أسواق اليمامه بجده

1. السلام عليكم ورحمة الله وبركاته

السلام عليكم ورحمة الله وبركاته

اخواتي الفراشات في البداية بحكي لكم ايش صار معي وابغى اعرف رايكم ومن صار معها زيي
انا رحت لخياطه علشان تفصل لي فستان الملكه والموديل اللي طلبته شوي ناعم مافي شغل كتير لانه غيرت بعض الاشياء المهم سالتها كم تكاليف الخياطه قالت لي انتي زبونتي وبراعيك كتير بالسعر تقريبا 2000 قلت لها في البدايه طيب لانه انا حاطه ببالي تكاليف الفستان 3000يعني القماش يكلفني 1000 المهم رحت منصر العيسائي وشفت القطع عنده كلها مابين 1700الى فوق مو القطعه كامله لا المتر الواحد المهم دخلت كدا محل في مجمع الشرق ولقيت كل الاسعار في هدا الحدود يعني القماش لوحده 3000
حيكلفني فقلت اشووف جاهز واذا مالقيت شيء حلو ارجع اخد قماش وامري لله مع ان الملكه ان شااء الله حتكون بالبيت يعني ماابغى اتكلف بالفستان ابغى شيء حلو وسعره معقول..المهم قلت باستخير ربي وين اروح اسواق اليمامه والا لمسات المهم رحت اسواق اليمامه وبصراحه شفت شيء غير المتوقع كل الموديلات تجنن يعني الموديل اللي براسي كنسلته لاني لقيت احلى منه وبصراحه السعر هو المفاجئه اللي صدمتني يعني الفستان قماش وتفصيل والموديل من عنده ولو حابه تعديلات يعمل لك مايكلفك الا 1200 الى 2800بصراحه هدا اخر سعر سمعته من المحلات لما اسعر فساتين الملكه وقلت يابلاش ولا اني اشتري قماش بهدا السعر واقمشتهم تجنن اخترت فستان وغيرت فيه تعديلات كتيره قال لي اول شيء 2000 والله غيرت شكل الموديل من ورى بحركه عجبتني في فستان تاني وطلبت يحط اكمام واشياء كتيره بعدين سالته عن السعر النهائي قال 2200 قلت مااشااء الله مررا حلو المهم ولقيت فسااتين زواجات تجنن وماسعرتها بس اتوقع اسعاارها حلووة ونفس الموديلات اللي موجوده بالنت وفي محلات كتيره تفصل مسكات واكسسوارا وبصراحه اشكال المسكات ابداع عجبتني كم وحده وسالته عن مسكه فيها كريستالات كتير وشكلها مرا حلو قال لي 200 والورد صنااعي كانه طبيعي مرا
وتقريبا اسعار المسكات كلها مابين 200 الى 400وفي كمان محلات الانجري بصراحه القطع مرا تجنن احلى من لاسنزا ونعومي قلت لازم ارجع لها تاني لان مادخلتها وماسعرتها بس اتوقع اسعارها حلوة اذا الفساتين اسعارها كدا ..وبس هدا كل اللي صار معي واتمنى اكون افدتكم بشيء انا قرت العبايه والمسكه والاكسووارات واكسسوار الشعر والانجري كلها من اليمامه ان شاء اله ...