Bفراشات عرايس اللي تبغى تجدد مكياجها تدخل B

1. ثانيا,,البيس:


2. وللسهرات ديور بلامنازع خصوصا اللي تحط مكياج تقيل مرة روعه


3. خامسا,,الشدو


4. الحواجب,,, والاضاءه,,البنجمنت

كيفكم ياحلوين
بما اني من عشاق الميك اب ودايما احب اطلع على الجديد من كل الماركات حبيت انزل موضوع متكامل لافضل الماركات اللي جربتها من خبرتي المتواضعه عشان الكل يستفيد وكمان لعيون العرايس اللي بيجهزو
نبدأ,,, بسم الله
أولا: الكريم المرطب,,
انا استخدم نيفيا مررة حلو وكمان مايخلي وجهك يلمع على طول تمتصه البشره بس انتبهو يابنات كل وحده حسب نوع بشرتها,,انا بشرتي جافه واللي بشرتها دهنيه لاتحط كريم خليها تستخدم الغسول من جونسون قبل المكياج

ثانيا,,البيس:

طبعا يابنات اللي تستخدم البيس ماتستخدم كريم مرطب لانه يغني عن الكريم ويعطي اشراقه للوجه وتغطيه خفيفه وكمان يثبت المكياج وللصباح ممكن تستخدميه بدون اساس بس شوية بودره ويعطيكي لوك ناعم واحسن نوع من ميك اب فور ايفر سعره 130 ريال تقريبا
ثالثا,,الكونسيلر
فيه الباليت من ميك اب فور ايفر بس للي تعرف تستخدمه,,التوب عندي من سالوران لايعلى عليه وانصح فيه بقوه خصوصا الي عندها سواد تحت العين زيي
رابعا,,الاساس والبودرة
بالنسبه للاساس يابنات اللي يستخدم للطلعات العاديه ماكس فاكتر مرة روعه ودا النوع مع انه قديم بس المفضل عندي يسوي تغطيه كاامله وسعره معقول 60 ريال

وللسهرات ديور بلامنازع خصوصا اللي تحط مكياج تقيل مرة روعه

خامسا,,الشدو

الشدو يابنات حلو انك تاخدي من كل الماركات,, ماك لايعلى عليه محلهم فيه كل الالوان تقريبا وكلها تجنن فور ايفر روعه خصوصا الاضاءه حقتهم ماعليها كلام,,برجوا عندهم علب صغيرة للمكياج الصباحي مرة تجنن لوك ناعم وخفيف,,
بالنسبه للعرايس حبايبي انصحكم لاتاخدو الشنط الكبيرة من مكياجي الوانها فاتحه وفيها اشياء ماتستفيدي منها خدي علبه صغيرة يكون فيها شدو وبلاشر للاستخدام اليومي وكمان تاخديها معاكي وانتي مسافره عندك هادي العلبه حلوة وسعرها معقول اظن 150 ريال
سادسا,,البلاشر
بلاشر جفنشي اللي يجي العلبه اربع درجات مااقدر استغنى عنه من جد كلمة روعه قليله عليه لانك تقدري تتحكمي في اللون ويعطيكي لمعه وكمان وفي البينك الفاتح او الفوشي سعره تقريبا 160 ريال
بلاشر برجوا مره حلو للصباح نعوم وبرضو فيه لمعه خفيفه انا استخدمه شدو كمان
ماكس فاكتر حلو برضو
بالنسبه للبرونزي ماك روعه وعندك بودي شوب كمان وبلاشرات نارس كمان حلوة,,
سابعا,,نجي للمسكرا
للسهرات لانكوم هيبنوس احلى شي فيها ماتكتل الرموش وتخلي كل رمشه بااينه حلوة للمكياج الفخم سعرها 160 ريال من وجوه
وفي كمان نيفيا حلوة للاستخدام اليومي ورميل الحمرا ولوريال اللي جهة ابيض وجهة اسود برضو حلوة وتفرق الرموش
نصيحه يابنات لاتستخدمو ابدا مسكرا ضد المويه ترى تقطع الرموش وتسيرو من غير رموش زيي
ثامنا,,الكحل السائل والناشف
عندك بودي شوب انا مرة مرتاحه عليه وسعره يمكن 50 ريال,لانكوم للسهرات يجنن سواد مو طبيعي,,
كحل ماك الاسود القلم يجنن,, مجموعة بلاك اي من مكياجي مرة روعه ماعدا المسكرا حقتها ماتنفع
نجي للكحل الملون برجوا روعه وسعره مرة معقول 35 ريال خصوصا اللي بلمعه اللون الازرق والاخضر انصح فيهم بقوة,,,ماك حلو برضو,,فور ايفر للي تحب الالوان الفاقعه
علبة الاكحال الملونه من مكياجي اخدت فيها مقلب اللون مايطلع ماعدا اللون البحري والابيض هوا اللي حلو
تاسعا,,الارواج وماأدراك مالارواج
احلى روج عندي ولونه احمر صافي ترطيب ولمعان ولون مو طبيعي من سالوران رقمه 1 وسعره 130 ريال من جد كل الناس سألوني عنه
البنكي برضو من سالوران,,البيج خيال من جد ارواج سالوران روعه انصح فيها للعرايس شكلها كمان فخم
من ماك هق مي ماعجبني على كتر ماسمعت عنه احس لونه باهت مايجي من غير قلوس,,شاتر بوكس وردي على فوشي مرة حلو,,ارواج نيفيا تجنن للصباح خصوصا الالوان الورديه,,باليت ميك اب فور ايفر,,ديور عندهم روج نحاسي على بيج من جد فظيع,,امم اش كمان
المحددات يابنات من لوك من جد روعه وترطيب وسعر الحبه عشرة ريال انا ندمانه اني ماعرفتها من زمان,,سالوران ابتعدو عن محداته ناشفه مرة,,ماك حلوو
عاشرا,,,,,,,,القلوسات
,,قلوسات سالوران الفوشي حلوو,,ريفلون اخدت منه بيج على ذهبي مرة يجنن,,رميل حلو اللون بس مرة خفيف يروح بعد ربع ساعه,,برجوا مرة روعه خصوصا اللون الاورنج دا نااعم ولمعه رهيبه ينفع للصباح

الحواجب,,, والاضاءه,,البنجمنت

كتيرين يفضلو القلم بس مشكلته يبغاله تركيز ويطلع حواجبك مو طبيعيه عندك من بودي شوب بودرة الحواجب مررة روعه انا بعد ماجربتها ماسرت اقدر استغنى عنها تملي الفراغات ومعاها فرشه تسهل الرسم وتطلع حواجبي مرة حلوة وطبيعيه على قولة زوجي زي الممثلات
الاضاءه ماك وبلامنازع,,فور ايفر حلو بس ماك عندي لايعلى عليه
البنجمنت يابنات نصيحه لاتستخدميه الا بالسهرة لانه يعطي فخامه للمكياج والنعومه دايما احلى بالطلعات العاديه عندك ماك,,فور ايفر عندهم كل الالوان
اخيرا,,,,,,,مثبت المكياج ومزيل المكياج
مثبت المكياج فور ايفر هوا التوب
كمان يابنات في قلم مثبت للروج من مكياجي سعره 35 ريال مرة حلو تحطيه قبل الروج احسه مرة ينفع مع ارواج سالوران اللي تجي بلمعه
مزيل المكياج مافي احلى من مناديل جونسون وبعدها غسول جونسون ينظف ويزيل الشوائب ويرطب البشره
اتمنى اكون افدتكم ويعجبكم ذوقي بالميك اب اللي عجبها موضوعي تدعيلي بالذريه الصالحه