We will do it

بالنسبة لي:
الطول: 152
الوزن: 77
الهدف: 60
النظام: تخفيف أكل + تمارين و رقص أو التمرن على الأوربت تراك!
*بالقروب الأول كنت انا اكثر وحدة اخبص بشكل مو طبيعي وما كانت عندي عزيمة ولا ارادة! كنت محبطة بشكل يجيب الاحباط "احلفي ياشيخة ههه" ومانقصت الا كيلو!
بس هالمرة غير ان شاءالله
انا من يوم الاحد بديت عشان كذا بقول لكم وش سويت من يوم الاحد!
الأحد:
الفطور: حبة توست ابيض محمصة "مالقيت بر" + شريحة جبن لايت + كوب صغير شاي بِ سكر الدايت
الغداء: صحيت 4 العصر مالقيت دجاج صدور رحت أكلت 5 ملاعق رز + ملوخية
العشاء: زبادي لايت
النشاط: تمارين شد الجسم + الرقص 10 دقايق
الأثنين:
الفطور: بيضتين مسلوقات + كوب شاي صغير بِ سكر الدايت
الغداء: صدر دجاج مشوي + خس
العشاء: زبادي لايت + مع ملعقة صغيرة عسل "احب طعمه 3> جربووه مررة يممي"
النشاط: تمارين شد الجسم
"اليوم الاول خربتها شوي بالغداء عشان الرز الابيض! حتى تنكدت عقب ماشبعت بقوة"
"بالنسبة للدجاج انا اتبله فقط بِ صويا صوص عشان الطعم وأخليه قطع متوسطة عشان أشبع بسرعة وأدهن المقلاة بِ زيت زيتون"
"وطبعاً ما نسيت شرب الماء و الشاي الاخضر"
أنا غايبة هالأسبوع كله
مع هالاسبوع + الاسبوع القادم أن شاءالله أخف قبل تجي المدرسة ان شاءالله لو شوي بس بس يبان علي 3>
عشان كذا تحمست وحبيت أنتهز هالفرصة!
مع اننا راح نستمر بإذن الله لمدة شهر أو أكثر اذا فيه حماس وتشجيع لبعض 3>
بإنتظاركم 3>

موفقين

طيب وانا معاك انا اشتركت بقروب بس
كمان بشترك معاك زيادة حماس
الطول: 159
الوزن: 94 ونص
الهدف: 70
النظام: مافي نظام معين بس ممكن نقول رجيم قاسي شوي
وراجعه لك قلبي
BRB

تالين**
ياهلا والله فيك تالين!
أول مشتركة
أوكي بإنتظارك
وحياك الله 3>

الثلاثاء:
الفطور: بيضة مسلوقة + برتقالة + كوب شاي صغير بِ سكر الدايت
الغداء: صدر دجاج مشوي + خس
العشاء: والله اني مستحية! وش اقول اني اكلت ووش ما اكلت
جو عندي بنات عمي اخذت لي فنجالين قهوة مع حبة تمر برحي "الاصفر"
بعد كذا الساعة 8 , شربت بيرة فراولة + بوب كورن + شوية شبس ليز حار + صوص الزبادي مع الليمون بصلصة سومطرا الحارة
اعواد البسكويت المغطى بالشوكلاته وقطع البندق + شوي بسكويت بالشكولاته!!
مع اني مقنعة نفسي اني اوقف عن الشبسات والتشوكلت ..
بس مع كذا يعني اللي اكلته من غير ما احس ونسيت!
التشوكلت ما احبه زي اول يعني بس اكله اذا محشو ببسكويت او اعواد بسكويت
والغازيات بتركها شوي شوي ان شاءالله واحول للعصاير الفريش ,
خصوصاً البرتقال عشان الفيتامين
بعد اللي اكلته ماتعشيت <~ يعني ناوية تتعشين مثلاً عقب اللي اكلتيه ههه
شربت شاي اخضر بعد مرور نصف ساعة
بعد مرور نصف ساعة اخرى
سويت تمارين شد جسم + رقص 10 دقايق
لما جمعت الدقايق وحسبتهم صارو نص ساعة! وكذا شيء كويس الحمدلله
عموماً بمسك نفسي ان شاءالله عقاباً للي سويته وخربطته
منتظرة الباقين ما اشوف غير مشتركة وحدة معي!!

ام طيب عمري 24
متزوجه ولي 3 اولاد توام وولد توني ولدته عمره 6 اشهر
طبعا قعدت 6 سنوات ماعندي اطفال والحمدلله
جبت التوام وحملت باخوهم بعد 6 اشهر
وزني الحين 94
هدفي الاول 89
هدفي الثاني 80
وهدفي الثالث 75
والاخير ان شاالله ياكريم 65
قبل حملي بالتوم كان وزني 94 وسويت رجيم وتخفيف ورياضه وكل شي لمن وصلت 70
بس حملت فيهم انابيب والحمدلله
وبعد ولادتي سار وزني 89
وسويت دايت ونقصت الين 79 وحملت خ سبحان الله وانا كنت تعبانه مااحمل
والحمدلله جبت مشعل وناويه اسوي رجيم من اول وان شالله ارجع مثل اول
وبث هذي اهم معلوماتي <<وش ذي القرقه خ
BRB

ها انتبهي من الشبسات والشكولا
يالله عاد شدي حيلك مافي ممنوع << لازم شويت قساوه خ
يالله استناك ويالله مافي بنات يشتركون معانا

سلام صبايا
موفقات ودي اشترك بس توي لي يومين من سويت يومياتي ليته هالموضوع جا قبل ...
المهم نبغى جمعة بنات كذا نشيطات وحاسات فبعض ..
انا باذن الله اظمن لكمم دخلوي اليومي اذا اراد الله واحياني...
رح اعطيكم اخر اخباري واتناقش معاكم ...
وزني :كان قبل اسبوعين 86 والحين 84
طولي:160
هدفي:60 بادن الله
عمري:22
متزوجه عندي ولد
نظامي:
تخفيف بحيث اني ما ازيد عن 1200سعره يوميا يعني اكل كل شي ابغاه بس ما اتعدى سعراتي وبكذا انقص اسبوعيا كيلو وهذا خير وبركه ولمدة 30 اسبوع عشان انقص 30 كيلو وماتكون الرجعه في الوزن دبل او سريعه ،، وانا الحمدلله كل اسبوع من يوم بديت النظام انقص كيلو بالضبط
واليوم يوم الميزان ومارح اوزن الا لما انام كويس واصحى وبطني فاضي عشان يطلع القياس صح ،،

تالين**
ههه ياحبي لك هلا والله فيك وسهلاً
الله يخليهم لك يارب ويحفظهم ويعينك عليهم يارب
ان شاءالله ربي يسهل للجميع
حياك الله 3>