The Body Shop بودي شوب

مرحباا
صباحكم روز ... و مسائكم مسك
حابه نتكلم عن Body Shop و عن كل منتجاته
يعني كل واحده تدخل تقول لنا شنو جربت من Body Shop و عجبها و تنصحنا نشتريه
و شنوو اللي أخذته و ما عجبها على شان نتجنبه
عموما بودي شوب بشكل عام .... للبنات اللي تحت ال 25
أما اللي أكبر ما راح ينفعهم أبدا
يعني مو مثل منتجات Dior
بودي شوب ما تخفي لا هالات سوداء ولا خطوط تحت العين و لا شد للبشره
لأن بودي شوب كله من مستحضرات طبيعيه
لحماية البشرة في هالسن
للحماية فقط .... و حطي تحتها خطين بالأحمر
لأنها ما تعالج هذاك الزود مثل ما قلت لكم من قبل
المهم
اللي جربته أني جزء من مجموعة فيتامين E
و هي أكبر مجمووعة في البودي شوب
أستخدمت مرطب الشفاه
فيه ريحه شووي .. حلوه
و حسيت أن بشرتي رطبه أول ما حطيته
توو أستخدمه فما راح أقدر أتكلم لكم عن نتائجه كثير
سعره ... 20 ريال
كريم العين
تستخدميه مرتين الصباح و الليل
ملاحظه مهمه كثير ... إذا راح تستخدمي كريم العين تحطيه على العظمه بس
أبدا ما تدخليه على الجفن لا اللي تحت و الا اللي فوق
فوق تحت الحاجب ( على العظمه ) ..... و تحت بعد ( على العظمه )
مثل ما وضحت لكم بالصوره
( عند النقطع السوداء .... تضغطي و تحركي إصبعك بشكل دائري )
ولا تخافي راح يوصل الكريم للجفون ... لأن هالمنطقه لها المقدرة على توصيل الماده لفوق
( هذي الطريقة تستخدم مع كل كريمات العيوون )
واقي الشمس
واقي الشمس ضروري مره لكل واحده تطلع من بيتها وقت الصباح أو الظهر أو العصر
لأن الشمس مره ضاره للبشره مثل ما كلكم عارفين تؤذي البشره وتسبب لها التجاعيد المبكره
سعره .... 57 ريال
كريم لليدين و الأظافر
ب 44 ريال
كريم مزيل مكياج
يحتاج أقول قد إيش ضروري تزيلوا المكياج قبل النوم ؟
ما أظن لأن أكيد كلكم عاارفين أنوو ميصير تنامي و الميك آب بووجهك
هذا الكريم لازم تأخذيه مع القطن من بودي شوب ما يصير تستخدميه بالمناديل العاديه
لأنها تخدش البشرة
موجود عندهم بعد مناديل إزالة المكياج .. لكن الكريم أفضل منها
حتى لو تسألي العاملين بالمحل بيقولوا لك هيك
و هذي هي المناديل
كريم النهار
موجود عندهم ثلاثة أنواع من كريم النهار
1. عادي للبشره العاديه
2. للبشره العاديه ... يعطي لون وردي لطيف للوجه ( و هو اللي أني أخذته ) ب 72 ريال
3. كريم نهار للبشره شديدة الجفاف
كريم الليل نووع واحد بس
ب 69 ريال
غسول للوجه
و آخيرآ ..... التونيك
وهو .... أهم أهم أهم شي
لو ما إستخدمتي التونيك قبل الكريمات ... راح تطلع لك بثور على المدى القصير
يعني لازم كل ليله
تنظفي وجهك بغسول الوجه فيتامين E
جففي بشرتك من الماي ... شووي بس مو كثير ... خليها رطبه
و بعدها تأخذي قطن دائري مضغوط من بودي شوب
ب 15 ريال
و حطي فيه قطرات من التونيك و أمسحي بها وجهك و أفركي بلطف لحتى تطلع الأوساخ
إذا ما كان وقت نووم حطي لك كريم النهار
و بعدها مرطب الشفاه و كريم العين
أما إذا كان وقت نوم
بعد التونيك تحطي كريم المساء و كريم العين و مرطب الشفاه
( ما تحطي أي كريم إلا إذا جف اللي قبله )
هذا بالنسبه لمجموعة الكريمات و المنظفات اللي أستخدمتها ( و أهي شي لا تنسون واقي الشمس لا تطلع لكم التجاعيد بسرعه )
و في عطر إستخدمته من بودي شووب
مره ريحته حلوه و لطيفه ... يصلح للصباح رووحتك المدرسه أو الجامعه
بس ريحته ما تبقى لآخر الدوام ... يعني يبغي لك كل فتره تحطي رشتين
ب 117 ريال
و أستخدمت مبرد الأظافر اللي من أربع جهات .. خطير
و الله من أستخدمه أجلس لي ساعه معجبه بإيدي
هو مبرد و هو ملمع و الله كأني حاطه مناكير لماع على يدي
و يظل فتره طويله يعني أيام
يخلي اليد جذابه ... حتى لو أظافرك مو طويله تصير حلوه
و إستخدمت نوعين من الفاونديشن ... مرره أعجبوني
يعطوا شوية إضائه
و هذا الثاني فيه كمان واقي الشمس و فيتامين
وبس
ملآحظه ... الموضوع من مجهودي الشخصي
تعبت عليه كثير ... فما أسمح لأي أحد ينقله بدون ذكر المصدر رجاء
ويلا بإنتظار مشتريات ال Princesses
علمونا كل شي إشتريتوه من بودي شوب
سواء إشتريتوه أمس ولا قبل سنتين