Make Up For Ever تجاربي بالصور

1. 2- Concealers أو خافي العيوب - استخدمت كمان 3 أنواع وهي :


2. Lipstick - 7 أو الأرواج


3. Lipstick Palette


4. سعرها كمان 79 ريال والله أعلم

السلام عليكم ورحمة الله وبركاته ..
حبيت أنزل لكم تجربتي مع مكياجي من ماركة
( Make Up For Ever )
عشان نستفيد من تجارب وخبرات بعض وعشان خاطر أختي (بيروتيه ) ..
وراح أذكر كل منتج بالسعر والصور وتجربتي ورأيي فيه
بسم الله نبدأ
1- Foundations أو كريم الاساس - جربت 3 أنواع وهي :
هذا النوع الاول وهو عبارة عن كريم أساس ثقيل شويه أنا عن نفسي أستخدمه للسهرات لاني ما احسه مناسب للمكياج النهاري .. أعطيه 80 % حلو ويخلي بشرتك صافية .. سعره على ما اظن 149 ريال
وهذا النوع الثاني وهو كريم أساس مطفي وخال من الزيوت ينفع للبشرة الدهنية ويعتبر خفيف بس أنا
عن نفسي ماعجبني ما اعرف احسه يبين وجهي شاحب يمكن عشان بشرتي جافة وماناسبني
وهذا النوع الثالث ويعتبر أفضلهم بالنسبة لي من ناحية التغطية والاضاءة ومناسب جداً للسهرات سعره 179 ريال اذا ماني غلطانه

2- Concealers أو خافي العيوب - استخدمت كمان 3 أنواع وهي :

النوع الاول عبارة عن علبه فيها 5 أقسام كل لون له وظيفة بس بصراحه نهائي ماعجبني ولا أستفدت منها سعرها تقريباً 149 ريال وماحسيت لها اي اثر ..
النوع الثاني جداً عادي ما استفدت الا من لون واحد هو اللي ناسبني وتغطيته تمام بس الالوان الاربع الباقي ماناسبتني تغطيتها سعرها تقريباً 149 ريال وعن نفسي مستحيل أشتري مرة ثانيه علبه فيها كذا لون لان احتمال كبير مايناسبني الا لون واحد ..
النوع الثالث full cover أو التغطية الشاملة وهو عبارة عن سائل ثقيل جداً .. بالنسبة لي ماعجبني نهائي لاني احسه ثقيل مرة كاني احط قناع وانا احب المكياج يكون مريح وبسيط .. وتغطيته تعتبر جيدة .. سعره والله ناسيه بس بحدود 120 الى 160 ريال ..
3- Matifying Base أو البيس
هو عبارة عن سائل شفاف ناعم جداً يخلي ملمس البشرة كأنها مخمل .. عجبني انه خفيف ومناسب مع كل انواع المكياج لانه شفاف سعره تقريباً 120 ريال ..
4- Loose powders أو البودرة السائبه
عبارة عن بودرة سائبه وتعطي اضاءه حلوه اعتبرها ممتازة بس سعرها آسفه نسيته
5- Compact powders أو البودرة المضغوطة :
هذي النوع الجديد وسعرها تقريباً 129 ريال حلوه بس احس فيه ماركات ثانية احسن منها خفيفة جداً ..
للأسف النوع القديم كان أحسن بكثير بس خلاص ماصار موجود ومالقيت صورته
6- MASCARA أو الماسكرا
بصراحه وبدون مبالغة هذي الماسكرا تعتبر أسوأ ماسكرا جربتها والله احط ما كأني أحط حتى مويه لدرجه اني شكيت انها فاضية وغلطو واعطوني اياها من جد سيئه وسعرها نسيته للاسف

Lipstick - 7 أو الأرواج

Lipstick Palette

عندي منها ثلاث علب .. واحدة زي اللي في الصورة درجات الأحمر عجبتني كثير ووفرت علي .. يعني فيها بدل الدرجة 5 درجات ..وواحدة درجات الفوشي وواحده درجات البنك الفاتحه وكلها حلوة وسعر الواحده 149 ريال .. بس الآن صديقتي تقول صارت أغلى وأرواجهم تغيرت جودتها مو زي أول
Lipstick >> شريت اثنين
درجة الفوشي الغامق روعه بصراحه
ودرجة البنك الفاتح تقريباً زي اللي في الصورة ( اللي طايح ) نعوم كل صديقاتي عجبهم سعر الواحد اظن 79 ريال ..
STAR POWDER-8 أو الاضاءة تحت الحاجب ..
شريت درجتين الأبيض والذهبي
تجنن ماشاء الله من أحلى الاضاءات اللي جربتها وتجلس معاك سنين ماتخلص
سعرها كمان 79 ريال على ما اظن
وهذي صورة لقيتها توضح اللمعة مع درجات الالوان
DIAMOND POWDER-9 أو الكلين
شريت كمان درجتين الفضي والذهبي
روعه ماشاء الله لمعتها غير وتطول معاك مايحتاج الا كمية بسيطه منها وبس

سعرها كمان 79 ريال والله أعلم

وهنا نوصل لنهايه الموضوع والحمد لله .. أتمنى يحوز على أعجابكم وتشاركوني بآرائكم وتجاربكم

• ملاحظه :
• الاسعار نهائي مو متأكده منها لان فيه بعض المنتجات له فتره طويلة عندي ونسيتها بس الاسعار تقريبيه يعني مو تماماً ..
• المنتجات اللي ناسبتني مو شرط تناسبك والعكس لان كل بشرة ولها طبيعتها وكل بنت ولها ذوقها

==============================
تقبلو خالص حبي وتحياتي