آآآآآآآآه ذبحني الهم واسوني بأي كلمة

1. مدري حسيت اني بحاجة اشكي .. بحاجة افضفض لبنات همومهم قريبة مني ,,,


2. وانا فالبيت لاوظيفة ولادراسة ولازواج

السلام عليكم ورحمة الله وبركاته
انا دائما متابعة لكم والله يفرج همي وهمكم بدايتا ً هذا المعرف مو لي ,, لقريبتي الله يجزاها خير ’’ وانا اول مرة اخذه منها ’’’

مدري حسيت اني بحاجة اشكي .. بحاجة افضفض لبنات همومهم قريبة مني ,,,

كتبت حالي والله مو اعتراض على قضاء الله وقدره ..بس اموت كل يوم اكثر من الي قبله من الوحدة الي انا عايشتها ..., انا يتيمة الاب متوفي من فترة الله يرحمه والمسلمين عندي امي واخواني
وآآآآآآآآه يابنات وش اقولكم ,, امي علاقتي معها سيئة سيئة لابعد درجة وساءت العلاقة بعد وفاة ابوي وانا قلبي معورني ..امي ابيها اقرب الناس لي بس للاسف ,,, دائما تدعي علي ودعواتها قوية تدعي علي بصحتي وبنفسي آآآآآه يابنات هي طبعها كذا اكيد بتقولون فيه سبب
فيه اسباب بس انا مالي يد فيها يعني عندي اخ يضربني ضرب مبررح معقد يابنات ولابعددرجة ولالي احد يأخذ حقي منه اموت من الهم والقهر والظيم اروح اقولها انتي امي وهو ولدك تصرفي معه فكيني منه وضربه تقعد تدعي علي !! بدل ماتدعي عليه برغم انه يأذيها او مثلا تتصرف تصرف مو في مصلحتها اقولها تصرفك ياامي ماينفع والله تجيك وراه مصايب تقعد تدعي علي !
تعبت يابنات من الهم والوحدة مافي يوم انام فيه الادمعتي تسبق غمضت عيني مااطلع ولااروح ولااجي حاسة اني مكبوته في كل شي اجمل ايام العمر راحت مني في هم وحسبي الله على من كان السبب
ماعندي من اشكي له .. ماعندي احد اسولف عليه ,,ماعندي احد يفهمني وانا انسانة حساسة ابي رضى امي ابيه بأي ثمن بس والله والله من دعواتها علي اتجنبها غصبا عني !

وانا فالبيت لاوظيفة ولادراسة ولازواج

وعمري ماانخطبت نفسي ابعد عن اهلي اكثر يمكن يكون لي قدر ابي ارتاح العمر مرة . كفاية الي شفته وربي ,,,,والله قلبي يوجعني من الهم ماجاني نصيب ولالقيت وظيفة وعندهم ماني مرتاحة ابد ضرب واهانة ووحدة وهم ولااقدر اروح واطلع واجي ودعاوي قوية وبكل وقت وحتى لو حاولت اتجنب دعواتها مااقدر هي على ابسط شي تدعي ! وانا اخاف ربي يستجيب دعواتها وانا ماسويت لها شي اكثر مشاكلي معها بسبب اخوي ., تحبه برغم انه معذبها ., وحنا لا .,. تععطيه فلوس وانا تمر شهور ماتعطيني شي مافي عدل بينا ابد
الله يجزاكم خير ادعوا لي ., واسوني بكلام .. قولوا لي شي تعبت من الكتم وانا طبعي كتومة
تكفوون الي تشوف موضوعي اقلها تدعي لي او ترد علي
واكرر عليكم المعرف هذا لقريبتي مو لي ., فانتظاركم يااخواتي .,
وفي حفظ الله ورعايته