أسرار من عآآآآآآلم الرجل تعآلي يآعرووسه أقرئي وآستفيدي

الله يسعدك ويوفقك يالغلا
موضوع في وقتو ^^
ماننحرم من هيك مواضيع

السر العاشر ::
مكمل للسر التاسع : الرجل يقولون ان هم اذا شعروا ان هم مو قادرين يسعدون الزوجة يحسون ان هم أقل رجل (شبه رجل) وان هو مو رجل حقيقي ،، يعني مثل ما قلنا امدحيه وقدريه بكل الطرق الممكنة عشان يحس بذاته كرجل لأن اذا ما حس بهالشعور بروح يدور عن اللي تمنحه هالشعور لأن ما يقدر يعيش بدون هالاحساس البطولي .. استغلي النقطة هذي زين لصالحج ما عندج عذر ..
السر الحادي عشر ::
الرجال يكرهون الانتظار و يحب المراة تكون جاهزة حزة الطلعة يعني اذا فيه طلعة جهزي كل شي تحتاجينه قبل كم ساعة واعتبري الموعد اللي اتفقتوا عليه مثل القنبلة المؤقتة اذا ما طلعتي من البيت بتنفجر ،، ترى مو كل مرة تتأخرين بيسكت أوبيهذر شوي وبينهي السالفة وبتروحون وهو مزاجه متعكر ويمكن يقلب الليلة نكد عشان تتأدبين ومرة ثانية بكنسل الطلعة للأبد وبيتعذر بأي عذر غير شرعي <<< وهذا من أسرار العشيقة تشوفينها جاهزة قبل الموعد بفترة تناظر بعمرها وبالتلفون ومن يسوي رنة يلاقيها تتمختر بدلع وابتسامة لباب السيارة .
السر الثاني عشر::
تدخين السيجارة يخلي أي رجال ينظر للمرأة ان هي سهلة ورخيصة لذلك تشوفون بعض الرجال يركضون وراهم لأن يحسها صيدة سهلة وممكن تقبل بأي شي ..
طبعا مثل ما قلت لكم الدراسة هذي عالمية وهذا ما ينفي وجود هذي الظاهرة في البلدان العربية والإسلامية للأسف .
السر الثالث عشر ::
الرجال يخاف ان يحب المرأة و تتمكن من قلبه وبعدين تستغله ، يعني الرجال يخاف يكون مصدر للاستغلال والصرف المادي من قبل المرأة فلا تحسسينه انه هو صراف آلي وتحملينه اللي ما يقدر عليه حتى لو كان يحبج فعلا واعطيه اللي يبيه منج في المقابل ..
القاعدة تقول: اصرفي بس بذكاء مو تفسفسين فلوسه على اللي يسوى وما يسوى وجمعوا لكم فلوس تستثمرونها في شي يزيد سعادتكم واستقراركم و تقوية العلاقة بينكم.
الرجال يحب يصرف على اللي يحبها و يحسها تستحقه صج وتحبه لنفسه ومعجبة بشخصيته مو هدفها المال اللي يملكه .
السر الرابع عشر::
إذا المرأة ما حسسته بوقفتها معاه في حالة الانزعاج العادية فبيعتبرج ضعيفة ومستحيل يفتح لج باب قلبه في حالة الزعل أو الحزن أو المشاكل الجادة .. اذا حسيتيه منزعج قدمي له كوب عصير ليمون واقعدي جنبه واحضنيه حسسيه انج مهتمة ولا تغثينه أو تسألينه مباشرة شفيك؟ ليش متضايق؟ وتمللينه من الأسئلة لأن جذي يحس انج مو واثقة من قدرته على حل الانزعاج .. بعدها يمكن يصارحج أو يعتدل مزاجه وينسى الانزعاج .
السر الخامس عشر ..
إذا كان متضايق منج أو متزاعلة معاه راضيه بشكل غير مباشر ،، شلون ؟ سوي له الأكلة اللي يحبها وقدميها بطريقة حلوة وقعدي جنبه وظلي ساكتة بحزن بس مو تصدقين عمرج وتاكلين معاه وعقب ما يخلص تأسفي له وعيونج نازلة للأرض وردي رفعيها وكأنج تبين تطالعينه عين بعين بس مو قادرة <<< هذي الطريقة حسب كلامهم تعتبر تذكرة الخروج من قفص الأسد <<< مو سهلين بعد يعرفون يعبرون ويتفلسفون
السر السادس عشر .. إ
ذا سويتي شي شين ومو هين أو تعاملين الرجال بأسلوب ما يتحمله والرجال ما فكر حتى يكلمج أو يفاتحج بالموضوع أو حتى يتهاوش معاج عليه
فهذا معناه ان هو مفكر يقطع حبل الوصال معاج <<< شلون عاد ؟
ما أدري كل واحد وطريقته (يمكن بالزواج ، يمكن بالحرام ، يمكن بالشات ، ويمكن بسوالف غير)
السر السابع عشر ..
الرجال يقولون وبالفم الملآن يا نساء رجاء افهمونا، احنا بشر وما نقرأ عقولكم واحنا مو نساء مثلكم عشان نفهم اللي يدور في هالراس اليابس <<< احنا بعد نحوس نحاول نفهمكم بدون ما تنطقون بس ما يصير نفضح روحنا
يعني شنو نسوي؟ أي شي تبينه فهميه إياه بالكلام أو الأفعال عشان يثبت في مخه مثل المسمار وما عنده حجة يقول ما أدري أو ما خبرتيني.
ولا تتوقعين في يوم انه بيفهمج اذا ما خبرتيه عن اللي في خاطرج أو اللي تفكرين فيه أواللي تحسينه ..
وبعطيكم معلومة الرجال المساكين ذاكرتهم ضعيفة في الأمور الصغيرة وقوية في الأمور الكبيرة ، يعني لا تتوقعين بيتذكر تاريخ ميلاد ولدج أو ميلادج إلا إذا ذكرتيه ..
بقول لكم معلومة بتنصدمون منها ( سووا استفتاء على مجموعة كبيرة من الرجال وسألوهم سؤال يفشل : شنو لون عيون أمهاتكم ،، وأغلبهم ما عرفوا اللون الحقيقي <<< قمة الإحراج واللي جاوبوا صح هم النساء طبعا << محد يقدر علينا إذا قرب عيد زواجكم مثلا وخاطرج في هدية ارسلي له مسج بالتاريخ وموعد الاحتفال بالضبط وحسسيه انها بتكون سهرة حلوة وفيها مفاجآت وانج مجهزة له هدية يحبها
وبعد كم يوم اكتبي له الهدية اللي خاطرج فيها في اليوم الموعود أو امدحيه وخله يجيب هدية على ذوقه الحلو
السر الثامن عشر ..
يقول الرجل : حتى لو كنتي أنيقة وتتابعين الموضة وتحبين التكشخ ،، بس هو يتمنى انج تلبسين عشانه هو واللبس اللي يحبه مو عشان تفوشرين وتتفاخرين جدام باقي النساء وأغلب الرجال يحبون الملابس اللي تبرز مفاتن الجسد وتدل على نعومتج كأنثى سواء ملابس داخلية أو خارجية ..
خلي عندج ملابس متنوعة ولا تقولين هذا مو حلو علي ،، جربي وجربي لين توصلين للشي اللي يناسبج من لباس وألوان .. لبسي توبات كم قصير وبلايز كم طويل وبيجامات تبرز جمال جسمج وفساتين قصيرة وطويلة وناعمة ووبعضها مرصعة ببعض الكريستال وفساتين حتى للحمل .. خلي لباسج ينطق بمدى إغرائج وحلاوة جسمج ..
السر التاسع عشر::..
لما الرجال يتكلم معاج عن موضوع يهمه (مثلا هواية يحبها) وما بطلتي اذنج على الآخر و انصتي له بتكون بداية لكارثة اسمها دفن الحوار الزوجي
انزين شنو معنى الانصات؟
يعني تندمجين معاه في الموضوع وتحسسينه بأن الشي اللي تسمعينه منه مهم مو تقعدين تقرين مجلة أو تكون كل حواسج مع اللابتوب وهو يتكلم ترى هذا يسمونه عدم اكتراث ولامبالاة (تطنيش)ولا تتصرفين كأنج متمللة منه وتبينه يخلص الموضوع بسرعة
كوني ذكية حتى لو كان الموضوع ما يجذبج ولا تفهمين فيه شي سوي روحج فاهمة وسأليه كم سؤال بسيط عشان يحس انج متابعة معاه ويحس انه البطل اللي يعرف كل الأجوبة ..
حبيبتي تذكري كل الأوقات اللي كان يسمع فيها هذرتج اللي ما تعني له أي شي (كلامج عن حياة ربعج وشنو صار في الحفلة أمور تافهة بالنسبة له ومو مضطر يسمعها) ولا راح تغير شي في العالم ،، ترى الرجال يحب يتكلم ويسمع في حالتين بس : حالة موضوع مهم بالنسبة له أو في حال المزح و الفرفشة .
يتبع

السر العشرين ..
بالنسبة للرجل المرأة تبدو وجذابة ومثيرة أكثر لما تلبس فستان سواء قصير أو طويل يبرز مفاتنها وأهمها الصدر والخصر والمؤخرة ..
ليش ؟؟ لأن الفستان يفصل مفاتن المرأة رغم ان هي لابسة يعني (كاسيات عاريات) والمزيون يتخيلها بنفس الجسم بس بدون الفستان مما يزيد لهيب الاغراء والاثارة فيه نقطة حبيت أنبه عليها لأنها تجيب لي ضيقة في الصدر وهي لبس السنتيانة (حمالة الصدر ) المناسبة لحجم صدرج ومحيطه وترز الصدر بشموخ مثير وفي نفس الوقت تكون حلوة وناعمة والله تجيني حرة إذا أشوف وحدة لابسة الحمالة وصدرها مترهل أو كل ثدي رايح في صوب كأنهم متخاصمين والمساحة بينهم شارع يقدر يعبره القاصي والداني .. آسفة ما لقيت غير هالتعبير رجائي كل الرجاء ادخري وقت عشان تلقين الحمالة المناسبة واللي مقاسها صح لأن حسب الاحصائيات العالمية أغلب النساء يلبسون مقاس غلط والنتيجة تكون بلاوي أشوفها في الأعراس أو يشوفها الزوج في البيت يا نساء ارحموا نظرنا من هالمشكلة العالمية ..
والقهر أن هم يلبسونها في الأعراس (واخزياه ) وتبان من بعض الجهات إذا كان الفستان عاري شوي ..
بليز بليز من فضلكم يا بنات الدنيا تطورت والمحلات تارسة البلد ادخلي محل معروف زين واختاري وحدة حلوة ولونها جذاب وجربيها حتى لو كانت غالية ترى الصدرية العدلة تسوي بلاوي وتعتير استثمار جيد طويل المدى والمفعول (ترفع الصدر وتبرز الخصر وتخلي ثيابج تصير متناسقة عليج )
السر الثاني والعشرين ..
اكثر شي يذبح الرجال ان لسانج ينط و تخبرينه شنو لازم يسوي إذا ما طلب رايج ومساعدتج ،، تدرين ليش ؟ لأنج تذكرينه بأمه اللي طول حياته تنصح وتفضح والسبب الثانية الرجل يعتبر نفسه هو السيد الخبير دائما ولجنة حل الأمور وتحسين البيت واذا خبرتيه شنو المفروض يسوي ،، راح يحس انج انتهكتي دوره وتبين تحلين محله وهالشي يفقده ثقته كرجل يعتمد عليه ، في هالحالة طبعا السكوت من ذهب وبيقدرج زوجج وايد اذا ربطتي لسانج واعتبرتي نفسج ما سمعتي ولا شفتي شي إلا اذا بنفسه طلب نصحج ومشورتج ،، هني عاد مربط الفرس شغلي مخج عدل قبل ما تتكلمين عشان يحس انج وحدة ذكية وتفكر قبل ما تنطق واذا حصلتي فكرة أو حل سريع افردي عضلات لسانج و اطرحي أفكار حكيمة عشان يتشجع ياخذ رايج كل مرة ومنها تعرفين شنو اللي يدور في راسه من أمور بدون ما تسألين
السر الثاني والعشرين ..
أثناء الجنس أذن الرجل تصير أفضل رادار متحرك يعني تصير حساسة جدا للكلام والآهات خصوصا الأذن اليسرى
خصوصا اذا كان الصوت حلو ومثير ويوحي بانسجامج معاه في الجنس يروح فيها الرجال وما يدري أرضه من سماه ،، وحساسية اذنه تكون بنفس مقدار حساسية جلد المرأة للمسات الرجل المثيرة ..
السر الثالث والعشرين ..
الرجال يحتاج لتلميح عشان يقدر يتقدم معاج خطوة للأمام لكن اذا ظليتي ساكتة ومو منفتحة معاه صعب عليه يتحرك نص خطوة (هذا كلامهم مو كلامي) يعني بإشارة منج تقدرين تقلبين موازين حياتكم ..
تذكري كل اللي تحتاجينه خطوة وحدة بس عشان يمشي معاج على نفس الخط وباقي الخطوات بتلحقها بس أهم شي يكون عندج خطة مدروسة عشان تكسبينه صح ..
فيه وحدة زوجها مو مرتاحة معاه في الجنس يداعبها مداعبات بسيطة وياخذ اللي يبيه ويقوم ،، طبعا المرأة الذكية شنو سوت قامت اذا سوا لها لو حركة بسيطة حتى لو ما تثيرها تتأوه هني الرجال انصدم أول مرة يسمع صوتها وحس ان هالثلجة اللي قدامه أخيرا صار فيها دم وحست بإثارة وبدت تذوب، شنو سوا ؟؟ واصل نفس الحركة وحاول يثيرها بمناطق ثانية ويشوف ردة فعلها هل هو في حلم لو علم وكلما واصل زادت إثارتها وتأوهاتها واستانس المزيون ،، شفتوا شلون لعبتها صح وزادت فترة الإثارة بدون حتى ما تطلب منه ، في المرة الجاية لما نط عليها فكرت تتقدم خطوة جديدة شنو سوت ؟ لما حست ان هو يبي يخلص من المداعبات تمسكه عند المكان اللي تبيه كأنها ما تبيه يقوم والرجل طبعا فهم الحركة وحاول يرضيها أكثر وهكذا كل مرة خطوة جديدة لين وصلت للمتعة اللي تبيها وخف خجلها وزادت جرأتها .
وحدة ثانية طول عمرها خاطرها يطلعها زوجها ويفسحها ويسافر معاها وطبعا زوجها لما شافها ساكتة عن الموضوع ولا كلفت عمرها توضح له ان خاطرها في هالشي ، طبعا الرجال يصرف فلوسه بس على المصاريف الأساسية والكمالية لين يطير الراتب وفي يوم جابت له صور من النت لبلدة كانت تتمنى تزورها وقالت له شرايك؟؟ قال لها: فظيعة، قالت له خاطري أروح معاك هالمكان ونفرفش بعيد عن التزامات الشغل والروتين ،، طبعا الرجال انصدم لأن زوجة بيتوتية ولا عمرها اشتكت أو عبرت عن اللي بخاطرها وقالت له من هالشهر بنشيل مبلغ من الراتب وبنجمعه وفي الاجازة بنسافر
طبعا حاول الزوج يكنسل الموضوع من البداية بس هي ذكية قالت له: ما أبي رد الحين ، عندك وقت تفكر في هالسفرة الحلوة .الرجال سكت من الصدمة لكن بعدين بينه وبين نفسه فكر في الموضوع خصوصا لما شافها مصرة بدون ما تصارخ وتحن و وافق.
السر الخامس والعشرين ..
الرجل يحب المرأة اللي يقدر يسعدها بأقل شي لأنها هذا معناه انها تقدر الجهد اللي يبذله عشانها مهما كان بسيط وحتى لو أخطأ في التفاصيل.
وحدة أرسلت زوجها السوبرماركت وجاب كل شي ونسى شغلة مهمة مو تقلبين البيت فوق راسه ولا كأنه تعب وراح ودفع ورجع .. آنه قلت لكم الرجال ذاكرتهم ضعيفة في الأمور الصغيرة وبدون التقدير منج ما يقدر يعيش شوي شوي على ريلج وقولي له ما قصرت يا بعد روحي الله يخليك لي وعطيه بوسة (أدري قلبج فيه حرة وودج تطقينه على راسه بس عودي روحج على طولة البال ) نجي للخطة :بعد ما يرتاح ويشرب كوب عصير من يدج الحلوة ويطالع تلفزيون أو يخلص قراءة الجريدة
تروحين له ببسمة حلوة وتقعدين جنبه (مثلا إذا ما جاب صابون غسيل الملابس) قولي له حبيبي الظاهر انك نسيت تجيب الصابون سونيا تبي تغسل الثياب ، وبس لا تكثرين كلام وهذرة وتبريرات .
أي شي يقدم لج إياه خليه يحس انج مستانسة بس عاد مو تبينين له انج متخرعة وما شفتي خير .. لا لا وضحي له سعادتج بكلام قوي وفي الصميم عشان يحس ان اللي يبذله من وقت ومال ما راح خسارة بل استفاد منه في إسعادج.بيني له انج سعيدة لمجرد وجودكم مع بعض ويجمعكم مكان واحد أو جلسة ودية .
السر الرابع والعشرين ..
الرجل يحب الزوجة اللي تكون واثقة من قدراته الفكرية والفعلية ما قلنا ان هو يعتبر نفسه السيد الخبير ولجنة تحسين المنزل ؟؟ <<< ذبحونا ببطولاتهم
مرة ثانية اذا كان في بالج شي اخذي رايه ونصيحته وشوفي شلون بتنتفخ عضلاته وقلبه بطير إذا حس انج واثقة في حكمته ومشورته ..
حاولي تعرفين المجال اللي يفهم فيه ومتمكن منه عشان يقدر يتعنتر ويطلع شطارته
وسأليه اسئلة على قده مو تسألينه أسئلة محرجة تغير ألوانه وتخليه يلعن الدقيقة اللي عطاج فيها وجه
(طبعا هو ما بيقول لج آنه مستانس انج تاخذين رايي وتثقين فيني) بس من داخله بيقدرج وبيحبح زيادة لأنج تقدرين على الأقل جزء من ذكاءه ومواهبه .
السر السادس والعشرين ..
الرجال معروفين بحبهم للسيطرة و التنافس من بداية الخليقة وإذا انتي حاولتي تتفرعنين عليه وخليتيه يحس انج أفضل منه وانج الفاهمة والمديرة والمتحكمة في كل شي و محد ينافسج ،، اسمحي لي ترى راح تخسرين وايد وايد لأنج تنافسينه في دوره ..
و راح تدمرين صورتج كأنثى رقيقة يحميها الرجل ويدبر أمورها ، وتخسرين مقدار معزتج في قلبه لأنه هو مستحيل يخليج تركبين راسه وتصيرين فوقه خصوصا اذا حس انج متعمدة تنزلين من قيمته بأي طريقة ويمكن يتعمد يحرجج في أي فرصة.
(شعار الرجل دايما ان هو السيد المتحكم في زمام الامور فلا تحرمينه من دوره وبعدين تجين تشتكين عليه في محكمة منتدى بلقيس )
السر السابع والعشرين ..
الاحترام بالنسبة للرجل أهم من الحب .. أشوف عيونكم وبراطمكم انفتحت من كل جهة بعلامات تعجب !!!!
اذا انتي تحبينه بس ما تحترمينه وما تحاسبين لكلامج وتصرفاتج في المواقف المختلفة وتلغين الاحترام في أهم المواقف فحبج له ما يمثل أي قيمة ، لأنه يخسر هيبته كرجل ويحس ما له كرامة .. يعني اضبطي روحج خصوصا في مواقف الزعل وعبري عن غضبج بنظرة حزينة و برطم زعلان مثل هذي البنت الناعمةشفتوا نعومتها وحلاتها رغم زعلها
واذا كان الموقف قوي عليج ضيفي بعد دمعة صغيرونة ،، ترى هالحركة تذوب أعتى الرجال و أحسن لج من الصراخ وقلة الاحترام اللي تخليكم تغلطون على بعض ويمكن تمتد إلى مالاتحمد عقباه
وتصيرين انتي الغلطانة بدل ما هو الغلطان .. صيري ذكية والعبي اللعبة صح ..
السر الثامن والعشرين ..
انتوا تعرفون الرجال يحبون الأمجاد والكشخة والفخفخة والمفوشر على أي شي يملكه (سيارته ، تلفونه ، مواهبه .. الخ ) ومن ضمنهم زوجته وعياله
يحب الرجل ان يحس ان الآخرين (سواء رجال أو نساء) حاسدينه على وجودج معاه كزوجة خصوصا اذا رايحين مكان مع بعض ،، خصوصا الأجانب شوفوهم في الأفلام إذا رايحين حفلة وتكون اللي معاه كاشخة ومحلوة يمسكها من يدها عشان يعطي لمحة للآخرين ان هذي لي وملكي وهذا الشي يخلي الرجال يحس بالفخر والسعادة والنشوة ..
شلون نستغل هالسر: كوني زوجة سنعة عشان زوجج يفتخر فيج وعشان الكل يمدح في ميزاتج ويزيد اعجاب أبو الشباب وافتتانه فيج ويحس انه يملك كنز ثمين وما يفرط فيج ..
لذلك وضحي له ميزاتج عن طريق ذوقج ولمساتج في البيت وثقافتج وخبرتج في أمور الحياة اللي تخص الأنثى ، خليه يقول في داخله يا كبر حظي ، الله عطاني هالجوهرة .
السر التاسع والعشرين ..
لما يكون الرجال حزين أو متضايق يصير حساس وايد لنبرة الصوت
يعني طريقتج وانتي تتكلمين تأثيرها أكبر وأهم من الكلمة نفسها .. اذا كان متضايق حسسيه انج مهتمة عن طريق نبرة صوت حزينة ورقيقة مع ملامح متأثرة
عشان يحس انج حاسة بألمه حتى لو ما سألتيه عن سبب حزنه وحتى لو تعرفين السبب بعد كلميه بهالنبرة كأنج تعطفين عليه يسمونها (نبرة تعاطف).

السر الثلاثين ..
الرجل يكره المرأة اللي تتجاهل تعليقاته أو تقلل من قيمتها
في مواقف التعليقات تجي لج وحدة تسوي نفسها ذكية عقب ما يعلق عليها وترد عليه : أكيد انت ما تقصد الكلام اللي تقوله ،، بينما هو فعلا يقصد الكلام بس هي تبي تخفف على روحها الصدمة اللي جتها بعد التعليق
في هالحالة راح ييأس وما بيحاول يعدل الأمور معاج وبيخليج على راحتج ويتوقف عن طرح تعليقاته الزوجية للأبد.
اعتبري انج محظوظة اذا زوجج ينصحج بشي أفضل واعتبري تعليقاته نصيحة من سيد خبير (لأن الرجال يحبون يصلحون الأمور ويقدمون النصايح هذي طبيعتهم ) وحاولي تشوفين الجانب المشرق فيها حتى لو كانت تسيء لمشاعرج ،، لأن الرجال مثل ما قلنا ما يعرفون يعبرون في الكلام وتعبيرهم أكثر شي بالأفعال(هذي المعلومة أبيكم تلصقونها بمخكم للأبد) من جذي اللي ييأس منها زوجها مباشرة يروح يتزوج ما عنده وقت للكلام ، خصوصا إذا شافج سنين على نفس النظام والروتين وياس من الكلام أو منحرج يبين لج مساوئج ،، وفي هالزمن للأسف كل شي سهل بالحلال والحرام .
انتبهي لتعليقاته المباشرة وغير المباشرة وعدلي تصرفاتج عشان نفسج قبل ما تكون من أجل زوجج عشان يكون مفعولها قوي.
السر الواحد والثلاثين ..
صدقي أو لا تصدقين .. الرجل أحيانا ما يعرف شنو الشعور اللي يحس فيه في لحظة معينة <<< مصيبة والله
ولهالسبب صعب عليه يتكلم معاج خصوصا في الاشياء المرتبطة بالمشاعر تخليه يرتبك ويتخربط وما يعرف شنو يقول .
إذا شفتيه متضايق لا تقولين له شفيك؟ شنو تحس؟ لأن هذا السؤال القاتل اللي مو مستعد يسمعه منج.
لاحظي الرجال بشكل عام يبتعدون عن الكلام في شي يخص المشاعر لأنها بالنسبة له لغز يحيره ويتمنى يكون عنده مترجم فوري لمشاعره، لأن يخاف يتكلم ويغلط في التعبير خصوصا اذا كان قليل الثقة وراسب في مادة التعبير ..
لاحظي كلامهم وأحاديثهم كلها عن السياسة والكرة والالكترونيات أو مزاح ثقيل وبعيدة جدا عن المشاعر.
السر الثاني والثلاثين
الرجل يحس بنسبة كبيرة من انعدام الأمن << جملة خطيرة تقصم ظهر البعير
شنو الدليل؟؟ حاجته إلى الاحترام والتقدير والحب والثقة منج وهذا كله يبيه منج وما يقدر يعيش بأمان وتصير شخصيته مهزوزة إذا عاش مع وحدة مشتغلة عدل على تحطيمه وعدم احترامه
وترى الاحترام والثقة اللي يحصلها في العمل أو مع أصدقائه مستحيل تكفيه واللي يخليه يحس بالشبع الكامل هو التعامل الراقي اللي يحصله من الزوجة.
السر الثالث والثلاثين ..
الرجال مو المهم عنده ان انتي اللي دايم تعطينه وتحرصين على رضاه بل الأهم عنده إحساسه بقدرته على إرضائج وإسعادج..
الرجل يستمد رجولته وقيمته ورضاه عن نفسه بمقدار السعادة اللي يوفرها لج لذلك اللي ما تقدر زوجها في أبسط الأمور يهج عنها ويحس ان هي وحدة بلا مشاعر أو ذوق وما تستحق ان يعطيها فلس أحمر ويصرف عليها فقط من باب الواجب وبدون رغبة ويبحث عن طرف آخر يقدر عطائه ( يمكن هالطرف يكون أهله أو أصدقائه أو عشيقة أو زوجة بالسر )
السر الرابع والثلاثين ..
هذا السر خطير ، اذا الرجال سوا شي حلو لج ثم قال لج شي متناقض مع فعله <<< هذي الصفة تخليج في حالة دوامة وترفع حرارة الأعصاب ..
يعاملج طول الوقت بحب واحترام وبعدين قال لج انتي ما تستاهلين مني شي .. قال لج انتي على طول حلوة وتعجبيني وبعدين قال لج انتي محد يحب يطالعج أو انتي مو ذاك الزود ..
.. شلون ؟؟
انظري إلى أفعاله واعتبري اللي قاله مجرد هفوة أو تعليق لأن يبي زيادة تقدير منج أو منقهر ومعصب ويبي يحر قلبج لأنج سويتي شي مو عاجبه ،، لأن الرجال تتحدث بالأفعال مو الكلام وما تفهم إلا حديث الأفعال << يا عيني على الرجولة الفذة.
لذلك الرجال يلاحظ أفعالج تجاهه أكثر من كلامج .. يعني إذا قلتي له أحبك وبعدين سويتي أفعال شينة ضده ما راح يصدق كلامج حتى لو حلفتي !!!
السر الخامس والثلاثين ..
الرجل يصير عنده رغبة لإسعادج بمجرد يشوف منج ابتسامة غير مصحوبة بطلب
انظري له وانتي قاعدةمعاه في الصالة مثلا وابتسمي ومسكي يده وقولي له الله يخليك لي وما يحرمني من وجودك الحلو في حياتي عشان يحس ان هالابتسامة دليل سعادتج معاه ..
و رجاء مني كل الرجاء لا تخلينه يحس ورا كل ابتسامة طلب ،، خليه يحس ان ابتسامتج صادقة مو مجرد إغراء لما قبل الطلب ، عشان اذا ابتسمتي مرة ثانية ما يقول في قلبه هالابتسامة الصفرا الخبيثة هذي معناها طلبات الله يستر منها بس ويتمنى تختفي ابتسامتج للأبد ..
السر الخامس والثلاثين ..
الرجل يكره بشدة المرأة اللي تتكلم عن علاقاتها السابقة ( زواج أو علاقات قبل الزواج) مهما كانت النقطة إيجابية أو سلبية وحتى لو عن رجل في التلفزيون وترى هالشي ما يعجب أي رجل وحتى في الغرب رغم الإباحية اللي عندهم لكن يتنرفز اذا تكلمت عن صديق سابق فما بالج في مجتمعاتنا
لأن هذا الشي يخلي الرجل يشك ويغار ويعتقد انج تقارنين بينهم وراح يتخيل انج تقارنين بينه وبين أي رجل في الشارع وهذي أكبر مصيبة
لا تتكلمين عن اي شي ماضي حتى لو كنتي تبين توضحين له ان هو أفضل من كل اللي عرفتيهم أو انج انظلمتي على يد زوجج السابق أو من علاقة سابقة .
السر السابع والثلاثين ..
إذا كان الرجل ما يشاركج الأشياء اللي يفكر فيها وخصوصا الأشياء اللي تخص حياتكم فهذا الشي له عدة أسباب:
× أهم سبب : اعتقاده انج ما راح تسمعينه بدون مقاطعات ، فيه بعض النسوان اللهم يا كافي ما يلحق الزوج يفتح الموضوع تصير مثل الريح تسكر عليه من جميع الجهات وبعدين تشتكي وتقول زوجي ما يسمعني وما يحب يسولف معاي ..
× سبب ثاني : اختلاف المستوى الثقافي ، حاولي تكونين مثقفة في أساسيات الحياة عشان ياخذ ويعطي معاج في الكلام .
× اذا تعود الزوج على الرفض منج وتأجيل مقترحاته فراح تصيده عدوى منج وبيسكر صندوق اقتراحاته وانتي الخسرانة .
× خوفه انج تفشلينه أو تحكمين على أفكاره بالإعدام .
الحل : اسمعيه للآخر وبعدين وضحي وجهة نظرج اللي حايمة بقلبج .
اذا اقترح شي وقته غير مناسب لج حاولي تشوفين الجانب الايجابي في الموضوع واذا عندج راي ، قولي له : فكرتك حلوة وعندي بعد اقتراح أعتقد بيعجبك.
وإذا زوجج قليل الثقافة حاولي تبينين له النقاط اللي ما يعرفها بطريقة حلوة مثلا انتوا تبون تشترون أرض ، مثلا قولي : آنه سمعت من اختي أسعار الأراضي جذي وجذي ،، يعني مو تحسسينه كأنج الفهيمة وكل شي تعرفين من نفسج أو قولي : انت تدري وأكيد سمعت ان أسعار الأراضي نازلة هاليومين << جذي تحسسينه انه هو عنده دراية وعلم بالموضوع حتى لو هو خيشة وما يدري حتى عن نفسه .
السر الثامن والثلاثين ..
الرجل ما يحب يتجادل بشكل عام خصوصا مع زوجته ويكره الجدال العقيم اللي ما تجي من وراه إلا المشاكل وعوار الراس ..
والرجل ما يحب يكلف عمره يقعد يحلل ويتوقع شنو الخلل في حياته أو شنو تبي زوجته منه ، ما تشوفينه مسير حياته ولا كأنه صاير شي حتى لو حياته روتينية مملة والعلاقة الحميمة عادية أو حتى عنده مشاكل بالشغل ،، لذلك وباختصار يقول لج الرجل اذا عندج شي أو تحسين بخلل تعالي للسيد الخبير مارد المصباح وبلغيه بالمشكلة بأسلوب حلو وهادي وما بتشوفين منه إلا طيب الخاطر وراح يفكر شلون يحل المشكلة أو الخلل بس لا تقعدين تسوينها مشكلة عالمية وتعقدين لها مناقشات ومداولات مستمرة ترى بيكره يسمعج ولا بحلها لج .
يتبع

جزاكي الله خير ونفع بك والله يرزقكي ب الزوج الصالح

مَشْكُوْرَه قَلْبِي

يعطيك العافيه ياقمر