آلبق ومآآدرآك ماآلبق هلكني

..طيب اشتري اللي يعلقونها بالكهرباء مدري شسمها من بف باف ><

جهاز بف باف السايل ممتاز لصقيه فوق سريرك ومفعوله قوي وطويل بيريحك

حطي على مكان الفتشات والبانيو وفي كل مكان بس بعيدعن الاطفال مايسمى ب (الاسفنيك) عندابوريالين يجي على شكل دوائر وملون

حبيبتي روحي اقرب صيدله بيطريه
واشتري دوا البق ورشوه واخرجوا من البيت وباتوا بره كم يوم لانه يكتم
مجرب

مدري وش آلسوآه مع هالحشره , امي مافي شي مآسوته
والمشكله بيتنا والله ع طوول نظيف حتى مفارشنا وهالاشياء لازم تتغسل مابين فتره وفتره
صرت اكرره انام :(
ولو انه اتقرص وانا نايمه وصاحيه
ويعطيكم آلعافيه ياررب وماتجربونها ويبعدها عنكم لانها معآآنآه

الله يبعدها عنكم
بس اسمع دايم انه ممكن تكونوا مشترين اثاث جديد وجايه معاه بالاسفنج يعني عشان كذا ياترموه ياتشمسوه يومين عشان يروح وزي ما ذكرت وحده من الفراشات اشتروا اللي يطلع ريحه يتحط بالحمام دايما ووزعوه بالبيت يمكن يفيد<< ماجربت بس دايم اسمع وشغلوا قران بالبيت والله يكفيكم شرها

هذه الحشرة معروفة ومالها علاقة بالنظافة كثير هيا ممكن تكون جات مع اثااث اشتريتوه خصوصا الخشب ماادري الله اعلم
لكن نصيحة من مجرب لا اسفنيك ولا قاز ولافكس ع قولتك ولاريد ولا شيء يفيد معاها
جيبو شركة قولو لهم كيف شكلها وايش لونها وهي تجي تبخ لكم البيت وتباتو بره يوم يومين بس عاد الله يعينكم بيكركبولكم البيت بس مو مهم اهم شيء تروح
والله مجرب نصيحة سوها بدال ماتدوخوا امك والشغاله ع الفاضي ههه
يلا عاد انا افدتك ادعيلي اليوم جمعة

يعطيكم آلعآفيه , ويسعدكم ربي

حبيبتي هذا موضوع وحده في منتدى ثاني ان شاءالله يفيدك
السلام عليكم
اول شيء اذكروا الله تكفون لاني تعبت نفسيا وجسديا من هالحشره لين مافتكيت منها
حبيباتي الله بلاني بهالحشره وبذكر لكم كل اللي اعرفه وكل اللي سويته واللي صار لنا
في البدايه كم واحد من العائله تقرص وطلعت له حبوب
شكينا في البق اللي بس اسمع عنه من النت ومن الحريم قلت لا مستحيل
في النهايه تاكدت ظنوني وبدا يكثر
في البدايه نتقرص مانشوف شيء بعدين صارنا نشوف مثل السوس الاسود ينقز وماينقتل الا لما تقصعينه مثل القمله ويطلع دم احيانا
قالت لي شغاله الجيران انه قمل الحيوانات (القطاوه) وطلعت صادقة
بحثت في النت وبحثتت في ردود الردود وزادوني احباط ويأس الاغلب يقول انا رميت الاثاث وانا نقلت من شقتي
بس فيه يمكن 1% من الناس كاتبين بعض تجاربهم في مكافحتهم له بدون استسلام
ايش سويت افترضت افتراضات :-
انه يمكن يكون من السجاد لاني غسلته في المغسله يمكن منعديه سجاجيدي من المغسله
وفيه جدار رطب عندي مقشر قلت يمكن منه لاني مغطيته علشان منظره
اللي سويته:-
-طلعت السجاد في السطح وخليتها ماعاد نزلتها لين ماوديتها مغسله ثانيه
-رميت المرتبته الكبيره والمراتب المفرده مسحتها بشويه كلوركس ومويه لانها جديده وفتحت عليها المروحه
-الجدار الرطب هويته (لان من اسبابها وجودها الرطوبه) وبخيت عليه بخاخ الكلوركس 409 بذمة
-انظف يوميا السراميك بمويه دافيه وكلوركس فقط (لان الكلوركس يقضى عليه)
-حطيت ورى الكنبات وتحت السرر وفي اطراف البيت كله بودره بف باف
-اشتريت علب ريد (كان ودي في ريد الاحمر يقولون اقوى بس ماحصلته) اشتريت العادي وابخ كل شوي كانه معطر جو
-يعني تقريبا اخر يوم بخيت في الليل بس 3 مرات خلصت علبتين صغيره طبعا اطفي الانوار لانه يطلع اذا طفيت النور وابخ بذمه واقفل ابواب الغرف (( لاتنسون تتلثمون )) قسم بالله من الريحه اني انام دايخه بس شسوي مضطره
- والتهويه ثم التهويه ثم التهويه افتح الشبابيك من اول ماتشرق الشمس لين اخر العصر كل البيت >> مع انه حر خاصه الظهر بس لازم
- وسوره البقره اشغلها باستمرار
واحب اذكر ان في كنبات من اول ماتشرينها يكون فيها او ماتنبهين لها لما خلاص يصير مكافحته صعبه في حلين اما انك تعرضينها للشمس في سطح او حوش او تتخلصين منها والله يعوض عليك
واللي عندهم حيوانات او قريبه من باب بيتهم وبكثره يحاولون يشوفون لها حل ممكن يكون منها
وفي النهايه البق هو اللي طلع من بيتي وارتحت منه وان شاء الله للأبد >> قولو آآآآمين
الموضوع يباله عزيمه واصرار وشويه صبر ومكافحه من البداية وفتحو عيونكم على بيوتكم وفي النهايه( قل لن يصيبنا الا ماكتب الله لنا)
دعواتكم الله يفرج همومي
اختكم حشمه
ادعولي ولصاحبة الموضوع