أضيفيني بأيميلك

السلام عليكم ورحمة الله وبركآتة ...
صبآح \ مسآء الخير ..
أضيفيني بايميلك وخلينا نصير اثنين
كلام يقوله محشش عشان يشبك بنّيه
أضيفيني وأنا بقبل بسرعه طالبك تكفين
بسولف لك وبحكي لك سوالف حيل سريّه
تقوم البنت تتغلى ورا ما تقولها هالحين
هنا بالمنتدى بالخاص الأوضاع حريّه
يجاوبها الولد ويقول شكلك صايره تنسين
حاير خصيم الوقت مدرسة ياوخيّه
يشوفون الرسايل كلها وإلا ما تدرين
وأنا مآبي يشوفوني وأنا بعطيك حنّيه
تجيه البنت وتضيفه وتتكبر عليه شوين
تفضل هاه وش عندك تراني حيل رسميّه
وهي دجه ولا تدري تجيه يسار وإلا يمين
شين البنت تتفلسف وهي برحه عليميّه
يجيها جايب الطبلون يجيها مطفي النورين
أنا مملوح وش زيني أنا كلي رومانسيّه
أنا أسوي وأنا أفعل أنا احبك ليوم الدين
تعالي قربي مني تراي مصفي النيّه
وهو توه و ما كمل معاها يوم أو يومين
يقول أنتي ملكتيني يا أحلى بنت سحليّه
تقول البنت منحرجه ورا ما تستحي ياعفيّن
أنا ما أعرف وش تقصد أنا مبغي رمنسيه
وكانك زين وش ملحك تراني كامله بالزين
أنا أمي تقول أنتي جمال وطول حوريّه
يشب محشش الصاروخ ويمخمخ على موشين
اجل أمك تقول أنتي جمال وطول حوريّه
أنا أتوقع ولا ادري أحس انك كمال الشين
ولونك لون سوداني وخشمك خشم كوريّه
وتبدى الحرب بين اثنين كله سب مع تلعين
وكلن يحظر الثاني وبأخلاقٍ تجاريّه
وهذي تجربة حشاش وترجمها لكم قافين
وهذا حالنا هالحين تمساحٍ وسحليّه
..
راقت لي واحببت ان تشاركوني ..