكتبيهم بجوالك بعد

وين مارحتي وجيتي ادعي لهم و لنفسك .

• لا تنسون تدعون ب التوفيق ل شبابنا وان الله ييسر امورهم ويعرسون علينا
• كل مفتره و الثانيه أرجعي ل محتوى الموضوع الأصلي عشان ما تنسين شيء.
• اللي حبه تنسحب تقول لي.
• اذا تأخرت وحده عن المجموعه مافيه مآنع انك تذكرينها في بروفايلها.
• انتبهو ل ردودي بيكون فيها الموآضيع اللي بنتكلم معنها.
• لو تكاسلتي علمينا ، لا تتركي الموضوع ، لا لاتتركي الموضوع ابد يمكن بعد فتره يرجع لك حماسه والموضوعه كله شهر بإذن الله

إذا كملتي 30 يوم كامله طبقتي فيها كل شيء وختمتي القرآن .. ساعتها براحتك

• مشاركتك في المواضيع لا تكون كلمتين وتمشين إذا بتكتبين كلمتتين لا تكتبينهم

خلي مشاركتك قيمه وهادفه في النقاش .تنبيه :
سولفي و فضفضي بس ب ( تفائل ) تفائلي، كوني متفائله حتى لو من داخلك غير مع الايام تنعكس حروفك على نفسيتك
مثل ماتنعكس حروف غيرك عليك وتأثر ، كلنا نمر بضروف فيها احباط والم وقهر سواء كانت بموضوع الزواج او غيره ،خليك صبوره و تاكدي ان
هذا الشيء ربي كتبه عليك قولي اللهم اجرني في مصيبتي واخلف لي خير منها و اسمعي رد الرحمن الرحيم يقول لك :
اللي إنتي تكتبينه يأثر على اللي يقراها الحقيقه انا من النوع اللي يتأثر مرره، اذا شفت كلام حلو خلاص حسيت الدنيا بين يديني
واذا شفت كلام عكسه خلاص يضيق صدرري .وقت الدوره الشهريه :
مو وقت اجازه ولا وقت كسل . تقدرين فيه تقرأين القرآن و تدعين وتستغفرين وتشاركين ب المواضيع
الشي الوحيد اللي تتركينه ( الصلآه ) .
وكثفي عنايتك بشكلك وصحتك واكلك ونظافتك هالفتره . تخيلي انك عند زوجك كيف بيكون مظهرك ونظافتك !
انا انثى واعرف ان هالفتره فيها الم وفيها تعب وفيها نفسيه سيئه .
لكن مو كل زوج يراعي هالشيء و مو كل زوج يتحمل هذا الوضع ، لازم نوقف مع بعض ونتغلب على هذي المشكله
ونشوف كيف نتصرف معها .. طبقي هنا ببيت اهلك قبل تتورطي ببيت زوجك
كثير من الازواج يكره زوجته وخمولها وشكلها وريحتها في هالفتره وينفر منها قووه ..
تغلبي على هالشيء وأقرأي كثير عن الدوره ومشاكلها في الحياه الزوجيه والحلول ..
ب النسبه لي تعودت اخذ شاور لما احس بها بتنزل خلاص واحط كريم دهني
والبس بجامه حلووه وارتب شعري ستايل ثاني واحط قلوس خفيف وعطر ناعم
واجهز لي مسكن . عشان ما اكون في وضع مزري والحمد الله احس افضل من اول
لما يتعكر مزاجي اهمل نفسي .. بس الحين نو قدامي مستقبل وشخص بينتقدني وينفر مني في اي خطأ
كل شيء ولا النظافه والريحه السيئه ما احد يتقبلها ابد .تنبيه :
عروسات المشاركت . الله يسعدكم لا تسألون وش الجديد قبل ما تقرأون الردود السابقه
لو قرأتيها ما احتجتي تسألي عن الجديد ..
التجمع هذا مختلف ، ما ابي كل وحده لحالها ابي الجميع مترابط الكل يعرف اخبار بعض ويتابعها
ابي تحسو انكم خوات
بعد ما قرأتي الشروط و كل شيء في الموضوع الآن انتي اما خيارين :
1- الموافقه على الشروط : ومعناها انك قطعتي وعد امام الله ثم امامنا ب الالتزام بها والمشاركه الدائمه والتواجد إلا للظروف الخاصه .
2- عندم الموافقه على الشروط والالتزام بها : ما دمتي حابه تشاركينا انتي ( ملزمه ب التقيد بها )