آآآه يا امي و ابوي بليز تعالو

1. وماتستحي من الرجال ابد

السلام عليكم
بصراحه انا من متابعي هالمنتدى الرائع
وكل يوم بدخل اقولكم اللي صار لنا واتردد مدري ليه !!
لكن اليوم عزمت احكي وافضفض واعرفكم ماراح تقصرون ربي يخليكم ويوفقكم
امي وابوي متزوجين لهم اكثر من 25 سنه << عشرة عمر >>المهم ابوي قرر انه يتزوج على امي وتزوج وحده ماندري من وين عرفها وكيف
امي طبعا زعلت وابوي رضاها
المهم الحين ابوي له 4 سنوات من تزوج على امي
ومن تزوجها وابوي منقلب 180 درجه على امي وصارت مشاكل كثير بينهم
من اهمها انه مايعدل بينهم ابدا ابدا ابدا لدرجة ينام مع الثانيه 3 ايام وامي لا مايعوضها
امي زعلت وتفاهمت وياه لكن مافي فايده يتعدل اسبوع ويرجع لعادته
المهم قال ابوي ابيكم تتعرفون عليها وتجيكم وتروحون لها
امي وافقت قالت يمكن يتعدل او يتغير بس اللي بينا يكون رسمي جدا والبنات (( احنا يعني )) بكيفهم وياها
المهم تعرفنا عليها وكانت تدعي الطيبه وانها تحبنا ومالها دخل ابوكم اللي جى يخطبني وانا ودي اصير مثل اختكم
عزمتنا مره انا واختي بمطعم بصراحه اخلاقها مش ولا بد وتطالع بالشباب وتحب تلفت الانظار
انصدمت انا واختي وبعدها باسبوع كذا قالت لنا شرايكم نروح نتمشى ونستانس قلنا اوكي
وتخيلو واحنا بالسياره قالت للسواق وقف في هالسوق ابي اضييق عبايتي
وعبايتها كانت ضيقه من فوق وهي تبي تضيقها من تحت بعد من عند ( .... ) انا واختي انصدمنا بس سكتنا ورحنا ونفس الشي تطالع بالشباب وحركات نص كم ولما كنا بالسياره تطول عالاغاني وترقص

وماتستحي من الرجال ابد

رجعنا البيت واختي قالت بنعلم ابوي بهالحركات بس قلت بتسببين مشكله وابوي ماراح يصدقنا وممكن تنقلب السالفه علينا وسكتنا بس اللي اكتشفناه انها عديمة ايمان وقليلة حياء (( مو علشانها زوجة ابوي وربي ماكذبت بشي ))
وصارت مشكله بين ابوي وامي وقالت امي لاتدخل علينا ولا نشوفها
قال ابوي طيب بس النوم ماراح انام معك شفتو القهر بس باع امي وعشرة العمر علشان وحده استغفر الله
قالت امي بسلامتك والله يبيحك ويحللك بس عيالك لا تحرمهم من شوفتك
(((على فكره امي ملتزمه وابوي لا عكسها صح ماعنده خرابيط دخان و حشيش واللذي منو الحمد لله بس عليه حركات مراهقين يحب يسمع الاغاني ويطول عليها )))
والحاصل الحين انه يمر شهر مانشوف ابوي ولا يطل علينا (( والباب جنب الباب نسمع صوت دخلته وياها وطلعته ))
ولا يصرف عالبيت بشي (( الحمد لله امي عندها فلوس ومو في حاجة ابوي )))
اللي ابي اعرفه وش تتوقعون اللي قلب ابوي هالقلبه مع ان زوجته الحمد لله والشكر مافيها ذره من الجمال ابدا وسمرا
انا بصراحه اقول ممكن ساحرته ماستغرب على هالاشكال واحيانا استغفر
تكفون ادعو لابوي يسخره لامي ولنا ويحنن قلبه علينا