oOo زل لسانك عند أبو الشباب آآآآآآآه ياولي من هالزلاتoOo

1. السلام وعليكمو


2. ازيكو ياحلوات حواء وايش اخباركم ؟؟؟؟؟؟؟


3. يا إلهي ما بغيت إلا نفسي على هذي التحقيقات


4. ابد وانا احتسب الاجر عند ربي في صبري هو مومقصر بس زلاه وهو ماسكنه علي

السلام وعليكمو

ازيكو ياحلوات حواء وايش اخباركم ؟؟؟؟؟؟؟

اليوم يابنات جايبتلكم موضوع من منطلق موقف صار معي الا وهو زلاتن اللسان عند وآآآآآآه وألف آآآآآآه من هالزلات اللي تخليني في موقف لا أحسد عليه ويصير التكفيخ والهوشه الصجه بسبب زله اللهم اكفنا شر اللسان ....
المهم بقولكم موقفي الاول هذا ياخواتي وانا جالسه وقت القيلوله انا والاخ المحترم وكنا نتكلم على اللحيه وقرارات الحلق وهالامور وفي وسط المناقشه زلت الكلمات من لساني وماحسيت الا ووجه الاخ مثل كذا
وكانت الزله اني قتله ايه هم يبونكم تحلقون اللحيه وتسونها سحبه من عند الاذن لان هذي الموضه هالايام
فكر الغالي شوي وبعدين رد علي وقال ماحد من اهلنا هنا مسوي السحبه على قولتك ولا احد من اخوانك من وين شايفتها يا ست الحسن والجمال
والله اني لجمت ماعرفت وش اقول كان لساني ناوي يزل ويقوله شفتها في السوق بيقولي وكيف تناظرين بالرجال بقوله النظره الاولى
بس بحمد من الله ومنه دق تلفونه بنفس اللحظه ويوم رد مسكت طرف ثوبي وجري لعند خالتي لان بيتي في قسم من بيت اهله وماصدقت اوصلها جلست لين اخر الليل علشان ينسى والحمد لله يوم رجع لقيته نسي السالفه كلها
....
مرة جايبة فواحة بنكهة الفراوله واحطها بغرفة النوم كاشخه
المهم سألت زوجي قلت حلوة الريحة قال ايه
بس كأنها ريحة معسل انا هنا قلت ايه معسل بالفراولة خ
هنا صار وجه زوجي كذا
وش دراك ان المعسل له نكهات انا انلطمت
ماادري وش اقول قلت اسمع جرايد نت والناس
ويهاوش عاد انا قمت ورحت عن خشته الين تهداء الاوضاع
بس الزين انهم ينسون او يتناسون والله ماادري
وبس
انا مرة اطالع مسلسل الحجاج
قلت لزوجي يااخي من عرفنا الحجاج وهو دميم الخلقه وقصير و
وراهم حاطين هالمزيوون ؟؟
كان البطل عابد فهد <<المشكله انه شيب معد هوب مثل منول ايام مرايا
الرجال طارت عيونه انا تدوريني ماتلقيني بئيت في نص هدومي
..
وأنا بقولكم موقفي أول ماتزوجت كنا قاعده وزوجي نسولف وزليت بلساني وقلت
زوج أختي ماشاء الله جميل ووسيم وهو فعلا كذا وحسيت أن زوجي كأن أحد صب عليه مويه بارده وسكت على طول وتغير لون وجهه
والحمدلله عدت على خير بس والله الى الحين يذكرها مع انه مر على زواجي 6سنوات بس شكلي جرحته.......................
أنا أذكر مرة قال زوجي اليوم بتأخر شوي في الدوام
فقلت له ليش تشتغل في الجيش وعندك يوم طويل وأنا ما أدري
قال ليش الجيش متى عندهم اليوم الطويل
قلت له الثلاثاء ... في الصيف لين الساعة 4 العصر والشتاء 5 العصر
بكل براءة
قال وانتي شو عرفج؟؟ أنا رجال وماعندي فكره عن دواماتهم
قلت له نسايبي دوامهم جذي فخواتي يوم أزواجهم يداومون هم يداومون في بيت أبوي فحفظت الجدول

يا إلهي ما بغيت إلا نفسي على هذي التحقيقات

الأول كنا نتمشا في السياره ومنزلين الجامات ونناضر المناضر الخلابه ومرينا من قدام قهوه(شيشه)واشم لكم ذيك الريحه الزينه استنشق بصوت عالي واقول الله وابو الشباب يفكرني مستانسه بالطلعه ويقولي خير وهو يضحك وارد عليه يازين ريحة المعسل والرجال:angry 2: استخف كيف تعرفين انه معسل وانا خلالالالالالالالالالالالالالال اص ماقدرت اتكلم
الموقف الثاني كنت تعبانه في رمضان اتوحم ورحنا المستشفى واول ما وصلنا إلا نشوف رجال مطلع حرمته وشايل ولده الصغير وفرحان يبوس في الولد وثنتين حريم واقفات عنده عاد تعرفين سوالف العبايا الضيقه والشباصات العماير والمياعه في المشي المهم ابو الشباب الله يطولي في عمره يارب يطالع في الريال وانا عاد اوني صدته اقوله وين تطالع قالي في الريال قلتله لا في الحريم قال والله ما اشوفهم وعاد انا اطلع من السياره واكسر الباب وراي قصدي اسكر الباب وراي وزين ما انخلع الباب
وبعد ما خلصت واحنا راجعين اقول له مسكينه وحده تطلق وتبكي واتصلوا في زوجها وودوها غرفة الولاده ومسكين زوجها جا ركض خايف شكله
قالي من وين هو (يعني من اي جنسيه)
قلتله يحليله شكله زلمه بس ملتحي ولابس كندوره
هنا ا خلاص انقلبت السالفه على راسي قالي انتي تطالعين في الرجاجيل ياو يل حالي والله ما طالعت حد قال كيف تقولين شكله ملتحي ولابس كندوره
ياكثر الزلات منها انادايما اتكلم عن البلوتوث القذر واللى فيه قله ادب ودايما اذا قالىجالى كذا اقول له حرام احذفه ترا اذا ارسلته لاحد ايكون عليك اثمه واثم كل اللى شافوه بسببك المهم ذاك اليوم كنت عند اهلي ووحده من اخواتي ورتني شي زي كذا هزاتها وقلت لها حرام وعلى طول رميت الجوال جا زوجي من بكر قال جالى بلوتوث كذا وكذا قلت وع قليل ادب قال وش دراك عنه والا حلال على اهلك حرام على ههه
ذكرتوني في شهر العسل قاعدين نستى الرحلة ومر من قدامي رجال شايلة معاه اله موسيقية اطول منه وبصراحة جالسة اطالع اول مرة اشوفها ومادري الا زوجي يقولي بس خلاص ماخليتي في الرجال شي والله انحرجت ماكنت اطالع في الرجال في اللي على ظهرة وللحين يذكرني فيها واقعد احلف اني ماطالعت في الرجال اطالع في اللي معاه....
انا بالنسبه لي زوجي يحب اني اكون (قطه مغمضه) لو اقوله اني قرييت قصة وحده صار لها كذا وكذا وانحرفت ينهبل يقول انتي ليش تقرين هالمواضيع وبعدين انتي ايش تفتحين بالنت واحلف له ان هذا منتدى للاستشارات النفسيه وانا صادقه طبعا واقوله انا مره احب اثقف نفسي واحب اعرف كيف تعالج الامور.
المهم اني كل مره اقول ماني مسولفه له ولا راح اقوله اي قصه اكون قريتها بالنت بس ترجع حليمه لعادتها القديمه واقعد اخق له كل الي قريته ويرجع يتنرفز.
هلين مره كنت قعده عند زوجي نشوف التلفزيون برنامج اعتزال لاعب الهلال سامي الجابر وتقديم الهدايا علشان اعتزاله وكانت هدايا على مستوى مبالغ ماليه وتذاكر سفر الى اوربا وقلتله الله يلتني زوجته دوريني ماتلقيني قال وشوا قلت اقصد يحظ زوجته وانا هذا الي كنت اقصده قالي قومي نومي اصرف
اما انا دايم اذا اعصب اقول كلام مو في مكانه وكلمات قواي في حقه المهم من كم يوم
انا زوجي طالعين بالسياره ونسولف وضحك وهيك شي
وكن نتكلم عن موضوع وقال انا ماقدر اصبر وكذه واذا صار فيني شي فهو منك ومن القهر وكذه
انا قلت اله وانا بعد مب صابره عليك وابي كل الي خاطري فيه ومدري ايش ولاعلي من وضعك
تقدر ولا ماتقدر
المهم طال الكلام وصار جد وقلت اله انه كرم مني اني صابره عليك وعلى حالك
والله يابنات انه موقصدي الكلمه ذي

ابد وانا احتسب الاجر عند ربي في صبري هو مومقصر بس زلاه وهو ماسكنه علي

اما انازلتي غير نتكلم عن الهدايا ولماوصل الموضوع لحدته قلتله بعد عيني يافلان جايب لزوجته ساعه الماس اهوطالع فيني وقالي قومي انتي مره ماتستحين بعد عينك ها والله تدوروني ماتلقوني كرهت الهدايا من يومها عاد جت من صالحه هالسالفه
ابقولكم موقف وحد قريبتي
قالت لزوجها يوم وهم قاعدين يتقهون بعد المغرب يافلان والله ودي اروح عند اصحابك اتعرف عليهم
الرجال ماكمل فنجان القهوه وقام وش وش تقولين قالت والله موقصدي شي انا قصدي اروح عندهم علشان اتعرف على حريمهم بس وين خلاص الرجال ماعاد يسمعها يقول الحرمه السنعه تثمن الكلمه قبل تطلع من فمها
مره الاسبوع اللي قبل اليراح فهمتوي شاعر الملون كان من المرشحين خالد العتيبي وااخف يطلع لانه تقريبا احسن واحد غير كذا ارتح له ويعجبني مرره خصوصا من شعره عن الرسول
المهم قاعده اكلم زميلتي وانا اكلمها اقول العتيبي طلع قال ايوه قلت ياروحي طالع فيني بنظره استغراب وابتسم طبعا هو مااستغرب الا لاني قلتها وزميلتي ع السماع يقول انا عاادي متفهم وعارف شعورك بس عاد مو قدام صحبتك تقول ان مالي هيبه ولاغيره ولا شي
واول الزواج طبعا خواتي تزوجي قبلي بثلاث سنين ومتعوده على حسين وسعود اسماء ازواجهم
وتشوفوني اول الزواج بكل دلع وتميع بدل عبود حسين سعود واخر شي اجيب عبود
ومره تزاعلت انا وياه اول الزواج قلت انت اصلا مورجال والله بصراحه زعل وحمق ومن يوم يومها ماعاد ازيده واذا تذكرها اللحين يقول صدق تزوجت طفله خ
اتحفونا بزلاتكم
ياحرام حسيت اني جرحته خ......................