7طرق لتجعيد الشعر الناعم

السلام عليكم
جبت لكم طرق التجعيد اللي اكثرنا يحبه بس ما يعرف كيف يسويه
هنا تحصلون الطرق واتمنى تستفيدون منها وتعجبكم ..
الطريقة الأولى :
اللي شعرها طويل وناعم اكيد يتعبها اذا تبي تجعده
واحياناً بعد كل التعب والمعاناة يمكن يطلع شكله مو مرتب او ناكش ،،،،،،،
او ما يحافظ على التجعيده لوقت طويل
وتتفشلين قدام الناس
طريقه الثانيه :
بعد ماتغسلين شعرك تمسحين عليه وهو مبلول زيت جونسون الاطفال ( بس شوي )
وبعدين تقسمينه خصل براحتك كبيرة او صغيره
تأخذين كل خصله وتحطين عليها رغوه وتظفرينها وتكملين لحد ماتخلص الخصل
وما فيه مانع تخلين اختك او امك تساعدك وتخلينها لحد ما تنشف
وبعدين اذا جيتي تمشطينها لا تستخدمي المشط ....
حركيها بيدك بس عشان لا تخربي التموجات.
الطريقة الثالثه :
الأدوات اللي نحتاجها ..
1 - شمع للشعر من كادوس من لوريال ويمكن الاستعاضه عنه بالجل
لكن نتيجة الشمع احلى .
2 - رغوة ( موس ) للشعر نيو ويف او كادوس.
3 - بنس للشعر .
4- سشوار .
طريقة العمل
1 - اول شي قسمي شعرك عدة اقسام افقيه .
2- خذي اول قسم من جهة الرقبه وخذي خصله شويه صغيره وضعي قليل من الرغوه
ومن ثم لفيها بعكس اتجاه عقارب الساعه لف طولي ( يعني اربميها زي برم الحبل ).
3- بعد ما تبرمينها لفيها على اصابعك زي ما تلفين اللفافات
وممكن انك تبرمينها على اصبع او اصبعين
على حسب ما تحبين حجم اللفافه ..
وبعدين ثبتيها ببنسه .. لين ما تخلصينهم من كل شعرك.
4- بعد كذا جففيها بالسشوار وخليها فتره وبعدين فكيها
ولما تفكينها فكيها بخفه وحطي على يدك شوية شمع وحطيه على الخصله عشان يعطيها منظر لامع ...
الطريقة الرابعه:
1 ) رشي الشعر بالماء كاملا .
2) توزيع القليل من الجل على الشعر .
3) تمشيط الشعر جيدا .
4) تقسيم الشعر الى خصل متساوية وقليلة .
5 ) تضفير الشعر خصلة خصلة الى ان ينتهي كامل الشعر ، يترك الشعر الى ان يجف
ثم يفك ويمشط بمشط عريض الأسنان تتطلع جنان
6) أو يمكن استخدام طريقة اخرى وهي ..
لفي الخصل على قطعة من القصدير بحيث تبرم الخصل على القصدير الى الأعلى
الى أن ينتهي كامل الشعر ويترك الى ان يجف .
7) أو تقسم الخصلة الى قسمين وتبرم الخصلة وتلف الى الأعلى وتثبت بالبنسات .
الطريقة الخامسه :
يرطب الشعر بالماء ويضاف اليه الجل خذي خصله من شعرك واقسميها الى نصفين
لفي كل واحدة على حدة ثم لفيهما مع بعضهما لتصبح مثل الحبل ضعي القصدير
على خصلة ( الحبل ) ثم اطوي القصدير على الخصله عدة مرات الى
ان تصلي لجذور الشعر اكملي حتى تنتهي من كل الشعر وانتظري حتى يجف فكي الخصل
ثم امشطيها بمشط عريض الاسنان او فرقي الخصل باصبعك << هذي الطريقة مجربتها
الطريقة السادسه :
رطبي شعرك بالماء خذي خصله صغيره من شعرك وضعي القصدير تحتها مباشره
اطوي القصدير على الخصله عدة مرات الى ان تصلي الى جذور الشعر كرري نفس العمليه
على كل شعرك على ان تكون كل الخصل متساويه
اتركي الشعر الى ان يجف طبيعيا او جففيه بمجفف الشعر ازيلي القصدير
ورشي رذاذا علة كامل الشعر لثباته مدة اطول.
الطريقة السابعه :
استشوري شعرك زين .. خصلة خصلة
خليه يطلع مرة ناعم بعدين لفي كل خصلة على فوق و هي حارة عشان تمسك اللفة
و يضبط شكلها بعدين لما تخلصين كل شعرك اتركيه فترة معينة
ما يحتاج يطول مره ساعة تكفي
بس لو تطولين يطلع اكشخ بعدين فكيه بعكس اللفة عشان لا يخرب
و بعدين بخي عليه مثبت شعر
اذا بغيتي ثبات و لمعة او حطي شوي من زيت جونسون للاطفال
لو بغيتي و بيطلع شعرك جنان
اللي ما ضبط معاها اما ان شعرها بالمره بالمره ناعم او خفيف او ما سوت الطريقة صح
و اللي شعرها كثير صح بتتعب في هالطريقة بس بتطلع لها نتيجة روعه << وهذي الطريقه بعد مجربتها
منقول