أخواتي متضايقة جدا عشان فستاني

يا قلبي كم باقي على ملكتك
بالضبط ؟؟؟؟
و كيف تفاجأتي باللون ؟؟ القماش انت الي اشتريتيه و لاه عليهم ؟؟؟

حبيبتي القماش من عندهم.....
المشكلة اللون عندهم بالمحل رائع.المشكلة الإضاءة كانت صفراء.....ولما أخذته أحس إنه مختلف.......
ماباقي على ملكتي إلا 10 أيام

هونيها وتهون حبيبتي وفي اسوأ الحالات لا سمح الله السوق مليان اشتري منه مو محتاج هذا الزعل كله وترى الدنيا ابسط من هذا كله وان شاء الله ربي يفرجها عليك ويطلع الفستان احلى من اللي متخيلته

الله يفرج همك يارب
حاولي تعدلي فستانك،،
او دبريلك فستان من عند صحباتك او قرايبك او حتى لو تشتري اذا الميزانيه تسمح..
ربي يوفقك وييسر امرك ويسعدك

انا اقولك حاجة انا ماصار لي زي هذا الموقف
بس لو انا مكانك اريح بالي و اهتم ببشرتي و ادلع عمري
و الفستان لا تعطيهم مجال تعديل اكثر من 3 ايام
اذا ما ضبط معهم روحي لمحلات الي في حياة مول انا من قريب ديرتهم كلهم في اشياء للملكة مرة روعة و اسعارها حلوة
و كمان في محل لمسات طيبة في طريق العليا عندهم اشياء روعة اختي ملكتها بعد زواجي بثلاث ايام و اشترت فستانها من عندهم
و الفستان الي سويته عندهم خليهم يكلمون شغل عليه لا يوقفون بس بعد ما تخلص ملكتك و استفيدي منه في جهازك يعني ما راح يضيع عليك
و اذا تبين انا اتذكر اشكال فساتين شفتهم و اعجبوني من قريب في حياة مول و لمسات طيبة ممكن اقولك عليهم

شوفي انتي قبي فيه وخاصميه عشان يخاف ويعدله لانك لو حملتي نفسك الغلط راح يقولك انا ما لي شغل وكل يوم والثاني نطي عليه وخليكي عندو وحاولي تزبطي فيه يعني يكثرلك كرسالات واذا عالوسع هذا عادي يتعدل وطبعا مع التفكير راح ينقص وزنك وصدقيني ربنا راح يعطيكي طله قويه بس لا تخافين وريحي باللك انا كذا بفستان الفرح ووريته شغله وقام وعدله وخلاه غير والكل انخبل عليه والله وربنا يوفقك ويرزقك الطله القويه اللي تخلي الكل يطيح عندك <<< ههه

سبحي كثير واستغفري عشان يكون قلبك معلق بالله وبعدها تشوفي الفرج الي راح يجيك اهم شي تكثري من الاستغفار والتسبيح والثناء على الله وان كل هم ومشكله تطرحيها على من خلقها وهو الي راح يعدلها اهم شي تربطي نفسك مع خالقك وراح تشوفي كل خير ولاتقلقين القلق في هالايام راح يتعبك نفسيا واكثر وراح يبان على وجهك بس والله مالهم اي حق انهم يسون كذا فيك حسبي الله عليهم كذا حرام وشغلهم مافيه امانه وذمه ماالومك بس الصبر مفتاح الفرج
والله يهدي سرك ويتمم لك على خير اختك ساره

لا تخافي وهونيها تهون باذن الله
الحمدلله ما صرلك اللي صرلي استلمت فستان فرحي فجر يوم زواجي فاهمه؟؟؟؟؟؟؟؟ يعني ال.... اش اقول عليه بس؟؟
ادق عليه عشان استلم ما رد الا الساعة12 اليل وانا بالطايف وهو بجده
لا وجاني الفستان ناقص وتطريز الطرحة جهه وحده والفستان مثني((؟؟؟؟؟؟)) ثنية قد كفي...
بس لولا الله تعالى ثم الكوفيرا الذكيه وخلت للطرحة حركة وخالتي اللي عدلت الذيل... كان علوم
وبعدين دام الناس ما يعرفون اصلاً كيف شكله ...بيطلع بنظرهم حلو
والله ما قابلت احد الا قال وقال وقال على فستاني...
وانا في نفسي اقول بلاكم ما تعرفون وش المفروض يكون شكله..
والله يسهل والحمدلله انك بتعدليه قبل بوقت وان شاء الله يجيك احلى واروع.. وزي ماتبغي

ياقلبي الفستان لاخرب مايتصلح
او اذا صلحوه بيبان فيه عيوب ولا يجي مرتب
خذي جاهز وريحي نفسك وهذا بيعيه ولا خذي فلوسك منهم
وربي يوفقك ادعيلي بالزوج الصالح