xx ألا يا كبر همي كل ما أظلم سوآد الليل xx

1. الهم طنشت الموضوع وخبرته ان الموضوع كذبx كذب لامخطوبه ولاهم يحزنون

السلام عليكم ورحمة الله وبركاته
اخباركم ...؟
بنات بدخل بالموضوع على طول
بنات مو عارفه من فين ابداء بالموضوع موب عارفه شنو ابغى بالضبط لكن اللي متأكده منه اني حابه افضفض وبس حابه ارتاح من ذا الكبت
مشكلتي اقاربي عقده عندي منهم مادري اعتبره حسد منهم لي او شنو بالضبط ماادري
لدرجة والله ماابغاهم يعرفوا عني اي شي صرت اخاف منهم يخربوا كل شي
يابنات انا تعبت من كثر الإشاعات اللي تطلع علي وكلهن { دبدوبة حايل مخطوبه }
ليش ماادري والله يابنات اختي تم على زواجه سنه وكم شهر ربي يسعده ومن بعد زواج اختي ماعاد شفت احد طق باب بيتنا يخطبن <-- الحمدلله على كل حال
بزواج اختي بعده بفتره تواجهت انا وحده من بنات خوالي قالت دبدوبه يقولو انك مخطوبه
أنا كذا علامات وجهي : المهم وبعدت ماستفسرت منه قالت من اقارب امه مخبرتهم انه بيوم زواج اختي فيه وحده تمشي بالقاعه وتقول فلانه بنت فلان اللي لابسه الفستان باللون الفلاني مخطوبه لولدنا وملكته بعد زواج اخته<-- اللي قاهرن ليش اختاروا بوقت الزواج يقولو الإشاعه

الهم طنشت الموضوع وخبرته ان الموضوع كذبx كذب لامخطوبه ولاهم يحزنون

مرت الايام وبدت الدراسه من جديد وكنت مرا بأحد المحاضرات في الجامعه دق جوالي وكانت وحده من بنات عمي اعطيته مشغول وارسلت اني انا بمحاضره المهم انه ردتلي تبغاني ضروري وخبرته بأي مبنى وبعد ماطلعت بساعه من المحاضره تواجهت انا وياه وسلمت علي وقالت مبروك دبدوبه
قلت وش عليه قالت يقولو مخطوبه ولما سألته منو قالت جدتي ( أم ابوي ) انكرت الموضوع وبعد مارجعت من الجامعه خبرت امي وقلت تأكدي من الموضوع كلمت امي مرة عمي ( ام البنت ) وسالته قالت لا والله لاسمعنا ولاهم يحزنون مع العلم ان بنت عمي قايله لي انه هي واخته وامه قايله لهم جدتي بعدها بأيام رحت لجدتي وجلست اسولف معه وسألته قالت لا ماقلته سكت وتركته
وقبل كم يوم فسرت حلم عند شيخ وسالني اذا انا اخاف من احد من اقاربي قلتله ايه اللي هي بنت عمي ذي لأن فيه مشاكل كثيره وصرت اخاف منها واتوقع منها اي شي المهم حذرني منها وقالي احافظ على الرقيه الشرعيه وانه لي اعداء كثا ر مع اني يابنات وربي مو مدح بنفسي لكن والله مستحيل اخطي على احد اغلب وقتي اضحك مع فلانه وعلانه واعطيهم وجه ومااحب اجرح احد ابد ابد ابد بس مادري منين جونن هالأعداء
المهم والله يابنات ماجا المغرب الا وجايتن رساله من بنت عمي ذي تبارك لي تقول اني مخطوبه والخ ولما سألته منو بعد اللي خاطبن قالت حمى اختي وانكرت الموضوع ولما سألته من موصل له الخبر قالت مرة ولد عمي تقول انه دبدوبه مخطوبه ل فلان ومحجوزه له وبعد ماتتخرج بيتزوجو انا باقي لي سنتين واتخرج المهم قلت بما اني مااثق ببنت عمي ذي خل اكلم اخته بحكم ان اخته مرا ملتزمه ماشاء الله عليه المهم كلمته قالت ايوا صدق وانه فعلا مرة ولد عمي تقول انه سامعته من ناس من اقاربي
يابنات رافعين ضغطي وش معنى هالإشاعات بالذات تطلع ولا وكل ماطلعت اشاعه الا انا اكون محجوزه
والله اغلب بنات اقاربي كل همهن اني اتزوج يوه دبدوبه شفيك سرحانه لايكون انخطبتي وجالسه تفكري والخ من الحكي عن الزواج والاشاعات اللي ذبحتني
ذبحني التفكير يابنات بالموضوع ذا لما افكر اقول ممكن ناس ناوين مثلا يخطبون وصلهم خبر بيقولو خلاص البنت محجوزه او مخطوبه الناس ماتدري ان الموضوع ذا اشاعه
ادري نصيبي بيجيني ان شاء الله لكن انا تعبت من الاشاعات تعبت والله تعبت
ثانيا يابنات انا 2 خطبوني وماعاد شفتهم صحيح ذولاء خطبوني قبلزواج اختي لكن ماعاد شفت لهم اثر
واحدخطبو واخذوا الرد وكنت موافقه وماعاد رجعوا ابد مع انا نواجهم كثيرر لكن ماعاد يجبوا طاري للموضوع ذا
والثاني دقت امه واخذت موعد وانهم جايين يخطبون وماعاد جوا وبرضوا كثير نواجهم
تعبت يابنات وربي مو قصة استعجال بس احيانا لما الشخص يجلس مع نفسه ويجلس يفكر بحياته تستوقفه اشياء يمكن يكون مو منتبه له ويجلس يسترجع كل الاحداث
بجد يابنات مو عارفه وش اقول اكثر
الله يعين بس