أدعو لأمي الله يصبرها

القصه وما فيها ابويه يا جماعه يعاملنا احسن معامله وما يقصر معانا صحيح مو في كل شي بس يعتبر اب طيب ولكن زوج غير حنون ابدآجدآقاسي على امي اخذها ذي الخدامه الله يعينها والله يا ناس ياما ووقفت معاه وصبرت ذي كل الامهات على ازواجهم واتحملت الإهانات منه ومن اهله وهذا كله ما بين فيه نحن 3 بنات و2 ولدين انا واختي تزوجنا واخوي بعدنا يعني امي دحين جده والله العظيم يا ناس بدون مبالغه ويمكن ما يصير اتكلم عن ابويه كذا بس أعذروني من قهري نتمنا انا واخواتي انه يموت لآن وجوده بس يدور على اى شي ويسوي مشاكل معاها وما يحترمها قدام لاكبير ولا صغير حتى قدام ازواجنا والله ها الشي صعب علينا بس ما نقدر نكلمه عن ماما لو كلمناه يقولها إنتي تحرضيهم .على فكره تراه اتزوج على أمي ثلاث مرات وكل مره يتزوج اجنبيه ويطلقها بعد3 شهور يالطيف والله صرنا نخاف على حياتنا لايصير فبنا انا واخواتي إلي يسويه ببنات الناس والمشكله الأكبر إنه كل ما طلق جا على راس امي وقالها إنتي السبب بالرغم وبدون مبالغه كل زوجاته طيبات وبنات حلال بس هو ما يتعاشر محد صبر عليه غير امي الضعيفه وصبرت عشاننا...والله يا جماعه امي كانت تعاملها احسن معامله وهي كمان تحترم امي ’وحده منهم بعد ما اطلقت من ابويه كانت تتصل وتسأل عن امي المسكيينه دحين ابويه ما اتزوج له فتره بس دايم يقولها ابغا اتزوج إنتي ما تصلحي ودحيين في رمضان وقت الصيام الناس يروحو بيوتهم من الدوام تعبانيين منه وهذا لأيدخل البيت بشره اول ما يشوفها يقولها انا ما ابغاكي لمي عبشك واطلعي من بيتي والضعيفه تصبر وتسكت عشان اخواني .ومن يوم هي عروسه انضربت وشد شعر وحتى هي حامل فيني كانت تروح عند اهلها وعاد اهل اول يرجعو البنت لزوجها اهم شي لا تطلق ياريتها اطلقت وإحنا ضغار ورمتنا ولا الذل إلي هي فيه ,تخيلو طلقها وهي جده لا ويذلها بالطلقتين الباقيه , والله يا جماعه من غير مبالغه من كثر سوء معاملته لها وخصوصآ في هذا الشهر كل ما صلت دمعتها على خدها المسكينه ليش هذي الإهانه لها وهي الله شاهد مو مقصره لافي بيت ولا عيال هو بعد اخر زوجه طلقها صار دايم ينام في غرفه لوحده وإذا جات تنام عنده يطردها والله يا جماعه في إهانه اكثر من كدا وهي امها توها متوفيه الله يرحمها ما راعا شعورها . ازيدكم من الشعر بيت هي اكبر اخواتها بعد اليوم الثالثمن العزا دق عليها يقولهاتبي ترجعي البيت ولا ارسلك ورقتك ياناس ما يرحم ولا يخلي رحمه ربي تنزل عليها .لا لمن رجعت اليوم الخامس سوى معاها مشكله ويقولها انا بصراحه ما ابغاكي شوفو بس القهر موت امها وقهر زوجها ,يانااس مصروف مايعطيها بيدها والله شي يقهرايش اقول وايش اخلي كل الصفحات ما تكفي اكتبلكم حياتها بس امانه ادعولها ربي يصبرها علا ما بلااها والله يعوضها فيينا ويحنن قلب ابويه عليها وشكلها راح تنتهي بطلاق الله يستر وهي في هدا العمر والله خايفيين عليها لا تجيها جلطه ولاشي المسكيينه من كتر ما تكتم في نفسها امانه ادعولها