أبي افكار بعد الملكة

خاص
السلام عليكم<<
مساء الخير
الكل يفيدنى ارجوكم
كيف البنت بعد الملكه(كتب الكتاب) تتدرج فى مشاعرها مع زوجها ركزوا على كلمه (تتدرج)
يعنى كيف ابين له حبي واهتمامى بدون كلمه احبك و قلبي
حنا بالسعوديه فالملكه مكالمات و زيارات بس مافي خروج...
مثلا قالت وحده فالجوال اذا جاء يقفل اصرخى بدلع وكأنك نسيتى نفسك وقولى لا
حيفهم انك تحبي صوته ومكالماته وبيلاقي اكثر من تفسير لردة فعلك بدون ماتصارحيه بالحب
ابغى افكار ارجوكم
حركات دلع حلوة للتلفون والزيارات.............
خطيبي دكتور فالطوارئ و انا ممله معه وبدأ يتملل منى افيدونى شسوى؟
ابغى مسجات تتدرج فالاهتمام وبعيده عن الحب الصريح
ارجوكم كل من يدخل يساعدنى ارجوكم
وكل من رد او لا الله يجزاه كل كل كل خير

السلام عليكم اختي العزيزة انشاء اللة اقدر افيدك
اول شيى ابيك تحطينة في بالك انك تكوني صادقة
في كلامك ومشاعرك وتصرفاتك صد قيني التصنع
وتمثيل مايفيدك بلعكس يعقد حياتك
فترة الملكة فترة تعارف وكل واحد يفهم الثاني
وعشان تملكين قلبة وروحة لازم تكوني واثقة وصادقة في كل شى تقولينة وتفعلينةصدقيني مافي شي احلى من الصدق تبدين حياتك فية
ونشاء اللة اني افدتك

8
8
بالظبط .. !! صح لسانك اختي فراق الربيع ..
//
مافي احلا من الصراحه ،، خليك جدا طبيعيه معه تعرفي عليه واعرفي وش يحب ووش يكره وش بالظبط هي شخصيته
عرفيه عليك برضو خليه يعرف الانسانه الي قرر يكون معها واختارها زوجه له وانتي نفس الشي بعد (:
صحيح راح يكون الحيا مسيطر على الوضع لكن مرا شي عادي لانو توكم بالبدايه ،، ..
ما اشوف فيها شي لو صارحتيه بمشاعرك وفرحتك لمن تكلمينه ..
بالعكس مافي احلا من هجري اللحظات ،، حلوو ارسال المسجات وغيرها بس اهم شي تكون حقيقه مو مصطنعه الي راح تخليه يستغرب تغيرك المفاجئ تدرجي معه شوي شوي ..
انسان تحبينه ويحبك لا تحرمينه من الكلام اللطيف الي بحدود المعقوول .. ،،
مثل ما سبق وذكرتي بدأ يمل .. !!
حاولي تجددين الوضع بينكم وصدقيني راح تلقين الي يسرك ان شاء الله ..
والله يوفقكم يارب ويهنيكم ويسعدكم
(:

هلا حبيبتي توت:
مقدرة موقفك مرينا به وياما قعدت اوسوس زيك اذا تجرأت عليه اقول في نفسي : يالله ليش انا سويت كذا ايش يقول عليه الرجال ؟
واذا استحيت : اقول اوف شكلي طفشته من كثر ماني ساكته ولا عندي تعليق .
من جد الرجال تركيبة ثانية وتعلمي من ذحين كيف تتعاملين معاه وكيف تفهمينه
انا بصراحة خطوبتي استمرت 10 شهور
فالشهر الاول اخذته ثقل مو طبيعي كلمة حلوة ما اقول .انا مستحية .انا ما اتجرا . اخواتي عندي واعطيه من هذي الاعذار.
بس تبين النصيحة : لاتهتمين انك تقولين كلام حب بقد ما تهمتمي بدلعك معاه سواء فالتلفون او في الزيارات والله راح ينجن عليك
ومن ناحية التدرج : في البداية خلية تلميح بدون تصريح <<<< بدت تتفلسف
يعني اذا ما دق عليك يوم قولي له قلقت عليك خفت انك تعبان من دون تقولين له حبيبي وحشتني اشتقت لك . هذي خليها بعدين في مراحل متقدمه . عشان يستنيها منك على احر من الجمر <<<< ياخوفي انك قايلتها وخالصه ههه
وفي موضوع في الفراشة عن حركات الدلع فالتلفون للمخطوبات تقدرين تستفيدين منه
وسلامتك

بما انه بدا يمل لازم ترضينه وتجددين له وتغيري من طريقتك ف الكلام لازم تسمعينه من كلمات احبك وياقلبي وياروحي ترى الرجال مثل الاطفال يحبون اللي يدلعهم ويهتم فيهم واذا كنتي تستحين ابديها برسايك انتي اكتبيها وشوي شوي راح تتعودين

اهلين اختي الله يوفقك يارب ويجعلك قرة عينة
انا من رائي انك ترسليله رسايل حلوة مثلا رسالة الصباح بدري(صباح الخير يا احى دكتور في الدنيا)(صباح الخير للغالين لازم تفطر اليوم لان في ناس يخافون على صحتك)واذا نام تصبح على خير ياقلب(اسمك)
لازم يكون كلامك معه ناعم ودلع اذا ماتعرفين تتدلعين
مدي في كلماتك مثلا قالك شيء وماعجبك مدي لا(لا)واذا ناداك باسمك ردي(لبى قلبك)
وحاولي ان السكوت مايطول فيكم قولي اي سالفة وش سويتي في السوق اسألية عن الالوان الي يحبها المهم لايطول السكوت علشان ماتملون من بعض
ونسيت اقولك اذا جاء عندك في البيت خليك رومنسيه البسي مدي وكم قصير واقدمي اكلك له مثلا القهوه والشاي والحلى والمعجنات في عربيه حقت تقديم الأكل وحطي فيها شمعات ورد مجفف وخلي إنارة المجلس هادئه والشمعات مولعة
اذا ماعندك عاادي خلي الشمعة في صحن التقديم للحلى و المالح
ولاتنسين تهدينه هديه (تهادو تحابو)
والله يسخره لك يارب

>>>>>>>>>>>>>