أسئله في مآده الكيمآء العثيثه

استغفر الله العلي العظيم ...

رفع لعيوونك ويارب احد يجي يساعدك
والله الله بالنسبه الحلوه ويارب نشوفك دكتوره قد الدوونيا يا عسل تنفعي المسلمين ...

sammoor
وه تسلميلي يَ قلِبي وقسَم كأنِك سآعدتيني يَ غلآتِي
آميَن يَ رب الله يسعَدكِ

بالتوفيق

حلقي الي يجيك على شكل حلقه
احنا تعلمناه بالانقليزي نسميه سيكلوا بروبان
سيكلو بنتان وكيذآ حسب اسم المركب يعني حلقي ان شاء الله تكوني فهمتي وانا ماني معلمه كيمياء ولا ادرس ثاني ثنوي
الله يوفقك يارب

مشَكورهْ
بَس آنا آعرف انه يجيني على شكَل حلَقه بس شلَون آعرف انه
حلقي او غير حلقي من غير الرسَم ؟؟!

انتي ايش قصدك قصدك كيف تكشفين عنه
اذا المادة قدامك في المعمل لازم تقومين بخطوات لمعرفة المركب الموجود هل هو اليفاتي او اروماتي
مثلا من اختبار اللهب بعد تنقيه الماده باستخدام احدى طرق التنقيه(التقطير البسيط او التجزيئي او البلوره)
تاخذ من الماده المراد معرفتها ونعرضها للهب
اذا اعطانا لهب اصفر ودخان كثيف معاها المادة اروماتيه
فيه اختبارات كثيره ويتفاعل مع مواد وكواشف الين نعرف اسم الماده
واكيد الخواص الفيزيائيه لها دور الشكل الذوبان درجة الغليان الاختبار بورقة تباع الشمس لمعرفة المجوعات الفعاله هل هو حمضي ام قاعدي ام متعادل ........................
اذا مو قصدك كذا وضحي اكثر
بَس آنا آعرف انه يجيني على شكَل حلَقه بس شلَون آعرف انه
حلقي او غير حلقي من غير الرسَم ؟؟!
من اسمه تعرفين اذا كان الموضوع نظري تكون ملحقه الاروماتيه بمسميات مثل الفينول_الفيوران _البيرول ومركبات كثيره
الاليفاتيه معروفه ميثان_ايثان _بروبان والحلقيه منها ميثان حلقي او سيكلوا ميثان (سيكلو نفس حلقي المعنى واحد)
ودرجة الغليان تبين لك اذا متفرع تقل درجة الغليان فيه واذا زاد الوزن الجزيئي تزيد درجة الغليان
وكذا
كيف تمثلينه زي ماقلت من الاسم على حسب عدد ذرات الكربون
سيكلو بروبان مثلث موجود في الرسمه اللي فوق لانه في الاساس يحتوي على 3 ذرات كربون
وكذا البنتان4=مربع
البيوتان 5=خماسي
الهكسان6=سادسي
اذا عرفتي عدد ذرات الكربون تقدرين ترسمينها في شكل حلقي
واذا تقصدين تمثيل الاروماتي
قولي عشان اشرحها باطلع الحين وبارجع لك بعدين

مشكورة مرره الله يجزاك الف خير ..
وربي تعبتك معي ومن اسئلتِي ^^
بس بغيَت أسئلك بعد
يعني في سؤال في الكتاب يقول
(11-3) : اي الجزيئات التاليه من المواد الالفاتيه المشعبه غير الحلقية :
C4H8 -C3H8- C2H2- C2H4- CH4
كيف اقدر احله ؟
وبعد يوم بنمثل المركبات الحلقيه كيف نقدر نحط جزيئات الهدروجين ؟؟!!
سوري ادري اسئلتي غبيه بس ولله مو فاهمه في دا الفصل :(
الله يجزآك الجنه =)

العفو حنا خوات اي شي تبغينه اسأليني أبغاها تصير الكيمياء الحبيبه^_^
(11-3) : اي الجزيئات التاليه من المواد الالفاتيه المشعبه غير الحلقية :
C4H8 -C3H8- C2H2- C2H4- CH4
سهل سهل جدا
فيه قاعده تمشين عليها تعرفين اي مركب مشبع او غير مشبع وانتي مغمضمه
اولا باقولك ايش الفرق بين المشبع وغير المشبع للفائده
المركبات المشبعه بكون فيها روابط احاديه فقط وهي الالكانات C-C
المركبات غير المشبعه هي اللي تكون الروابط فيها ثنائيه C=C الالكينات او ثلاثيه الالكاينات يكون فيه 3 رابط بين ذرتين كربون وتسمى الالكاينات
ملاحظة:ذرة الكربون يجب ان تحاط ب4 روابط
فيه طريقتي عشان تعرفين هل هو مشبع(الكانات)او غير مشبع (الكينات او الكاينات)
الطريقه الاولى انك ترسمين الصيغه البنائيه
المركب الاول CH4ميثان والميثان بما انه يتكون من ذرة كربون واحده فلا يمكن ان يكون غير مشبع اي لايحتوي على رابطه من النوع C-C رابطه من النوع C_Hفقط نرسمه ذرة كربون محاطة باربع ذرات كربون
المركب الثاني C2H4نرسمه ذرتين كربون كل ذرة محاطة بذرتين هيدروجين يتضح من الرسمه ان كل ذرة كربون محاطه ب3 روابط فقط من رابطه من النوع C-C ورابطتين من النوعِ C-H وحن زي ماقلنا ان ذرة الكربون يجب ان تحاط ب اربع رابط اذن نضع رابطه ثانيه على ذرة الكربون وتصبح من النوع C=C المركب غير مشبع بسب احتوائه على رابطه ثنائيه
المركب الثالثC2H2 رسمة زي الثاني بس كل ذرة محاطة بذرة هيدروجين يتبقى لدينا رابطتين يصبح بين ذرتي الكربون 3 روابط وبذلك يكون المركب الكاينات
المركب الرابعC3H8 نرسم ذرات الكربون C-C-C اولى والثالثة تحاط كل واحده ب3 ذرات هيدروجين والوسطى تحاط بذرتين هيدروجين (بعد رسم الصيغه نحسب عدد الروابط المحاطه بذرة الكربون) يجب ان تكون 4 المركب من الالكانات لايحتوي على راوابط ثنائيه او ثلاثيه اذن هو مشبع
المركب الخامس C4H8 نرسم نفس الحاله C=C-C-C لو وزعنا ذرات الكربون سنجد ان هناك ذرتين كربون بحاجه لرابطه مزدوجه وعلى فكره هالمركب ممكن يكون حلقي مشبع (سيكلو بيوتان) ليش قلنا ممكن يكون حلقي لان لو رسمناه بنرسم مربع عند كل زاويه ذرة كربون وكل ذره محاطه بذرتين هيدروجين وبكذا بنحسب الروابط بتصير 4 حول حول ذره يعني لو قال طلعي حلقي مشبع ييكون ذا وممكن يكون سلسله غير مشبع
وطبعا في المركبات الكبيره فيه اكثر من شكل للصيغه البنائيه وممكن الرابطه الثنائيه تنحط في اي مكان على حسب رقم الرابطه الموجود في الاسم (مدري اخذتوها او لا)
طبعا فيه طريقه ثانيه ممكن خربطتك بالشرح اللي فوق
فيه قانون تقدرين تستعملينه في معرفة التشبع
الالكانات تكون على الصيغه CnH2n+2 (حيث n عدد ذرات الكربون ) لو طبقنا هذا القانون على المركبات المشبعه
1-CH4 عدد ذرات الكربون (1) نحسب 1×2+2=4
2-C3H8 عدد ذرات الكربون (3) نحسب 3×2+2 =8
الالكينات التي تحتوي على روابط غير مشبعه من النوع C=C قاعدتها Cn2n (الفرق بينه وبين الالكينات مانضيف2)
1-C2H4 عدد ذرات الكربون (2) نحسب 2×2=4
2-C4H8 عدد ذرات الكربون (4) نحسب 4×2=8
الالكاينات التي تحتوي على روابط ثلاثيه بين ذرات الكربون قاعدتها Cn2n-2 (هنا نطرح 2)
1-C2H2 عدد ذرات الكربون 2 نحسب (2×2)-2=2
يعني وانتي مغمضه (لاتفتحين اشوفك خ) شوفي كم عدد ذرات الكربون واضربيها في اثنين بعدين طالعي لعدد ذرات الهيدروجين اذا طلع نفس الرقم ولا مطروح منه 2 اذن هو غير مشبع
اذا طلع الرقم+2 اذن هو مشبع
هاه سهل
على فكره اذا كان قصدك بالسؤال الاول(كيف اعرف الحلقي) انك تحلين هالسؤال كان عندك التباس بالموضوع
لان هو طالب الاليفاتيه غير الحلقيه( السلسله ) المشبعه فسهل انك تعرفين ان هذا اليفاتي مشبع بنفس اللي قلت لك فوق
بس الحلقي نرسم الصيغه ونشوف ممكن يجي حلقي وغالبا الحلقي ممكن يجي اليفاتي غير مشبع (حاولي تتدربين على اكثر من صيغه وشوفي ) زي C4H8 لو جينا نرسمه ممكن يكون اليفاتي سلسله غير مشبع وممكن حلقي مشبع (وعلى فكره في حلقيه غير مشبعه)
وبعد يوم بنمثل المركبات الحلقيه كيف نقدر نحط جزيئات الهدروجين ؟؟!!
احلى شي في الدنيا الحلقي تلاقيه ملموم على بعضه في شكل هندسي حلو
شوفي تمثيله مره بسيط وابغاك انتي اللي تمثلينها كلها
سهله حطي ذرات الكربون في شكل هندسي على حسب عددها (ثلاثي =بروبان= مثلث ) (رباعي =بيوتان=مربع )وهكذا وحطي ذرات الكربون على الزوايا وحول كل ذرة ذرتين هيدروجين بص شوفتي كيف سهل
سوري ادري اسئلتي غبيه بس ولله مو فاهمه في دا الفصل :(
كلنا كنا ماحن فاهمين لان لو كنا فاهمين كان ماله داعي نتعلم
يالله ذاكري واي سؤال نبهيني على رسائل الزوار واجيك طيران
أعتذر اذا فيه اي خطأ او قصور واذا مافهمتي قولي اوضح لك زياده