أحبكم كلكم

1. ملاحظه...


2. ترك المعاصي وهذاي أهم شيء أتركوا كل شيء من أجل الله سبحانه وتعالى ..

السلام عليكم ورحمة الله وبركاته..
كيف الحال؟؟
أن شاء الله كلكم بخير..
أنا ياحبيباتي كنت قبل ماأتزوج أدخل منتدى الفراشه وأشوف البنات يتمنون الزواج وكذا وصارت مثلهم وصارت أتمنى الزواج وأنضميت للمتفائلات بالزواج ..
بالبدايه قبل كنت يائسه كنت أنخطب ومايتم الموضوع يارفضون هم أو أنا أو يتصلون ولا نشوفهم..
بدايت أحس أني حزينه وكئيبه صار الموضوع يشغل بالي كثير خاصه بعد التخرج مرره وكنت أقول أنا أتزوج مستحيل مع أني مو كبيره ..
المهم يابنات جتني رسالة بالأيميل عن فضل سورة البقره وأنها بركه وقريت عنها بالنت مع أني قبل خالتي بناتها 2 وحده قدي والثانيه أصغر بسنه تزوجوا ماشاء الله تبارك الله وراء بعض والله العظيم أن أمهم تقول كانوا يقرون سورة البقرة وآل عمرن كل ليلة ويدعون طبعآ مع دعاء الأم وتعرفون دعاء الوالدين مستجاب..
قررت أقرها صرت أحط لنفسي وقت من 2 ونص خلاص أقوم حتى إذا عندي شيء أتركه وأروح بس يابنات أنا كنت أقرها بنيه البركه يعني كل شيءحلو صرت أصلي القيام ركعتين وأدعي بالسجود وأبكي ولقيت دعاء عن تيسير الزواج وأقرها وأبكي وأدعي وبعد التسليم أقراء سورة البقرة كامله بدون تقطيع وأستمريت عليها ومره أستفرغت شيء لون أصفر الله يكرمكم بس مدري أيش وقلت لبنت أختي قالت أستمري عليها والله أقرائها بس أتثاوب وعيوني تدمع بس أستمر ماشاء الله تبارك الله وأجاهد نفسي كانت تجيني وساويس وأنا أقراء لكن أستمر على القراءه وأحاول أندمج وأقراء السورة قررت ماأستسلم وضعت لي جدوال وطبعا كنت أدعوا بكل وقت بالأذان والأقامه وإذا سافرنا وكل وقت فيه أستجابه للدعاء واحاول أمي أبرها أكثر وأهتم فيها وأتصدق بنيه الزواج وبعد كنت أستغفر كثير باليوم ألف مره بديت أحس براحه نفسيه وبديت أحلم أحلام حلوه بس يابنات أنتبهوا وأنتم تدعون يعني أدعو أنك تتزوجين وتتوفقين أن شاء الله يعني مو مهم بس تتزوجين بزوج وبس..
للأسف كنت أدعو يارب أتزوج وبكيفه أجلس باللبيت لحالي أهم شيء أتزوج وفعلا تزوجت وزوجي صار مايجيء للبيت دايم براء وأنا لوحدي بالبيت كأني ماتزوجت..
الله يسامحني يعني أنتبهوا تدعون على أحد أو تدعون لأنفسكم بشيء مو حلو أنتبهوا أدعو لكم ولغيركم بكل شيء زين وصالح أن شاء الله ..

ملاحظه...

مره قريت وحده من الأخوات هنا بالفراشه الله يجزاها خيرآ كاتبه أذا حسيت أنك يائسه وخلاص ماراح يصير لك شيء اللي تبغينه بالعكس أستمري وأدعي وصلي هذا دليل أن اللي تبينه راح يصير قريب بس الشيطان يبي يحبطك قال تعالى( أن كيد الشيطان كان ضعيفآ) ..
وطبعا قبل ماتنامون سامحوا الكل لله عزوجل..
بس فيه شيء مهم
أستمرروا على القراءه والأستغفار والصدقه وكل شيء مو إذا صار لك اللي تبغين تتركينه أنتبهوا أنا سويت كذا وندمت الحين الله يهديني ويهدينا جميعآ يامثبت القلوب ثبت قلبي على دينك..
أنا أبغى أفيدكم وعلشاني أحبكم وأبي لكم الخير جميعآ أبيكم تسوون اللي كتبت لكم..
قراءه سورة البقره يوميأ بعد قيام الليل صلاه ركعتين
الأستغفار دائمآ بكل وقت ..
الصدقة ..
المحافظه على الصلاة بوقتها..صيام الخميس والأثنين ..
بر الوالدين ..

ترك المعاصي وهذاي أهم شيء أتركوا كل شيء من أجل الله سبحانه وتعالى ..

وفيه شيء مهم كنت أسويه عملت بجمعيه خيريه تطوعي وكنت حاطه بالي أنه هذا العمل من أجل الله ..
أعملوا من أجل الله وهذه الأعمال هي اللي راح نأخذها معنا عند الموت أنتبهوا يابنات أنا أحبكم ومثل ما أحب الخير لنفسي أبيه لكم والمسلم أن يحب لأخيه مايحب لنفسه والله أني من زمان حابه أكتب هالموضوع بس مكتوب اليوم أكتبه لكم ..
وأن شاء الله كلكم تتزوجون وتتوفقون أن شاء الله وربي يرزقكم بالذريه الصالحه يارب والله كل كلمه كتبه صدق وطالعه من قلبي ..
سامحوني على الأطاله ولا تياسون وتفالوا بالخير تجدوه والله التفاؤل شيء رائع كنت متفائله والحمدلله ربي رزقني ماأريد صح ماتوفقت لكن أهم شيء ربي أعطني ماأريد ..
أن شاء الله ماكتبته يكون عمل صالح لي أابي منكم ألا دعوه صادقه من قلوبكم الطاهرة وأدعولي الله يكتب لي الخيره في كل أموري وأي سؤال أنا حاضره
أحبكم كلكم...