أرجوكم ساعدوني فى هذا الأمر بالذات

انا كنت يوم الجمعة عند مشغل فاتح جديد اسمة بيوتي ساين ,,, ورحت عشان استشور شعري عند وحدة اسمها فاطمة ’’’’ بصراحة استشوارها اكثر من رائع ,,, وبالصدفة كان عندهم عروس فقلت لاختي ماراح نطلع الا لما نشوف العروسة ,الساعة 8 اطلعت العروس وقربت منها عشان اشوف المكياج , وكان بالفعل مكياج خيالي لدرجة اني قمت اهيم بعيونها من حلاوة الرسم ,,, اما التسريحة ذكرتني بتساريح اللبنانين اللي نشوفها بالتلفزيون
فقمت وسألت فاطمة اللي استشورت شعري مين اللي سوا المكياج للعروس فقالت انا ,,والتسريحة سوتها وحدة
اسمها روز اردنية ,,وكان شغلهم مرة حلو والاحلى معاملتهم الطيبة ....تخيلي حتى وقت ماهي طالعة العروس سوو لها زفة وزغاريد ,,اول مرة اشوف مشغل زي كذا,,,,المشغل موقعة في الخبر خلف المدرسة الباكستانية

عندك ريناد شوفي بعض الصور لها بس رسم بقسم المكياج والعطور هنا
شغلها روعة ولا تاخذين على الصور اذا تبين خفيف وناعم
لانه عاملة الصور هذي عشان تبان الالوان
ولو تبين ناعم تعملك ناعم
حتى لو تجيبين صور من مجلة تتقنه ماشاء الله عليها فنانة بمعنى الكلمة
وتجيك للقاعة او البيت جربيها وادعيلي
اذا تبين رقمها راسليني على الخاص

ما عندي فكره ان شاء الله البنات يفيدونك

ريناد لبنانيه وهل تجى البيت وكيف أسعارها

لاياقلبي
ريناد سعودية وتجي للبيت واسعارها حلوة عنده الثقيل والخفيف
المكياجوعندها 150 ب250 و350
وشغلها مرة خيالي شوفي في وضوع لها بقسم المكياج والعطور
فيه صور