آحلى غروب مع المآكيراا وصآإآيف درس مفصل وبالصور

1. الفيس قبل الميكب :


2. الأدوآآت المستخدمه للوك الغروب :

بسم الله الرحمن الرحيم
السلآم عليكم ورحمة الله وبركٍآته
عندج منااسبه ومحتآره بمكيااجج , حيآج الحل عندي ,, درس بسيط وخفيف لمحبآت ألوان الغروب
فستاانج برتقالي + بني + أصفر + بيج أو سكري ,, اللوك إلي جهزته ينفع لهالألوان
إن شاء الله تستفيدوون من الدرس , ويكون سلسل وخفيف عليكم ,, وصورت الخطوآت كلها تقريبا
وإذاا حصلت تفاعل وردود طيبه إن شاء الله بجهز دروس يديده عشآن أفيد وتستفيدون ..
بإسم الله نبدأ :
الموديل ميمي
ملاحظه : الدرس إشتغلت فيه فالبيت , فإٍستخدمت أغراضي الشخصيه ,,

الفيس قبل الميكب :

الأدوآآت المستخدمه للوك الغروب :

• تاتو الحوآجب من مكياجي
• بلشر لحمي من ماركة كلاسيك
• رموش
• كريم الأساس من كنيبو + بودرة كنيبو
• كونسيلر بن ناي ( خافي عيوب )
• أيلينر بودي شوب
• جحآل ذهبي
• بالتيت الأرواج من ميكب فور لايف
• تحديد وردي
• قلوس من قلورياا بنفسجي
• آيشدو مائي من ميكب فور لايف
• آيشدو عادي من بن ناي وميكب استيديوو ( البرتقالي + الذهبي + البني من ميكب استيديو )

بدآية الدرس :
طبعا بعد ماوزعنا الفاونديشن وجهزنا الفيس للمكياج , نبدآ وانسمي بالله وركزو معااي ,

ألطبقه الأولى بتكون مائيه لأنه مكياج سبشل ,, والفرق بين الاسبشل والعادي عندي انه البيس يكون مائي ,

• أول خطوه نوزع الشدو المائي كإضاائه تحت الحاجب مباشره ,, وبتكون الإضاائه ذهبيه ,,
• تحت الإضاائه مبااشره بنوزع الشدو البرتقالي المائي
• وبعد اللون البرتقالي بنوزع ع الجفن المتحرك اللون النحاسي وبيكون مائي ,
• بعد هالخطوات بندمج الألوان كلها فبعضها بعد مانوزع الشدو العادي الي يكون بودره عشان يسهل عملية الدمج ويقوي الألوان طبعاا
• بعد هالخطوات بندمج الألوان كلها فبعضها بعد مانوزع الشدو العادي الي يكون بودره عشان يسهل عملية الدمج ويقوي الألوان طبعاا

1- ألحين بنبتدي نرسم بالآيلينر واستخدم آيلينر بودي شوب , وع نهاية العين بنبتدي نوزعه بطريقه اكبر , لأنه اهني بنبتدي ندمج بين الآيلينر والبني
2- بعد مادمجنا بنركب الرمووش ,,
3- وألحين بنبتدي نرسم العين من تحت ,, داخل العين جحلتها بلون ذهبي ,,
4 - وطبعاا بنرسم الحواجب ,, وهذي أحلى خطوه عندي لأنه الحاجب يغير الشكل وايد
5- وبنرسم الشفاه طبعا وبنوزع الروج ,, لازم تكونين جريئه فختياارج للألواان خصوصاا لو كنتي
انسانه تحبين يكون استايلج مختلف عن البقيه ,, آناا اخترت روج ع لون المووف
بس فالصوره مش امبين اللون بوضوح شرات الطبيعه ,, بس عطى لوك يديد خصووصا انه كمل الميكب ,, وكل شي يكمل بعضه طبعا ,,
وهاجذه بنكون خلصنآآآ الميكب ,

وجذه خلصنا من الدرس بسلام , والدرس متعوب عليه عشان جذه بيضوو الويه بالردود الطيبه
وإن شاء الله لنآ لقااء آخر ,, أحلل نقل مواضيعي بشرط ذكر المصدر
الماكيرا / وصآيف
فدآعة الرحمن