أخوات زوجي ايش اسوي معاهم

1. المهم ببدء فيها الراس الكبيره والمدبره للمصايب الاخت الكبيره


2. بقولكم موقف صار منها كانت ناويه تخرب بيتي بس الله ستر


3. وهي بكبرها تبين عيونها وتلبس عبايه كتف يعني المفروض تنصح نفسها اول

السلام عليكم ورحمة الله وبركاته
حبايبي هذي اول مشاركه لي في المنتدى
وعندي مشكله قآآآآآآآآآآهرتني وابي مساعدتكم
انا عمري 22 سنه وعندي بنوته الله يحفظها
زوجي الحمدلله طيب وحبوب والمشكله مو فيه المشكله في أخواته >> الله ينصرني عليهم
مو كلهم في ثنتين منهم ناشبين في حلقي
اول شي هم مو في عمري اكبر مني بكثيير وحده منهم بنتها ثالث ثانوي
يعني شوفو الفرق

المهم ببدء فيها الراس الكبيره والمدبره للمصايب الاخت الكبيره

يانآآآآآآس والله ماضلمتها تغار مني اذا شافت شي معاي جديد مثلا جوال او ملابس يبان فيها القهر وتصير ماتطالع فيني على اساس انها ماشافت شي وانا يشهد علي ربي مابغى اتفشخر باغراضي
ويوم تجي مافي اطيب منها تسولف معاي وتضحك ويوم تجي كأنها ماتعرفني ولاتطالع فيني ولاتقرب من بنتي ماكأنها بنت اخوها يعني بإختصار مزاجيه >> انا عني اعاملها نفس معاملتها لاتكلمت وضحكت تكلمت معاها ولاطنشتي وقلبت وجهها فيني طنشت اهلها كمآآن ولاأطالع فيها

بقولكم موقف صار منها كانت ناويه تخرب بيتي بس الله ستر

تخيلو انا البس عبايه عالكتف واتغطى بلثمه وزوجي يدري ولما نكون في مكان فيه رجال اغطي عيوني ماخليها باينه
المهم الاخت مقهوره مني تبغى تدور علي شي قامت دقت على اخو زوجي الكبير وقالته دق على فلان > اللي هو زوجي < وقوله يخاصم زوجته على عبايتها انا قابلته في السوق هي وزوجها وهي حاطه مكياج ولابسه عدسات وفاتحه عيونها وزوجها مايقولها شي وقعدت تسب في زوجي انه ليه يخليني كذا طبعا اخو زوجي رفض يدق على زوجي ويقوله ذا الكلام لانو فيها خراب بيوت قالها انتي كلميها > يقصدني انا > قالت كلمتها بس ماسمعت الكلام
واصلا الكلام هذا كله ماصار منه شي والله والله والله ماقابلنها في السوق انا وزوجي ولافتحت عيوني في السوق وانا حاطه مكياج ولانصحتني وماسمعت نصيحتها واصلا زوجي مايخليني ابين عيوني يزعل يعني بالعقل فيه رجال يرضى زوجته تكون بهذا المنظر
كل هذا الكلام تبلت علي وشوهت سمعتي قدام اخو زوجي الحين ايش بيفكرني الله لايسامحها لادنيا ولاآخره

وهي بكبرها تبين عيونها وتلبس عبايه كتف يعني المفروض تنصح نفسها اول

طبعا وصلني الكلام من سلفتي قالها زوجها لانها كانت تحذرني وحلفتني مااسوي مشاكل معاها وقلت لزوجي هذا الكلام اللي انقال عني عند اخوه لاني واثقه من نفسي قالي انا عارفك وعارف اخلاقك وتصرفاتك وخليها تقول اللي تقوله ماعليك منها
والموقف الثاني جاء من أخته الثانيه قبل كم يوم شوفو ايش صار واحمكو انا غلطانه في شي
ابو زوجي دق على زوجي في عز الظهر وانا اسوي الغدا وقال لزوجي جيب ميمي الحين > اللي هي بنتنا قالي زوجي تروحين قلتله لا مشغوله اسوي الغدا روح انت المهم اخذ البنت وراح زوجي
وابو زوجي بس يبي يسلم عالبنت يعني حق عشر دقايق بالله اخرج من بيتي واترك الغدا واروح واصلا ماني متجهزه ويبلي اتروش بعد حوسة المطبخ وبيتهم في نفس الحي بس نروحله بالسياره مو مشي
المهم في العشا ترسل اخته الثانيه رساله على زوجي انت ليه لما رحت ببنتك عند ابويه ماخذت حرمتك وليه ماتخلي زوجتك تروح عند اهلي كل اسبوع وليه زوجتك كل مره تروح لاهلها بعدين تجي عند اهلي مرور بس>> الحين هي وش دخلها انا اروح وين ماروح اروح عند اهلي اروح ان شاء الله المريخ مو من اختصاصها
المهم زوجي رد عليها قالها زوجتي كانت تسوي الغدا اخليها تكب غدانا وتروح معاي وقالها زوجتي مو مقصره بحق اهلي بس عشان اسبوعين هما ماكانو في البيت وانا مارحت قامت تسوي نفسها تبي تحرشه
المهم عرفت باللي صار وحاولت في زوجي اكلمها رفض قالي لاتفتحين الموضوع ابدا انا رديت عنك مايبغاني اتمشكل معاهم
الحين انا مقهوره منهم الثنتين كنت معتبرتهم اخواتي الكبار واتعامل معاهم بكل طيب لاكن مايستاهلون الطيبه وعرفت ان اخوات الزوج مستحيل يحبون حريم اخوانهم لو ايش سوينا معاهم الغيره تمشي في دمهم وحلفت اني ماأعطيهم وجه ولاأكلمهم
وربي ياخذ حقي منهم >>
ومره احس اني بنفجر من الضيق لاني ماخذت حقي منهم غصب عني ساكته السالفه الاولى سلفتي بتروح فيها لو عرفو انها قالتلي والسالفه الثانيه زوجي مايبغاني اتخاصم معاهم