pink الجزء الثاني باقي يومين على زواجها وطلقها والسبب pink

1. يطلقها والا يطلق الثانيه وهي اختارها وطلق الثانيه .


2. هذي ردود ضدها صاحبة القصه

اهلين بالفراشات نقلت قبل فتره قصة
على هذا الرابط :
(باقي على زواجها يومين وطلقها والسبب؟؟
وراوية القصه بنت عمرها 43 سنه ما تزوجت وتتكلم عن صديقتها 29 سنه انها انخطبت من متزوج وملك
عليها بدون علم زوجته لمراعاة مشاعرها والزوجه الثانيه جهزت نفسها و جهزت فستانها ومن حماستها
ولهفتها على الزواج شرت كتب حسن تبعل الزوجه لزوجها وكيف وضعها كزوجه ثانيه بشكل يرضي الله
والزوجه الاولى عرفت وخيرته وقالت: يا تطلقها يا تطلقني واختار الاولى لانها ما يبغى يهدم بيته ويشتت
عياله وهي زعلت وتعبت نفسيتها.
البنت الى الان زعلانه وتبكي ليل نهار وفستانها قدام عيونها و جهازها وكتبها وحتى الهدايا الي جت من
صديقاتها كل اغراضها مرميه في غرفتها , وراوية القصه الي هي صديقة الزوجه الثانيه تتحسب على
الرجال وزوجته وتقول ليش يخطبها اذا هو من قد الزواج وليش طلقها بعد ما جهزت نفسها وتقول ان قصر
الافراح عيو يرجعون لهم فلوسهم (العربون) وان الزوجه الاولى انانيه وظلمت الزوجه الثانيه لما طلبت من
زوجها ان يطلق الثانيه .
تخيلو طلعت الزوجه الاولى اصغر من الثانيه الاولى بين 22 و 25 والثانيه عمرها 29 يعني الرجال تقريبا في
بداية الثلاثينيات وبينهم عيال طيب مو حرام الزوجه الاولى في مقتبل العمر وعز شبابها و اول سنوات
زواجها مو حرام بيتها ينهدم مو حرام ينكسر خاطرها اذا الثانيه على قولة صديقتها تبكي ليل نهار ونفسيتها
دمار تلقين الاولى مو بس بكت لما عرفت الا بكت دم وانكسر خاطرها بعد واكيد انها زعلانه من زوجها
وماخذه على خاطرها منه حتى لما طلق الثانيه لانه باعها وهي ما اجبرته ان يطلق الثانيه هي خيرته يا

يطلقها والا يطلق الثانيه وهي اختارها وطلق الثانيه .

هذي ردود ضدها صاحبة القصه

هي الغلطانه ليش توافق بدون علم زوجته ليش تهين نفسها تصبر ويجيها رزقها يله وش استفادة يعني بتتزوجه بدون علم حرمته والله جاها حقها الوحده تشوف نفسها ماتبي زوجها يتزوج عليها وهي في تمام العافيه وش العذر يبي تكاثر النسل يخلي ام عياله تجيب بدل الخمسه عشره مهوب عذر وسامحيني على صراحتي
اسمحيلي اختي بس الغلط منها المفروض تقوله ما اتزوج بالسر ولازم تعلم زوجتك
بعدين الي خطبها مب رجال المفروض يكون عند كلمته
شوفي انا مب ضد الشرع بالتعدد بس اسمحيلي بايامنا هذي لا لان الرجل كل همه وناسته وبس مايهمه تكوين اسره او الاجر
واصلا مافي عدل وكله مشاكل وطلاق
الله يعوضها إن شاء الله خيره لها
اولا الله يعوضها برجل افضل منه
ثانيا الزوج ليه يخبي عرسه
كان من المفروض عليه انه يقولها
ويشوف ردة فعل زوجته
مشكلة بعض الازواج يحسبون الحريم سواء
بعض الحريم اذا خطب زوجها
تفوض امرها لله وتحتسب وتصبر
لكن البعض غصب عليهن
ماتتحمل زواج زوجها
وكل وحدة وطاقتها وشخصيتها
المفروض ان اهل الزوجة الثانية يشترطون
ابلاغ الزوجة الاولى بأمر زواجه
مو يتكتمون ويحددون الزواج
وزوجته ياغافل لكم الله
احيانا تكون الزوجة الاولى مرتاحة بحياتها
وماقصرت على زوجها بشي
يجي فجاة يقول لها ابعرس!!
اكيد بتنصدم وبتتصرف اي تصرف ممكن يحافظ على بيتها
وعلى فكرة
مااحد يحس بشعور زواج زوجها عليها الا اللي مجرب
زواج الزوج شي مب بسيط
بما ان الزوج استخار وهون عن الزواج
معناته ان زواجه مب شي ملح
يعني لو انه فعلا بحاجة للزواج الثاني
كان ماهون
لان كثير من الزوجات الاولات هددن بالطلاق
ومع ذلك ازواجهم نفذوا اللي بروسهم
وبعض الازواج يفكر بعواقب الامور
وبعضهم لا مايهمه
زوجته تتطلق او تروح لاهلها
اهم شي انه ينفذ اللي براسه
هذا درس لكل وحدة يتقدم لها متزوج
انهم يشترطون انه يبلغ زوجته قبل الملكة
موب يتكتمون ويخططون واحيانا يقول بقولها بعد الزواج
وعادي عندهم
يقولها قبل او بعد
اهم شي يتم الزواج
وهذي الحياة
الزوجة الثانية انكسرت فرحتها
بسبب ان الزوج هون
طيب لو تم الزواج
هي بتفرح وبتنبسط وبتعيش احلى الليالي
الرومانسية
لكن زوجته الاولى بتنصدم وبتعيش اسوأ ليالي بحياتها
وبتشوف بعيونها زوجها شريك حياتها
عايش بفرحة وبوناسة
واحيانا يتصرف تصرفات قدامها
ومايراعي شعورها
وهي تتألم وتبكي واحيانا تترقد بالمستشفى
طيب هل زوجته الثانية بتفكر بشعورهها
الحرمه من حقها تتزوج ما قلنا شي لكن مو من حقها تهدم بيت البنيه
وتاخذ منها زوجها واكيد لو اخذها ما راح ترضى ياخذ عليها ثالثه ورابعه
انا بصراحه رحمت الاولى في هذي القصه زواج الزوج مو شي سهل
وبعدين راوية القصه تقول انها بتبيع جهازها وشوفو ردها
بنات من يبي يتشري من جهازها
وربي روعة كل شي
حتى اهي روعة تهبل
منقول