أشين هدية

السلام عليكم
عندي اقتراح
وش رايكم كل وحدة تدخل وتقولنا وش اشين هدية اهداها لها زوجها
طبعا قدامه انت مثلت انها روعة ويعطيك الف عافية حبيبي
وانت تغلي من داخل تقولين وش ذي الهدية ما يعرف يختار الله يهديه
او تقولين: انا كم مرة المح له وش ابي بس هو ما يفهم
الغرض من طرح هالموضوع عشان نواسي بعض ونعرف اننا مو بس حنا نتلقى هدايا
"غير مرغوب فيها"
بابدا انا اولا
زوجي كا بيسافر فرنسا للعمل المهم اليوم قبل سفرة كان يوم ميلادي
طبعا هو نسى مع التجهيز للسفرة وقالي راح اجيبلك هدية محترمة لميلادك من فرنسا
"وش احسن من كذا"
وانا تحمست مرة
يوم جا تدرون وش جابلي؟؟؟
شنطة مكتوب عليها باريس من المطار
المشكلة انها مو ذوقي ابدا
وماني قادرة البسها وما عجبتني ابدا
هو كسر خاطري احسه حس بردة فعلي بس والله مو بيدي
انا زوجي ذويق مرة في ككل شيء الا اللبس
بس ما اقدر اقوله
يلا عاد جا دوركم
ورونا ابداعات ازواجكم