أريد جلابيات مقاس صغير

السلام عليكم ورحمة الله وبركاته
حياكم الله حبياب قلبي
الله يعافيكم أنا من زمان مشتهية أشتري جلابية كذا حلوة يصير فيها مديل خفيف بسيط وشك أو تطريز أيضًا خفيف مايكون ثقيل والوان قوية صارخة مثلًا (فوشي، تركوازي، فيروزي، أخضر فاقع، بنفسجي، برتقالي، أحمر) يعني بالمختصر ألوان جريئة قوية صريحة. <<<< حشا صارت مقالة هذي مهيب جلابية.
المهم ياطويلات العمر أنا جسمي مرة صغير عصلا وهزيل وأدور أدور مافيه سوق إلا ورحت ودورت فيه (الأندلس، العويس، طيبة، غرناطة، لي مول، الرياض غاليري، صحارى.... الخ) ما ألقى فيه اللي يناسبني
لقيت في الأندلس جلابية حليوة مهيب شينة بس يبي لها تضويق وتصغير وما أدري أيش يعني يبي لها خياط أو مشغل يعدل فيها ،،، و بعد تراي تلاقيتها في الجلابيات البناتية وهذا يقول أصغر مقاس جلابية عنده. ومع ذلك صاير كبير علي.
الزبدة:
اللي تعرف محل يبيع جلابيات مقاسات سمول صغير يقولي أو محل يبيع أقمشة جلابيات وأنا أروح أفصل على مزاجي.
وتسلمون يالغوالي