bb cream سر من أسرار جمال بشرة الفتاة الآسيوية

1. تحتوي على مكونات داخل الكريم تساعد على ترطيب البشرة وإعطائها


2. منظر حيوي

ال BB cream هو إختصار ل B lemish B alm Cream ومعناه كريم بلسم
الشوائب .. هو بالأساس اخترعوه الألمان لعمليات التجميل .. كان يخفي آثار العمليات الجراحية
وبعد فترة لاحظوا انه الآثار تروح ، فأخدت الشركات الكورية الفكره وطبقتها على
كريم للبشرة وصار جزأ لايتجزأ من مكياج اي فتاة كورية .. وانتشر منه لدول
شرق آسيا وحتى انتشر بدول العالم وأمريكا لمن شافوا نتايجه المذهلة طبعا هو أقرب لكريم الأساس بالاضافه الا انه يرطب \ يحمي \ وواقي من الشمس
برضو ومع الأيام يعالج البشره ويصفيها لكن بنسب متفاوته لكل بشرة الكريم يعتبر أساس في مكياج الآسيويات وهو تقريباً من أشهر منتجات البيوتي
اللي يستخدمونها والإستخدام لا يقتصر على الناس العادية مثلنا أكثر
اللي يستخدمونه هم المشاهير سواء نساء او رجال خصوصاً الكوريين
ويمكن هذا اللي زاد من شهرته بين العامة لأن الكل يشوف كيف بشرة الفنانين
صايرة صافية وجميلة واهم شي طبيعية كانه هذا شكل بشرتهم الطبيعي
فاغلب شركات المكياج صارت تستغل هالشي وتخلي الفنان الكوري وجه
لحملاتها الدعائية للبي بي كريم طبعا البي بي كريم كان معروف بكوريا قبل 2005 بس بعد هالسنة انتشر لدول آسيا
بشكل كبير بفضل موجة الهاليو (انتشار الكي بوب لانحاء آسيا والعالم )
فالكل كان يعجب ببشرات الايدولز اللي انتشرت اخبارهم والعالم حبوهم فلمن
عرفوا سر جمآلهم صارت الشركات تروج بالبلدان نفسها عن البي بي كريم شركة It’s skin خلت الوجه الإعلاني لمنتجاتها ومن اشهرها البي بي كريم الفرقة
الكورية 2pm .. ولأن عضو من الفرقة جنسيته تايلندي سوقت بتايلند للماركة
ولقت لها رواج بشكل جنوني شركة Nature Republic هي اكثر شركة استغلت هالشي يمكن .. فكل فترة
تعين فنان كوري يكون الوجه الإعلامي لها ومن الفنانين فرقة الجي واي جي
والفنان الهوليودي رين والممثل جون سوك .. ولأن شهرة جون سوك تعدت
كوريا فاستغلوا هالشي ولمن سافرت ماليزيا كنت اشوف بوستر اعلانه للشركة
بكل مكان لدرجة تغريني للشراء حتى وانا ما احب الفنان ويمكن تستغربون ليه اكثر الاعلانات لفنانين مو فنانات مع انه الطبيعي
المفروض يكونون فنانات لانه مكياج .. بس لان الشركات عارفه انه اكثر شي يجذب
البنات وخصوصاً المراهقات وش فنانهم المشهور يستخدم؟ لذا استغلوا هالشي
وصاروا يخلونهم للإعلانات وفعلاً من يعلن ان الفنان وقع مع شركة ما المبيعات
ترتفع بشكل خيالي .. وطبعاً الفنان ياخذ مايقل عن نص مليون دولار ويمكن
اكثر حسب شهرته نظير إعلانه وحملته الإنتخابية ومن أكثر الاشياء اللي ساعدت في انتشار البي بي كريم .. انه صنعوها لتناسب
كل البشرات بدأ من البشرات العادية للحساسة للدهنية للجافة لمختلف الوان
البشرة .. حتى انه فيه شركات انتجت البي بي كريم للي بشرتهم داكنة واللي ساعد على انتشار البي بي كريم انه يريح الكثير من استخدام الكثير
من المنتجات يعني بدل ماتستخدم اربعه او خمسة واحد للتبيض والثاني
واقي شمس والثالث فاونديشن والرابع عناية تستخدم البي بي كريم اللي
يحتوي جميع هالاشياء بكريم واحد وبتغطيه تستمر طوال اليوم مميزات ال بي بي كريم ” بشكل عام “ * يعطي مظهر طبيعي جداً ” ما كانك حاطه مكياج “

• يرطب البشرة :

تحتوي على مكونات داخل الكريم تساعد على ترطيب البشرة وإعطائها

منظر حيوي

• يخفي جميع التصبغات وحب الشباب والعيوب الأخرى
• تلين وتصقل البشرة
• تحافظ على البشرة شابة
• يحوي على حماية ضد الشمس ” لكن تختلف النسبة من شركة لأخرى “
• مضاد للتجاعيد
• يفتح البشرة مع كثرة الإستخدام

بالبداية انا من الناس اللي ماتصدق الدعايات لاني اكلت مقالب بما فيه الكفاية
لذا لمن جلست اقرا عن البي بي كريم كنت مترددة بس قلت بعدين ليه ما اجرب ؟
وقع الإختيار على بي بي كريم من شركة etude house اول مره جربته كنت متعوده على كريم الاساس فكثرت فطلع شكلي تحفة .. بس
لمن خففته حسيت بالفرق كثير .. اول شي عطا بشرتي نعومة وهذي الشركة
الوحيدة اللي حسيت انها نعمت بشرتي ، وخلت وجهي صافي تغطيته كانت
كويسه بس اللي ماعجبني فيه انه كانت شوي ثقيلة على بشرتي وانا مو حقت
مكياج عشان كذا جربت غيرها .. وحالياً استخدم اكثر من 9 كريمات من مختلف
الشركات ثنتين منها يابانيه الكريم كأي منتج يختلف من شركة لأخرى .. كل شركة ولها مميزات يتميز فيها
الكريم حقها وانت تختار انسب شي لك ويناسب بشرتك او المميزات اللي تبينها
في الفاونديشن حقك .. وأهم المميزات اللي تهم كل بنت هي الكونسيلر ، حماية
ضد الشمس ، مرطب . Skin79 من أشهر البي بي كريمات إنتشاراً خصوصاً بين الأجانب .. لأنه يناسب
جميع انواع البشرات ويتوفر منه درجة وحدة وتناسب جميع درجات البشرة
الا الداكنه والبيضا جداً
اهم مميزات الكريم هي الترطيب + حماية ضد الشمس .. وطبعاً له مميزات
ثانيه مثل اخفاء العيوب والتجاعيد بس اللون الذهبي من الكريم هو اللي يخفي
اكثر
الماركة لها نوعين .. الوردي وهو للبشرة الدهنية لان الوردي فيه طبقة عازله
تمنع البشرة من انها تدهن يعني انسي انه في السهره وجهك بيدهن ويخرب
مكياجك مثل كريمات الاساس الباقية واللي بشرتهم دهنية لايترددون
ياخذون هالنوع لان فيه تحكم بالزيت جداً عالي اما النوع الثاني فهو الذهبي وهو للبشرة الجافة ويناسبها جداً لانه يعطيها
منظر مرطب ويبعد عنها الجفاف وهذا الشي يخلي البشرة لها منظر جميل
مو ناشفة ومقشرة الكريم بالنوعين يخفي الهالات السودا * مو بشكل كامل اذا كانت واضحة *
ويخفي حبوب الشباب او يخففها اذا كانت كبيرة ، برضو يخفي عيوب الوجه
من حفر وتصبغات ويوحد لونها نزلوا منها حالياً وبكمية محدودة لون اورنج والمميز عنهم انه فيه فيتامينات
تغذي البشرة وللي يهتم ببشرته ويحب يغذيها بيناسبه اكثر .. بالنسبة لي
ماحسيت بالاورنج فرق لكن امي ناسبها جداً واخفا لها التجاعيد ETUDE HOUSE بي بي كريم هالشركة له درجتين وحدة فاتحة ووحدة اغمق منها .. للبيضا
وللبشرة السمرا
جربت انا للبشرة الفاتحة وحسيت افتح شوي من بشرتي بس اهم مميزاته
تغطيته جدا ثقيله يعني يناسب مكياج السهرات او العزايم الكبيرة برضو
يعطي البشرة مظهر ناعم جداً وكانها بشرة طفل
بس من عيوبه انه ثقيل على البشرة عكس باقي البي بي كريمات . من اهم مميزاته التغطية + الحماية من الشمس + معالجة التجاعيد Missha هالشركة تعتبر من اشهر الشركات بالبي بي كريم .. وموجود منها فروع في
المملكة العربية السعودية لكن للأسف البي بي كريم حقها لهم فتره مايجيبونه
ولا أدري وش السبب يمكن لان مالقوا له رواج هنا ..
بالنسبة لي ماجربته .. لكن الكثير يمدحونه وله درجتين مثل الايدويت هاوس
واهم مميزاته التغطيه يقولون تغطيته كويسة وبرضو يناسب اللي بشرتهم
سمرا .
اللي بشرتهم دهنية ماتنفعهم هالماركة لان مافيها تحكم بالزيت الموجود
بالشرة وتناسب البشرة الجافه والعادية اكثر . it’s skin هالكريم ماكان عندي نية اجربه او اشتريه .. لاني ماقد سمعت مدح له بس
لمن سافرت واختي دخلت المحل بتتفرج نشبت فيني وحده تشتغل بالمحل الا
تشترين فقلت بما اني حقل تجارب للبي بي كريم عطيني بي بي كريم
الماركة اجربه
بصراحه جربته مرتين للآن من جيت .. الكريم حلو مو سيء ابد تغطيته
حلوه بس ماناسبني لاني احط مكياج خفيف وحسيته ثقيل شوي على
مكياجي .. يعني مثل حكاية ايدويت هاوس بس لاحظت نهاية السهرة
انه بشرتي طلعت جداً جميله بعد ماخف الكريم وصارت صافية .. فقررت
مره ثانيه احطه قبل المشوار بست ساعات عشان يعطيني النتيجة اللي
ابي skinfood هالشركة لها اكثر من نوع من انواع البي بي كريم ، انا جربت الجديد اللي بالخوخ
كان عادي بس تغطيته مو مثل باقي الكريمات كان ثقيل جداً وطلع وجهي مدهن .. ميزة هالشركة ان كل منتجاتها
طبيعيه ومن الطبيعة يعني وانتي تستخدمينها تثقين ان بشرتك بتتحسن
وتتعالج ومالها اي ضرر ولله الحمد .. برضو اللي يجذب لهالشركة اسعارها
المناسبة اكثر من باقي الشركات ، ولهالشركة فروع في الامارات وان شاء الله
يفتحون عندنا بالسعودية قريب
بالنسبه لي منتجاتها الثانيه حقت العناية ناسبتني اكثر من المكياج Xx وطبعاً مو بس هذي الشركات فيه شركات كورية كثيرة ويابانية وصينية بس
طبعاً الأساس وافضل الشركات اللي هي الشركات الكورية وهي الأكثر انتشار
بالعالم وخصوصاً في أمريكا .. لأن البي بي كريم بالسنتين الأخيرة انتشر
انتشار كبير في امريكا واوروبا وبرضو الشركات العالمية مثل ماك نزلت بي بي كريم .. بس نظراً لسعره الخيالي
وتوفر البديل من الشركات الكورية واللي ممكن يكون افضل ما اشوف احد مدحه
او تكلم عنه كثير
كيف اعرف الكريم المناسب لبشرتي؟
طريقة وضع البي بي كريم بي بي كريم قبل وبعد ريفيو لماركة skin79